”ءۇرىمجى – يانتاي – سەۋل“ حالىقارالىق اۋە جەلىسى اشىلدى 

شينحۋا اگەنتتىگىنىڭ ءتىلشىسى ۋاڭ جياۋني، ۋاڭ كان 7 – ايدىڭ 16 – كۇنى يانتايدان حابارلايدى. ءتىلشىنىڭ 7 – ايدىڭ 16 – كۇنى شاندۇڭ يانتاي اۋەجايىنان ۇعىسۋىنشا، ”ءۇرىمجى – يانتاي – سەۋل“ اۋە جەلىسىندە قاتىنايتىن CZ6099 كەزەكشى ۇشاعى سول كۇنى ۇرىمجىدەن ۇشىپ، يانتاي اۋەجايىنا ورنىقتى قونعان، ۋاقىتشا توقتاعاننان كەيىن كورەيانىڭ سەۋل قالاسىنا قاراي ۇشقان، بۇل اتالعان حالىقارالىق اۋە جەلىسىنىڭ رەسمي اشىلعانىن كورسەتەدى.

بۇل اۋە جەلىسىندە جۇڭگو وڭتۇستىك اۆياتسيا سەرىكتەستىگىنىڭ ۇشاعى ۇشۋ مىندەتىن اتقارادى، كەزەكشى ۇشاقتىڭ ءنومىرى CZ6099/CZ6100، ۇشاق تيپى B738، قاتىناۋ ۋاقىتى اپتانىڭ سەيسەنبى، بەيسەنبى جانە سەنبى كۇندەرى بولىپ بەلگىلەنگەن.

جۋىرداعى جىلداردان بەرى، شينجياڭنىڭ كوركەم دە ەرەكشە تابيعات كورىنىستەرى كورەيالىق ساياحاتشىلاردى ۇزدىكسىز باۋراپ كەلەدى؛ سونىمەن بىرگە، شينجياڭدىقتاردىڭ كورەياعا بارىپ دەمالۋ، ساياحاتتاۋ جانە ساۋدالىق كەلىسسوز جۇرگىزۋ قاجەتى ۇزدىكسىز ارتىپ كەلەدى. بۇل اۋە جەلىسىنىڭ اشىلۋى ەكى جەردەگىلەردىڭ بارىس – كەلىسىنە جوعارى ءونىمدى، قولايلى اۋە جەلىسىن ازىرلەيدى.

وسى اۋە جەلىسىنىڭ اشىلۋىنا ساي، يانتايدان سەۋلگە قاتىنايتىن اۋە جەلىسىنىڭ جالپى قاتىناۋ رەت سانى كۇنىنە ورتا ەسەپپەن 6 رەتتەن اسىپ، شاندۇڭ تۇبەگىندەگىلەردىڭ شەكارادان شىعىپ ساياحاتتاۋ، ساۋدالىق كەلىسسوز جۇرگىزۋ، زەرتتەۋ – ۇيرەنۋ جانە اۋىس – كۇيىس جاساۋ سىندى ساپار بارىسىنداعى تالعامىن اناعۇرلىم بايىتادى.

كەلۋ قاينارى: حالىق تورابى