4480 ادام قابىلدايدى! شينجياڭنىڭ ”ءۇشتى قولداۋ، ءبىردى سۇيەمەلدەۋ“ جوسپارىنا سايادى

بيىل، شينجياڭ ۇيعۇر اۆتونوميالى رايونى جوعارى مەكتەپتەردەن وقۋ تاۋىسقان 4480 وقۋشىنى ”ءۇشتى قولداۋ، ءبىردى سۇيەمەلدەۋ“ جوسپارىمەن قابىلدايدى. مۇنىڭ ىشىندە وڭتۇستىك شينجياڭداعى 3 ايماق، ءبىر وبلىسقا 3600 ادام، باسقا ايماق، وبلىس، قالالارعا 880 ادام قابىلدايدى.

7 – ايدىڭ 20 – كۇنى، ءتىلشىنىڭ شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىنشا، 2026 - جىلعى جوعارى مەكتەپتەن وقۋ تاۋىسقان وقۋشىلاردى ”ءۇشتى قولداۋ، ءبىردى سۇيەمەلدەۋ“ جوسپارىمەن قابىلداۋ ەمتيحانى اۆتونوميالى رايوننىڭ 2026 - جىلدىڭ العاشقى جارتىسىندا قوعامنان ءىسورىن قىزمەتكەرلەرىن اشىق قابىلداۋ جازباشا ەمتيحان ناتيجەسىن قولدانادى، وعان باسقالاي ”ءۇشتى قولداۋ، ءبىردى سۇيەمەلدەۋ“ جوسپارىنىڭ جازباشا ەمتيحانىن ورنالاستىرماعان.

ءىسورىنداردىڭ قىزمەتكەر قابىلداۋ ەمتيحانىنا قاتىناسقان ءارى ”ءۇشتى قولداۋ، ءبىردى سۇيەمەلدەۋ“ جوسپارىنا تىزىمدەلۋدى قالايتىن ەمتيحان بەرۋشىلەردىڭ شينجياڭ ادام كۇشى بايلىعى جانە قوعامدىق قامتاماسىزداندىرۋ الەۋمەتتىك قىزمەت وتەۋ تەكشەسىنىڭ تورابىنا شىعىپ، جازباشا ەمتيحان ناتيجەسىن تەكسەرىپ كورۋىنە بولادى، 7 - ايدىڭ 23 - كۇنى ساعات 10 نان 7 - ايدىڭ 29 - كۇنى ساعات 18 گە دەيىن، شينجياڭ ادام كۇشى بايلىعى جانە قوعامدىق قامتاماسىزداندىرۋ الەۋمەتتىك قىزمەت وتەۋ تەكشەسىنە شىعىپ (https://rsggfw.rst.xinjiang.gov.cn/osp-tb/template/pc/index.html#/index)، ”ارناۋلى قىزمەت وتەۋ“ دەگەن جەردەگى ”ءۇشتى قولداۋ، ءبىردى سۇيەمەلدەۋعا“ تىزىمدەلۋ مودۋلى دەگەن جەردى باسىپ كىرىپ، تالاپ بويىنشا جەكەلىك ينفورماتسيانى تولتىرىپ، شينجياڭ ۇيعۇر اۆتونوميالى رايونىنىڭ 2026 - جىلدىڭ العاشقى جارتىسىندا قوعامنان اشىق قابىلدانعان ءىسورىندارداعى قىزمەتكەرلەردى تۇرگە ءبولىپ ەمتيحان ناتيجەسىن تولتىرعاننان كەيىن سايكەستى قىزمەت ورنىن تاڭداپ تىزىمدەلۋىنە بولادى. ءار ادام تەك ءبىر قىزمەت ورنىنا عانا تىزىمدەلۋىنە بولادى، تىزىمدەلۋ ءساتتى بولعاننان كەيىن وزگەرتۋگە بولمايدى.

قابىلداۋ وبيەكتىسى جوعارى تەحنيكۋم جانە ودان جوعارى ماعلۇماتقا يە ادەتتەگى جوعارى مەكتەپتەردەن سوڭعى 3 جىل ىشىندە وقۋ تاۋىسقان وقۋشىلار (2024 - جىلدان 2026 - جىلعا دەيىن وقۋ تاۋىسقان، 2026 - جىلى وقۋ تاۋىسقان وقۋشىلاردى قامتيدى)، تىزىمدەلۋشىلەر تولىمدىلىعىن تەكسەرۋ، بەتپە - بەت ەمتيحان، ساياسي تەكسەرۋ، دەنساۋلىق تەكسەرۋ قاتارلى شارتتاردان ءوتىپ، تولىمدى بولعاندارى اۆتونوميالى رايوننىڭ نەگىزگى ساتى ورىندارىنا بارىپ وقۋ - اعارتۋعا كومەكتەسۋ، اۋىل شارۋاشىلىعىنا كومەكتەسۋ، ەمدەۋگە كومەكتەسۋ، اۋىل - قىستاقتى گۇلدەندىرۋگە كومەكتەسۋ قاتارلى قىزمەتتەرمەن شۇعىلدانادى، قىزمەت وتەۋ مەرزىمى 2 جىل بولادى.

قىزمەت وتەۋ كەزىندە ”ءۇشتى قولداۋ، ءبىردى سۇيەمەلدەۋ“ قىزمەتكەرلەرى قىزمەت، تۇرمىس قوسىمشا قاراجاتى، قوعامدىق قامسىزداندىرۋ قوسىمشا قاراجاتى، تۇرمىستىق كومەك قاراجات قاتارلىلاردان يگىلىكتەنەدى.

كەلۋ قاينارى: حالىق تورابى