قوعام حاۋىپسىزدىگى ورگاندارى ينتەرنەت ارقىلى قۇمار ويناۋعا ساياتىن زاڭعا قايشى قىلمىستىق  ىستەرگە زاڭ بويىنشا سوققى بەردى 

شينحۋا اگەنتتىگىنىڭ ءتىلشىسى لي ميڭحۇي 7 - ايدىڭ 20 - كۇنى بەيجيڭنەن حابارلايدى. قوعام حاۋىپسىزدىگى مينيسترلىگى ينتەرنەت حاۋىپسىزدىگى مەكەمەسى 7 - ايدىڭ 20 - كۇنى ينتەرنەت ارقىلى قۇمار ويناۋعا ساياتىن زاڭعا قايشى قىلمىستىق ارەكەتتەرگە قاتىستى 10 تيپتىك دەلونى جاريالادى. بۇل 10 تيپتىك دەلو دۇنيە جۇزىلىك فۋتبول ساۋىتىنا تالاسۋ جارىسىنا قاتىستى قۇمار ويناۋ ورنىن ءوز بەتىمەن قۇرۋ، شەكارا ىشىندەگى توراپتاستاردى فۋتبولعا قاتىستى ءباس تىگۋگە ۇيىمداستىرۋ، باسقالاردىڭ قۇمار ويناۋىنا كومەكتەسۋ، باسقالاردىڭ اتىنان فۋتبولعا قاتىستى ءباس تىگۋ، شەكارا سىرتىنداعى فۋتبولعا قاتىستى قۇمار ويناۋ تەكشەسىنە زاڭسىز قاراجاتتىڭ ەسەبىن ۇزۋىنە قىزمەت وتەۋ قاتارلى زاڭعا قايشى قىلمىستىق ارەكەتتەرگە سايادى.

قازىرگە دەيىن، جىجياڭ، حۋبەي، شانشي، حۋنان قاتارلى كوپ جەردەگى قوعام حاۋىپسىزدىگى مەكەمەلەرىنىڭ ينتەرنەت حاۋىپسىزدىگى تاراۋلارى وسى 10 دەلوعا قاتىستى جيىنى 78 ادامدى ۇستاعان ءارى قۇمار ويناۋعا قاتىناسقان قاتىستى ادامداردى زاڭ بويىنشا جازالاعان.

ينتەرنەت ساقشىلارى مىنانى ەسكەرتەدى: ينتەرنەت ارقىلى قۇمار ويناۋ — زاڭعا قايشى ارەكەت، بارشا توراپتاستاردىڭ جارىستى مادەنيەتتىلىكپەن تاماشالاپ، قۇمار ويناۋدان اۋلاق بولۋىن ءۇمىت ەتەمىز.

كەلۋ قاينارى: حالىق تورابى