ساپار ۋاقىتىنىڭ تەڭ جارىمىنا جۋىعى قىسقاردى! شينجياڭنىڭ بۇل توتە ۇشاتىن اۋە جولى قالپىنا كەلدى

7 – ايدىڭ 21 – كۇنى، جۇڭگو وڭتۇستىك اۆياتسياسىنىڭ CZ8163 كەزەكشى ۇشاعى ءۇرىمجى تيانشان حالىقارالىق اۋەجايىنان ۇشىپ، ارمەنيانىڭ استاناسى ەرەۆانعا بەت الدى. بۇل ۇرىمجىگە توتە ۇشاتىن ەرەۆان حالىقارالىق جولاۋشى تاسىمال مەرزىمدى اۋە جولىنىڭ رەسمي قالپىنا كەلگەندىگىنەن دەرەك بەرەدى.

ءۇرىمجى ـ ەرەۆان اۋە جولى ءۇرىمجى حالىقارالىق اۆياتسيا تورابىنىڭ قاتىناۋ سيپاتىن ونان ارى جوعارىلاتىپ، ەلىمىزدىڭ كاۆكاز اۋە كاريدورىنا توتە قاتىناۋىنا تاعى دا تىڭ جول اشتى. ەلىمىزدىڭ ارمەنياعا توتە ۇشاتىن تۇڭعىش حالىقارالىق اۋە جولى رەتىندە، ۇرىمجىدەن ەرەۆانعا توتە ۇشاتىن اۋە جولى 2024 ـ جىلى 9 – ايدىڭ 3 - كۇنى تۇڭعىش رەت اشىلىپ، ەلىمىز بەن كاۆكاز ەلدەرىنىڭ جالپى بەتتىك اۋە قاتىناسىن ىسكە اسىرعان بولاتىن.

وسىدان بۇرىن ەل ىشىندەگى جولاۋشىلار ارمەنياعا بارۋ ءۇشىن، موسكۆا، دۋباي قاتارلى جەرلەردى باسىپ ءوتىپ، 14 تە 20 ساعات ۋاقىت جۇمسايتىن. جاڭا اۋە جولى اشىلعاننان كەيىن، ساپار ۋاقىتىنىڭ جارتىسىنا جۋىعى قىسقارىپ، بەيجيڭ، تيانجين، حىبەي مەن كاۆكاز ءوڭىرىنىڭ اراسىنداعى ساۋدا، مادەنيەت، ساياحات بارىس ـ كەلىسىنە اناعۇرلىم جوعارى ءونىمدى، قولايلى اۋە ارناسىن ازىرلەپ، ”ءبىر بەلدەۋ، ءبىر جولدى“ بىرگە گۇلدەندىرەتىن ەلدەردىڭ ساۋدا، مادەنيەت، ساياحات بارىس ـ كەلىسىنە دەم بەردى.

بۇل اۋە جولىنىڭ كەزەكشى ۇشاق ءنومىرى CZ 8163 / 8164 بولىپ، ءار اپتانىڭ سەيسەنبى، بەيسەنبى، سەنبى كۇندەرى ءبىر كەزەك قاتىنايدى. ۇرىمجىدەن ەرەۆانعا باراتىن كەزەكشى ۇشاق 5 ساعات 45 مينۋت ۇشادى، باراردا بەيجيڭ ۋاقىتى ساعات 21 دەن 40 مينۋت وتكەندە ۇرىمجىدەن ۇشىپ، جەرگىلىكتى ۋاقىت ساعات 23 تەن 25 مينۋت وتكەندە ەرەۆانعا جەتەدى؛ قايتاتىن ۇشاق جەرگىلىكتى ۋاقىت ساعات 00 دەن 55 مينۋت وتكەندە ۇشىپ، بەيجيڭ ۋاقىتى ساعات 9 دان 30 مينۋت وتكەندە ۇرىمجىگە قايتىپ كەلدى.

قازىرگە دەيىن وڭتۇستىك اۆياتسيا ءۇرىمجى تيانشان حالىقارالىق اۋەجايىندا ورتا ازيانى وزەك ەتكەن، باتىس ازيا، وڭتۇستىك ازيا، شىعىس ەۆروپا، باتىس ەۆروپا، شىعىس ازيا، شىعىس وڭتۇستىك ازيانى شارپىعان حالىقارالىق اۋە جولى تورابىن قالىپتاستىردى، اۋە جولى كوپتەگەن ەلدەر مەن رايونداردى شارپىپ، ون نەشە قالاعا تۇتاستى.

كەلۋ قاينارى: حالىق تورابى