”پاكتەندىرۋ · ازامات جاسىنا تولماعانداردىڭ ينتەرنەتتەن پايدالانۋىن قورعاۋ“ ارناۋلى ارەكەتى ورىستەتىلەدى 

حالىق گازەتىنىڭ ءتىلشىسى جين شين 7 – ايدىڭ 20 – كۇنى بەيجيڭنەن حابارلايدى. ءتىلشىنىڭ ورتالىق كوميتەتتىڭ ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسىنەن ۇعىسۋىنشا، ازامات جاسىنا تولماعانداردىڭ ينتەرنەتتەن پايدالانۋىن قورعاۋدى اناعۇرلىم كۇشەيتۋ، ستيلى دۇرىس ينتەرنەت ورتاسىن جاراتۋ ءۇشىن، جۋىردا ورتالىق كوميتەتتىڭ ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسى ۇقتىرۋ باسىپ تاراتىپ، ەلىمىز كولەمىندە 4 ايلىق مەرزىممەن ”پاكتەندىرۋ · ازامات جاسىنا تولماعانداردىڭ ينتەرنەتتەن پايدالانۋىن قورعاۋ“ ارناۋلى ارەكەتىن ورىستەتۋ جونىندە ورنالاستىرۋ جاساعان.

ورتالىق كوميتەتتىڭ ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسىندەگى قاتىستى جاۋاپتى جولداس مىنانى ءبىلدىردى: وسى رەتكى ارناۋلى ارەكەت ەكى كەزەڭگە ءبولىنىپ ورىستەتىلەدى. ءبىرىنشى كەزەڭدە ”پاكتەندىرۋ · 2026 – جىلعى جازدىق دەمالىس مەزگىلىندە ازامات جاسىنا تولماعانداردىڭ ينتەرنەتتەن پايدالانۋ ورتاسىن جونگە سالۋ“ ارناۋلى ارەكەتىن ورىستەتىپ، جازدىق دەمالىس سىندى ماڭىزدى ۋاقىت ءتۇيىنىن مىقتى ۇستاپ، ينفورماتسيا مازمۇنىن ءوندىرۋ، تاراتۋ بارىسىنا تۇتاس بارىس، تۇتاس تىزبەك بويىنشا نازاردى شوعىرلاندىرىپ، ينتەرنەتتەگى ازامات جاسىنا تولماعاندارعا ساياتىن بىلىققان جاعدايلاردى شوعىرلى تۇردە جونگە سالىپ، ءارقايسى بۋىندارداعى كومەسكى حاۋىپ – قاتەرلەردەن ساقتانىپ، ازامات جاسىنا تولماعانداردىڭ جازدىق دەمالىستى جاقسى وتكىزۋىنە اقاۋسىز، حاۋىپسىز ينتەرنەت ورتاسىن جاراتۋعا كۇش سالادى. ەكىنشى كەزەڭدە ”پاكتەندىرۋ · ينتەرنەتتەگى ازامات جاسىنا تولماعانداردىڭ دەنساۋلىعىنا جانە پسيحيكاسىنا زيان كەلتىرەتىن ينفورماتسيالاردى جونگە سالۋ“ ارناۋلى ارەكەتىن ورىستەتىپ، ازامات جاسىنا تولماعانداردىڭ دەنساۋلىعىنا جانە پسيحيكاسىنا ىقپال جاساۋ ىقتيمالدىعى بار ءتۇرلى بىلىققان جاعدايلار مەن كورنەكتى حاۋىپ – قاتەرلەردى قاتاڭ ءارى ەگجەي – تەگجەيلى تۇردە ءبىر – بىرلەپ تەكسەرىپ، ينتەرنەت تەكشەلەرىنىڭ نەگىزگى تۇلعالىق جاۋاپكەرشىلىگىن تياناقتاندىرىپ، ينتەرنەتتەگى ينفورماتسيا مازمۇندارىن ارناعا تۇسىرەدى.

ءبىرىنشى كەزەڭدە جاريالاۋ، ءوزارا ىقپالداستىق، ءونىمدى ۇگىتتەۋ سىندى ءۇش بۋىندى ءتۇيىندى تۇردە توڭىرەكتەي وتىرىپ، زالالدى قۋىرشاق فيلمدەردى جاساۋ، AI تەحنيكاسىنان پايدالانىپ كلاسسيكالىق قۋىرشاق فيلمدەردەگى وبرازداردى بۇرمالاۋ، زورلىق – زومبىلىقتى، ۇرەيلى ەلەمەنتتەردى قاساقانا اسىرەلەپ كورسەتۋ، ازامات جاسىنا تولماعانداردى جەكەلىك قۇپيا سۋرەتتەرىن جولداۋعا شىرعالاۋ قاتارلى كورنەكتى ماسەلەلەر جونگە سالىنادى. ەكىنشى كەزەڭدە تەكشەلەردىڭ مازمۇندى ۇسىنۋ ارەكەتىن، ۇيرەنۋگە، ءتالىم -تاربيەگە قاتىستى ايدارشالارى مەن ازامات جاسىنا تولماعاندارعا ارنالعان مازمۇندار قۇرىلىسن ارناعا تۇسىرۋگە كۇش سالىنادى.

كەلۋ قاينارى: حالىق تورابى