جۇڭگو - ەۋروپا كەزەكشى پويەزى جۇڭگونىڭ اۋا الماستىرعىشتارىن 15 كۇندە ەۋروپاعا جەتكىزدى

7 – ايدىڭ 27 - كۇنى وتكىزىلگەن مەملەكەتتىك دامۋ جانە رەفورما كوميتەتىنىڭ ارناۋلى اقپارات جاريالاۋ ماجىلىسىندە، مەملەكەتتىك دامۋ جانە رەفورما كوميتەتىنىڭ قاتىستى جاۋاپتىسى مىنانى ءبىلدىردى: جۇڭگو - ەۋروپا كەزەكشى پويەزى ەۋروپانىڭ 26 ەلىنىڭ 236 قالاسىنا قاتىنادى.

تانىستىرۋعا قاراعاندا، جۇڭگو - ەۋروپا كەزەكشى پويەزى تاسىمالدايتىن زاتتار 53 ءىرى تۇردەگى زاتتاردى، 50 مىڭنان استام زات ءتۇرىن قامتىپ، تاسىمالدايتىن زاتتاردىڭ قۇنىنىڭ جۇڭگو - ەۋروپا زات ساۋداسى سوماسىنىڭ سالىستىرماسىنان ۇستايتىن ۇلەسى جىل سايىن ارتۋدا. بيىلعى 6 - ايدا، ەۋروپادا رەكوردتىق دارەجەدەگى اڭىزعاق جارىققا شىعىپ، ەڭ جوعارعى تەمپەراتۋراسى 40 سەلتسي گرادۋستان اسىپ، اۋا الماستىرعىشقا بولعان قاجەتسىنۋ كۇرت ارتتى، جۇڭگونىڭ اۋا الماستىرعىشى سول جەردەگىلەردىڭ قاجەتىن قامداپ بولا المادى، اۋا الماستىرعىش وندىرۋشىلەر زات تولىقتاۋ ارناسىن تەڭىز تاسىمالى ارقىلى جەتكىزۋدەن جۇڭگو - ەۋروپا كەزەكشى پويەزى ارقىلى جەتكىزۋگە اۋىستىرىپ، تاسىمال مەرزىمىن 40 كۇننەن 15 كۇن اينالاسىنا قىسقارتىپ، جۇڭگو - ەۋروپا ساۋداسىنىڭ ”جەدەل ارناسىن“ قۇردى.

قازىر، جۇڭگو - ەۋروپا كەزەكشى پويەزى 96 تاسىمال جولىن اشىپ، شەكارا سىرتىندا سولتۇستىك، ورتا، وڭتۇستىك سىندى كوپ نەگىزدى ارنا جاعدايىن جەلىسىن قالىپتاستىرىپ، ەۋروپانىڭ 26 ەلىنىڭ 236 قالاسىنا دەيىن قاتىناپ، ىركىلىسسىز، ءونىمدى، كوپ باعىتتا كەڭەيتىلگەن، تەڭىز بەن قۇرلىقتى ءوزارا ۇشتاستىرعان ارنا تورابىن قالىپتاستىردى.

(باس ستانسيا ورتالىق تەلەۆيزياسىنىڭ ءتىلشىسى ديڭ ياني، جاڭ ييجين)

كەلۋ قاينارى: حالىق تورابى