قوعام حاۋىپسىزدىگى ورگاندارى ينتەرنەتتە تاسقىنعا، اپاتقا قاتىستى وسەك – اياڭ قۇراستىرىپ تاراتۋعا ۇزدىكسىز قاتاڭ سوققى بەرۋدە 

شينحۋا اگەنتتىگىنىڭ 7 – ايدىڭ 23 – كۇنى بەيجيڭنەن بەرگەن حابارى (ءتىلشى لي ميڭحۇي). قوعام حاۋىپسىزدىگى مينيسترلىگى ينتەرنەت حاۋىپسىزدىگى مەكەمەسى الدىڭعى كەزەڭدە ينتەرنەتتە تاسقىنعا، اپاتقا قاتىستى وسەك – اياڭدارعا ساياتىن 25 تيپتىك دەلونى جاريالاۋ نەگىزىندە، 7 – ايدىڭ 23 – كۇنى تاعى دا وسىعان قاتىستى 20 دەلونى جاريالادى.

وسى رەت جاريالانعان 20 تيپتىك دەلودا، زاڭسىز ەلەمەنتتەردىڭ ينتەرنەتتەگى وسەك – اياڭ قۇراستىرۋ تاسىلدەرى نەگىزىنەن مىنالاردى قامتيدى: جاساندى زەردە قۇرالىنان پايدالانىپ ”جالعان اقپارات شىعارۋ“، باسقا جەردەگى اپات جاعدايىنىڭ ”ورنىن اۋىستىرۋ“ تاسىلىمەن جەرگىلىكتى ورىنعا تەلۋ، جەرگىلىكتى ورىنداعى اپات جاعدايىن ويدان قيىستىرىپ شىعارۋ نەمەسە ونى اسىرەلەپ ايتۋ قاتارلىلار، مۇنداي ورەسكەل ارەكەتتەردىڭ بارلىعى قوعامدا ناشار ىقپال تۋدىرعان. قازىر بۇل 20 تيپتىك دەلوعا قاتىستى ادامدارعا جەرگىلىكتى ورىنداعى قوعام حاۋىپسىزدىگى ورگاندارى زاڭ بويىنشا اكىمشىلىك جازالاۋ شاراسىن قولداندى.

قازىر تاسقىن جۇرەتىن مەزگىل. قوعام حاۋىپسىزدىگى مينيسترلىگى ينتەرنەت حاۋىپسىزدىگى مەكەمەسى مىنانى ءبىلدىردى: قوعام حاۋىپسىزدىگى ورگاندارى ينتەرنەتتە تاسقىنعا، اپاتقا قاتىستى وسەك – اياڭ تاراتۋ سىندى زاڭعا قايشى قىلمىستىق ارەكەتتەرگە زاڭ بويىنشا ۇزدىكسىز قاتاڭ سوققى بەرەدى، بارشا توراپتاستاردىڭ ينتەرنەتتەگى ءسوز – ارەكەتىن ارناعا ءتۇسىرىپ، پاك ينتەرنەت كەڭىستىگىن ورتاق جاراتۋىن قايتالاي ەسكەرتەدى.

كەلۋ قاينارى: حالىق تورابى