ءىشىنارا جەرلەردە جوعارى تەمپەراتۋرا 50 سەلتسي گرادۋستان استى! بۇكىل شينجياڭنىڭ اۋا رايىنان الدىن الا مالىمەتى كورىڭىزدەر

جۋىقتا، بۇكىل شينجياڭدا ەرەكشە قاتتى ىستىق بولدى، ەسكەرەر جاعداي الداعى بىرنەشە كۇندە جالپى شينجياڭنىڭ اۋا تەمپەراتۋراسى تاعى دا جوعارىلايدى. تۇرپان، قۇمىل، بايىنعولىن موڭعۇل اۆتونوميالى وبلىسى قاتارلى جەرلەردىڭ ءىشىنارا وڭىرلەرىندە 45 سەلتسي گرادۋستان اساتىن قاتتى ىستىق بولادى، تۇرپاننىڭ كەي جەرلەرىندە ءتىپتى 50 سەلتسي گرادۋستان اسۋى مۇمكىن، تاۋلى وڭىردە ءۇرتىس جوعارى تەمپەراتۋرا قاردىڭ ەرۋىن تەزدەتۋى مۇمكىن، قار سۋىنان بولاتىن تاسقىننان ساقتانۋ كەرەك، الداعى بىرنەشە كۇندە ۇرىمجىدە جوعارى تەمپەراتۋرا ءتىپتى دە جوعارىلايدى، 7 – ايدىڭ 21 – كۇنى ەڭ جوعارى تەمپەراتۋرا 40 سەلتسي گرادۋسقا جەتەدى، بۇل الداعى بىرنەشە كۇندەگى ەڭ ىستىق كۇن بولادى.

7 - ايدىڭ 20 - كۇنى تۇننەن 7 - ايدىڭ 21 - كۇنى كۇندىزگە دەيىن، سولتۇستىك شينجياڭنىڭ باتىس بولەگىندەگى، سولتۇستىك بولەگىندەگى تاۋلى رايوندار، تارباعاتاي ايماعىنىڭ وڭتۇستىك بولەگىندەگى تاۋلى رايوندار، شىحىزى قالاسىنىڭ وڭتۇستىك بولەگىندەگى تاۋلى رايوندار، ءۇرىمجى قالاسىنىڭ تاۋلى رايونى، سانجى وبلىسىنىڭ تاۋلى رايونى، قىزىلسۋ قىرعىز اۆتونوميالى وبلىسىنىڭ تاۋلى رايونى، حوتان ايماعىنىڭ وڭتۇستىك بولەگىندەگى تاۋلى رايون، اقسۋ ايماعىنىڭ تاۋلىق رايونى، بايىنعولىن وبلسىنىڭ تاۋلى رايونى، قۇمىل قالاسىنىڭ تاۋلى رايونى قاتارلى ورىنداردىڭ ءبىر ءبولىم رايوندارىندا جاڭبىر جاۋادى، مۇنىڭ ىشىندە ىلە اڭعارى، التاي ايماعى، قىزىلسۋ قىرعىز اۆتونوميالى وبلىسى، حوتان ايماعىنىڭ وڭتۇستىك بولەگى قاتارلى تاۋلى وڭىرلەردىڭ ءىشىنارا جەرلەرىندە ورتاشادان باستاپ قالىڭ جاڭبىر جاۋادى. بۇكىل شينجياڭنىڭ جازىق رايوندارىنىڭ باسىم كوپ بولەگىندە 35 سەلتسي گرادۋستان جوعارى ىستىق بولادى، ىلە اڭعارىنىڭ باتىس بولەگى، بۇراتالا وبلىسىنىڭ شىعىس بولەگى، تارباعاتاي ايماعى، قارامايلى قالاسى، سانجى وبلىسى، قاشقار ايماعى، حوتان ايماعى، اقسۋ ايماعى، بايىنعولىن وبلىسى، تۇرپان قالاسى، قۇمىل قالاسىنىڭ ءىشىنارا وڭىرلەرىندە ەڭ جوعارى تەمپەراتۋرا 40 سەلتسي گرادۋستان اسادى، تۇرپان قالاسىنىڭ، قۇمىل قالاسىنىڭ ءىشىنارا جەرلەرىندە 45 گرادۋستان اسادى، تۇرپان قالاسىنىڭ ءىشىنارا جەرلەرىندە 50 سەلتسي گرادۋسقا جەتەدى.

7 - ايدىڭ 21 - كۇنى تۇننەن 22 - كۇنى كۇندىزگە دەيىن، سولتۇستىك شينجياڭنىڭ باتىس بولەگى، تارباعاتاي ايماعى، قارامايلى قالاسى جانە التاي ايماعى، شىحىزى قالاسى، ءۇرىمجى قالاسىنىڭ تاۋلى رايونى، سانجى وبلىسى، وڭتۇستىك شينجياڭنىڭ باتىس بولەگىندەگى تاۋلى رايون، حوتان ايماعىنىڭ وڭتۇستىك بولەگىندەگى تاۋلى رايون، اقسۋ ايماعىنىڭ تاۋلى رايونى، بايىنعولىن وبلىسىنىڭ تاۋلى رايونى قاتارلى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى، ءىشىنارا وڭىرلەردە ورتاشادان باستاپ قالىڭ جاڭبىر جاۋادى. مۇنىڭ ىشىندە ىلە اڭعارى، بۇراتالا وبلىسى، تارباعاتاي ايماعىنىڭ وڭتۇستىگىندەگى تاۋلى وڭىرلەردىڭ ءىشىنارا جەرلەرىندە نوسەر جاۋادى. بۇكىل شينجياڭنىڭ جازىق رايوندارىنىڭ باسىم كوپ بولەگىندە 35 سەلتسي گرادۋستان جوعارى ىستىق بولادى، سانجى وبلىسىنىڭ، قاشقار ايماعىنىڭ، حوتان ايماعىنىڭ، اقسۋ ايماعىنىڭ، بايىنعولىن وبلىسىنىڭ، تۇرپان قالاسىنىڭ، قۇمىل قالاسىنىڭ ءىشىنارا وڭىرلەرىندە ەڭ جوعارى تەمپەراتۋرا 40 سەلتسي گرادۋستان اسادى، تۇرپان قالاسىنىڭ، قۇمىل قالاسىنىڭ ءىشىنارا جەرلەرىندە 45 گرادۋستان اسادى، تۇرپان قالاسىنىڭ ءىشىنارا جەرلەرىندە 50 گرادۋستان اسادى.

الداعى بىرنەشە كۇندە سولتۇستىك شينجياڭنىڭ سولتۇستىگى، وڭتۇستىك شينجياڭنىڭ باتىس بولەگى، شىعىس شينجياڭنىڭ ءىشىنارا وڭىرلەرىندە باتىس سولتۇستىكتەن 5 بال اينالاسىندا بوران سوعادى، جەل وتىندە 9 دا 10 بال بوران سوعادى، مەزەتتىك جەل كۇشى 11 دە 12 بال بولادى. وڭتۇستىك شينجياڭ ويپاتىنىڭ ورتا، شىعىس بولەگىندە قيىس شىعىستان 5 بال بوران سوعادى، ءىشىنارا جەرلەردە تۇرلىشە دارەجەدە قۇمدى بوران سوعادى.

كوپشىلىككە تۇستەن كەيىنگى قاتتى ىستىق كەزىندە سىرتقا شىققاندا ىستىقتان ساقتانۋ قىزمەتىن جاقسى ىستەۋدى ەسكەرتەمىز.

كەلۋ قاينارى: حالىق تورابى