جۇڭگو ساقشى جاعى ا ق ش – نىڭ ازاماتتىعىنداعى قىزىل ءتۇستى قۋعىنداۋ بۇيرىعى شىعارىلىپ قاشىپ جۇرگەن ءبىر قىلمىس كۇماندىسىن وتكىزىپ بەردى 

7 - ايدىڭ 23 – كۇنى، ا ق ش – نىڭ زاڭ اتقارۋ تاراۋلارىنىڭ تالابىنا ساي، ا ق ش – ندا اۋىر زورلىق - زومبىلىق قىلمىسىن وتكىزگەن دەگەن كۇمانمەن قىزىل ءتۇستى قۋعىنداۋ بۇيرىعى شىعارىلىپ قاشىپ جۇرگەن ا ق ش – ندىق قاشقىندى جۇڭگو ساقشى جاعى شاڭحاي پۋدۇڭ حالىقارالىق اۋەجايىندا ا ق ش جاققا وتكىزىپ بەرگەن، ا ق ش – نىڭ قاتىستى زاڭ اتقارۋ تاراۋلارى ونى ەلىنە ايداپ اكەتكەن. بۇل جۇڭگو مەن ا ق ش ەكى ەلدىڭ زاڭ اتقارۋ تاراۋلارىنىڭ سەلبەستىگىنىڭ تاعى ءبىر ناتيجەسى سانالادى.

اتالعان ا ق ش – ندىق قاشقىن 2024 - جىلى ءسابي قىزدارعا جىنىستىق سۇعاناقتىق جاساۋ، ايەلىن اتىپ ءولتىرۋ قاتارلى اۋىر زورلىق - زومبىلىق قىلمىستارىن وتكىزگەن دەگەن كۇمانمەن ا ق ش زاڭ اتقارۋ تاراۋلارى قۋعىنداۋ بۇيرىعىن شىعارعان. 2005 – جىلى 8 – ايدا، حالىقارالىق قىلمىستىق ىستەر ساقشى ۇيىمى ونىڭ ۇستىنەن قىزىل ءتۇستى قۋعىنداۋ بۇيرىعىن شىعارعان. ىلە – شالا ا ق ش جاقتىڭ ءوتىنىشى بويىنشا، جۇڭگونىڭ قوعام حاۋىپسىزدىگى ورگاندارى ەگجەي - تەگجەيلى تەكسەرۋ جۇرگىزىپ، ەڭ سوڭىندا ونى ۇستاعان.

جۇڭگو مەن ا ق ش ەكى ەل باسشىلارىنىڭ ماڭىزدى ورتاق تانىمىن ويداعىداي تياناقتاندىرۋ ءۇشىن، ەكى جاقتىڭ زاڭ اتقارۋ تاراۋلارى جۋىردا ەسىرتكىگە تيىم سالۋ، زاڭسىز اۋعىنداردى قايتارۋ، قاشقىنداردى قۋالاۋ، تەلەكوم جانە ينتەرنەت ارقىلى الدامكوستىك ىستەۋگە سوققى بەرۋ، اقشا جۋۋعا قارسى تۇرۋ قاتارلى سالالاردا جەلىلەس ناقتى سەلبەستىكتەردى ورىستەتكەن. جۇڭگو ساقشى جاعى ءوزارا قۇرمەت ەتۋ، كاسىپتىك تۇرعىدان ناقتىلى سەلبەستىك ورىستەتۋ تانىمىن ۇستانىپ، ءار ەل ساقشىلارىمەن ناقتى سەلبەستىكتى تەرەڭدەتىپ، ءتۇرلى شەكارا اتتاعان قىلمىستىلارعا زاڭ بويىنشا قاتاڭ سوققى بەرەدى.

كەلۋ قاينارى: حالىق تورابى