شينجياڭ مەملەكەت بويىنشا بەزەنۋ بۇيىمدارى سالاسىندا دارالىق قىزمەت وتەۋدى تۇيىندە سىناق ەتۋدىڭ ەكىنشى كەزەڭىندەگى تۇيىندە سىناق ەتۋ كولەمىنە ەنگىزىلدى

تۇتىنۋشىلاردىڭ بەزەنۋ بۇيىمدارىنا بولعان دارالىق ەرەكشەلىككە يە، الۋان ءتۇرلى قاجەتىن قاناعاتتاندىرۋ، بەزەنۋ بۇيىمدارى سالاسىندا دارالىق قىزمەت وتەدى تۇيىندە سىناق ەتۋ قىزمەتىن ىشكەرىلەي ىلگەرىلەتۋ، بەزەنۋ بۇيىمدارى كاسىبىنىڭ جوعارى ساپالى دامۋىن ىلگەرىلەتۋ ءۇشىن، مەملەكەتتىك ءدارى – دارمەكتى باقىلاۋ – باسقارۋ مەڭگەرمەسى جۋىردا ۇقتىرۋ شىعارىپ، بەزەنۋ بۇيىمدارى سالاسىندا دارالىق قىزمەت وتەۋدى تۇيىندە سىناق ەتۋدىڭ ەكىنشى كەزەڭىندەگى تۇيىندە سىناق ەتۋ كولەمىن كەڭەيتتى. بيىل 8 – ايدىڭ 1 – كۇنىنەن باستاپ، شينجياڭ جاڭادان قوسىلعان 8 ولكەنىڭ (اۆتونوميالى رايوننىڭ) ءبىرى رەتىندە رەسمي تۇردە تۇيىندە سىناق ەتۋ كولەمىنە ەنگىزىلدى.

شينجياڭنىڭ تابيعي بەزەنۋ بۇيىمدارى شيكىزات بايلىعىنىڭ ابزالدىلىعى كورنەكتى، ونىمدەرىنىڭ ەرەكشەلىگى ايقىن. تۇيىندە سىناق ەتۋ مەزگىلىندە، قاراستى رايونداعى بەلگىلەمەگە ۇيلەسەتىن بەزەنۋ بۇيىمدارىن تىزىمگە الدىرۋشى جانە شەكارا سىرتىنداعى تىزىمگە الدىرۋشى ۇقىق بەرگەن شەكارا ىشىندەگى جاۋاپتى تۇلعا ءوزى قۇرعان توتە تيجارات جۇرگىزەتىن دۇكەن، ارناۋلى ساتۋ دۇكەنى قاتارلىلاردا تۇتىنۋشىلاردىڭ تەرىنى قورعاۋ جاعىنداعى دارالىق ەرەكشەلىككە يە قاجەتىنە نەگىزدەلىپ، سول جەردىڭ وزىندە ەكى ءتۇرلى جانە ودان جوعارى تىزىمگە الدىرىلعان ادەتتەگى بەزەنۋ بۇيىمدارىن از مولشەردە قاراپايىم تۇردە ارالاستىرىپ دايىنداۋ، ءبولىپ قوراپتاۋ قاتارلى قىزمەت وتەۋ تۇرلەرىن ورىستەتە الادى. تۇيىندە سىناق ەتۋگە قاتىناسقان كاسىپورىندار قوعامدىق سەنىمدىلىگى جاقسى، ساپانى باسقارۋ جۇيەسى كەمەلدەنگەن، بەزەنۋ بۇيىمدارىن ءوندىرۋ رۇقسات كۋالىگى بار بەزەنۋ بۇيىمدارىن تىزىمگە الدىرۋشى نەمەسە شەكارا سىرتىنداعى تىزىمگە الدىرۋشى ۇقىق بەرگەن شەكارا ىشىندەگى جاۋاپتى تۇلعا بولۋى، سونداي – اق جۋىرداعى ءۇش جىلدان بەرى بەزەنۋ بۇيىمدارىنىڭ ساپالىق حاۋىپسىزدىگىنە ساياتىن ماسەلە سەبەبىنەن زاڭ بويىنشا جازالانباعان بولۋى كەرەك. سىناق مەرزىمى 2027 – جىلى 9 – ايدىڭ 30 – كۇنىنە دەيىن بولادى.

كەلۋ قاينارى: حالىق تورابى