بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.07.27 14:36 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى شيا تيان 7 – ايدىڭ 27 – كۇنى سانشا قالاسىنان حابارلايدى. ءتىلشىنىڭ سانشا تەڭىز ىستەرى مەكەمەسىنەن ۇعىسۋىنشا، 7 – ايدىڭ 26 – كۇنى ساعات 22 دەن 38 مينۋت وتكەندە جانە ساعات 23 تەن 32 مينۋت وتكەندە، جۇڭگو تەڭىز ساقشىلارىنىڭ كەمەسى جۇڭگونىڭ نانشا توپ ارالىنىڭ ماڭىنداعى تەڭىز الابىندا قاتەرگە ۇشىراعان ۆيەتنام ازاماتتارىنان 2 ادامدى ءساتتى قۇتقارعان، ولاردىڭ تىرشىلىك بەلگىلەرى قالىپتى. قازىرگە دەيىن، جۇڭگو جاق جيىنى قاتەرگە ۇشىراعان ۆيەتنام ازاماتتارىنان جيىنى 47 ادامدى ءساتتى قۇتقارعان.
7 - ايدىڭ 25 – كۇنى ساعات 18 دەن 23 مينۋت وتكەندە، قاتىناس – تاسىمال مينيسترلىگىنىڭ نانحاي تەڭىزىندە قاتەرگە ۇشىراعانداردى قۇتقارۋ مەكەمەسىنىڭ ”نانحاي تەڭىزىندە قۇتقارۋ 115 – ءنومىرلى“ كەمەسى نانشا توپ ارالى يۇڭشۋ مارجان قۇزىنىڭ ماڭىنداعى تەڭىز الابىندا قاتەرگە ۇشىراعان ۆيەتنام ازاماتتارىن بايقاعان ءارى ولاردى ءساتتى قۇتقارعان. تەكسەرۋ ارقىلى، ۆيەتنامنىڭ ” KHOI NGUYEN 18“ اتتى كەمەسى 7 – ايدىڭ 24 – كۇنى ءتۇن ورتاسىندا نانشا توپ ارالى يۇڭشۋ مارجان قۇزىنىڭ ماڭىنداعى تەڭىز الابىندا قاتەرگە ۇشىراپ، سۋعا باتقاندىعى انىقتالعان.
ءتىلشىنىڭ جۇڭگو تەڭىز ساقشىلارى جاريالاعان اقپاراتتاردان ۇعىسۋىنشا، 7 – ايدىڭ 25 – كۇنى، جۇڭگو تەڭىز ساقشىلارى حاينان ولكەسى تەڭىزدەگى ىزدەۋ – قۇتقارۋ ورتالىعىنىڭ حابارلاۋىن قابىلداعان سوڭ، تەڭىز ساقشىلارىنىڭ كەمەسىنەن ەكى كەمەنى دەرەۋ اپات تۋىلعان تەڭىز الابىنا جىبەرىپ، ىزدەۋ – قۇتقارۋ قىزمەتىن ورىستەتكەن. 7 – ايدىڭ 26 – كۇنى كەشتە، جۇڭگو تەڭىز ساقشىلارىنىڭ شۋاندى كەمەسى مەن نانشا كەمەسى ىزدەۋ – قۇتقارۋ قىزمەتىن ۇزدىكسىز ورىستەتۋ بارىسىندا، شۋاندى كەمەسى قاتەرگە ۇشىراعان ۆيەتنام ازاماتتارىنان ەكى ادامدى ىلگەرىندى – كەيىندى بايقاعان ءارى دەرەۋ قۇتقارۋ قىزمەتىن ورىستەتكەن.
ۇعىسۋعا قاراعاندا، قۇتقارىلعان ەكى ادام 7 – ايدىڭ 27 – كۇنى سول جەردەگى قۇتقارۋعا جەتەكشىلىك ەتەتىن ”وڭتۇستىك تەڭىزدە قۇتقارۋ 115 – ءنومىرلى“ كەمەگە جوتكەلىپ، ويداعىداي ورنالاستىرىلادى، قۇتقارىلعان باسقا ادامدار دا جۇڭگو جاقتىڭ كەمەسىنەن سول جەردەگى ۆيەتنام جاقتىڭ كەمەسىنە جوتكەلەدى. قازىر قۇتقارۋ ارەكەتى ءالى دە قاربالاس جۇرگىزىلۋدە.
كەلۋ قاينارى: حالىق تورابى
