شينجياڭ اۋا رايى ستانسياسىنىڭ ەسكەرتۋى: بۇكىل شينجياڭنىڭ باسىم كوپ جەرىندە تاعى دا قاتتى ىستىق بولادى

ءتىلشىنىڭ شينجياڭ اۋا رايى ستانسياسىنان ۇعىسۋىنشا وسى اپتادا (7 – ايدىڭ 27 – كۇنىنەن 8 – ايدىڭ 2 – كۇنىنە دەيىن) بۇكىل شينجياڭدا تەمپەراتۋرا الدىمەن سۋىپ، ارتىنان ىسيدى، اپتانىڭ باسىندا ءبىر رەت كەڭ كولەمدە جاۋىن – شاشىن بولادى، اپتا سوڭىندا قايتادان قاتتى ىستىق بولادى.

الدىن الا مالىمەتتە كورسەتىلۋىنشە، 7 - ايدىڭ 27 - كۇنى كۇندىزدەن 30 - كۇنى تۇنگە دەيىن سولتۇستىك شينجياڭدا جانە وڭتۇستىك شينجياڭنىڭ باتىس بولەگىندە، بايىنعولىن موڭعۇل اۆتونوميالى وبلىسىندا، تۇرپان قالاسىنىڭ تاۋلى رايوندارىندا، قۇمىل قالاسىندا سەبەزگى جاڭبىر جاۋادى، بيىك تاۋلى رايونداردا قار جاۋادى. ىلە اڭعارى، بۇراتالا موڭعۇل اۆتونوميالى وبلىسى، تارباعاتاي ايماعىنىڭ تاۋلى رايونى، التاي ايماعىنىڭ تاۋلى رايونى، ءۇرىمجى قالاسىنىڭ تاۋلى رايونى، سانجى حۇيزۋ اۆتونوميالى وبلىسىنىڭ تاۋلى رايونى، قاشقار ايماعى، قىزىلسۋ قىرعىز اۆتونوميالى وبلىسى، حوتان ايماعى، اقسۋ ايماعى، بايىنعولىن وبلىسى، قۇمىل قالاسىنىڭ سولتۇستىك بولىگىندەگى تاۋلى رايونداردىڭ ءىشىنارا وڭىرلەرىندە قالىڭ جاڭبىر جاۋادى نەمەسە نوسەر جاۋادى، ٴىشىنارا جەرلەردە قىسقا ۋاقىتتىق كۇشتى جاۋىن - شاشىن، ناجاعايلى بوران، بۇرشاق سياقتى كۇشتى كونۆەكسيالىق اۋا رايىنىڭ تۋىلۋ مۇمكىندىگى ءبىرشاما زور. جوعارىدا ايتىلعان ءىشىنارا وڭىرلەردە باتىس سولتۇستىكتەن 7 بال اينالاسىندا بوران سوعادى، جەل وتىندەگى جەل كۇشى 9 دا 10 بال بولادى؛ وڭتۇستىك شينجياڭ ويپاتىنىڭ ورتا، شىعىس بولەگىندە قيىس شىعىستان 8 دە 9 بال مەزەتتىك بوران سوعادى، ءىشىنارا جەرلەردە قىسقا ۋاقىت قۇمدى بوران سوعادى.

جاڭبىردان كەيىن تەمپەراتۋرا بىردەن جوعارىلايدى. 7 - ايدىڭ 31 - كۇنىنەن 8 - ايدىڭ 2 - كۇنىنە دەيىن، بۇكىل شينجياڭنىڭ كوپ جەرىندە جوعارى تەمپەراتۋرالى اۋا رايى جارىققا شىعادى، تيانشاننىڭ سولتۇستىك بوكتەرى، وڭتۇستىك شينجياڭ، شىعىس شينجياڭنىڭ ءىشىنارا وڭىرلەرىنىڭ ەڭ جوعارى تەمپەراتۋراسى 40 سەلتسي گرادۋستان اسادى، تۇرپان قالاسىنىڭ ءىشىنارا جەرلەرىندە تەمپەراتۋرا 45 سەلتسي گرادۋستان اسادى.

كەلۋ قاينارى: حالىق تورابى