مەملەكەتتىك ينتەرنەت ينفورماتسياسى كەڭسەسى ينتەرنەتتىك زورلىق – زومبىلىققا قارسى زاڭ جوباسى جونىندە اشىق تۇردە پىكىر قابىلدايدى 

ورتالىق تەلەۆيزيا تورابى حابارلايدى: ”جۇڭگو ينتەرنەت ينفورماتسياسى“ ۋيشين تەكشەسىنىڭ حابارىنا قاراعاندا، ينتەرنەتتىك زورلىق – زومبىلىقتىڭ الدىن الۋ، تيىم سالۋ جانە جازالاۋ، ينتەرنەتتىك زورلىق – زومبىلىققا قارسى تۇرۋ قىزمەتىن كۇشەيتىپ، جەكەلەردىڭ، ۇيىمداردىڭ زاڭدى ۇقىق – مۇددەسىن قورعاۋ، مەملەكەتتىڭ حاۋىپسىزدىگى مەن قوعامدىق الەۋمەتتىك مۇددەنى قورعاۋ ءۇشىن، قاتىستى زاڭ شىعارۋ جوسپارىنا ساي، مەملەكەتتىك ينتەرنەت ينفورماتسياسى كەڭسەسى قاتىستى تاراۋلارمەن بىرگە «جۇڭحۋا حالىق رەسپۋبليكاسىنىڭ ينتەرنەتتىك زورلىق – زومبىلىققا قارسى تۇرۋ زاڭىن (پىكىر الىناتىن نۇسقاسى)» دايىنداپ، قازىر قوعامداعىلاردان اشىق پىكىر الۋدا. كوپشىلىكتىڭ مىناداي جولدار مەن تاسىلدەر ارقىلى پىكىر بەرۋىنە بولادى:

1. ەلەكتروندىق حات ساندىعى ارقىلى پىكىرىڭىزدى fanwangbaofa@cac.gov.cn حات ساندىعىنا جىبەرۋىڭىزگە بولادى.

2. حات جولداۋ ارقىلى پىكىرىڭىزدى بەيجيڭ قالاسى شيچىڭ رايونى چىگۇڭجۋاڭ كوشەسى 11 - ءنومىرلى اۋلاداعى مەملەكەتتىك ينتەرنەت ينفورماتسياسى كەڭسەسى ينتەرنەتتى زاڭمەن جونگە سالۋ مەكەمەسىنە جىبەرۋىڭىزگە بولادى، پوچتا ءنومىرى: 100044، كونۆەرتكە «ينتەرنەتتىك زورلىق – زومبىلىققا قارسى تۇرۋ زاڭ جوباسى جونىندەگى پىكىر» دەپ جازۋىڭىزدى وتىنەمىز.

پىكىر قابىلداۋدىڭ اياقتايتىن مەرزىمى 2026 – جىلى 8 – ايدىڭ 28 – كۇنى.

كەلۋ قاينارى: حالىق تورابى