شينجياڭ ەگىس دارىلەرى مەن مال دارىلەرىن جالپى بەتتىك جونگە سالۋ ارەكەتىن باستادى

شارۋالار گازەتىنىڭ جالپىلىق مەديا ءتىلشىسى لي داۋجۇڭ حابارلايدى. جۋىردا، شينجياڭ ۇيعۇر اۆتونوميالى رايوندىق اۋىل شارۋاشىلىعى جانە اۋىل - قىستاق مەڭگەرمەسى اۆتونوميالى رايوندىق جوعارى حالىق سوت مەكەمەسى، حالىق پروكۋراتۋراسى، ونەركاسىپ جانە ينفورماتسيالاندىرۋ مەڭگەرمەسى، قوعام حاۋىپسىزدىگى مەڭگەرمەسى، بازار باقىلاۋ - باسقارۋ مەكەمەسى، قامداۋ - ساتۋ كوپەراتيۆى قاتارلى ورىندارمەن بىرگە ەگىس دارىلەرى مەن مال دارىلەرىن ءوندىرۋ، تيجارات ەتۋ جانە پايدالانۋ بارىسىن جالپى بەتتىك جونگە سالۋ ارەكەتىن ىشكەرىلەي ورىستەتۋ جونىندە ورنالاستىرۋ جاساعان. ارەكەت 7 - ايدا باستالىپ، 2027 - جىلى 3 - ايدا اياقتالادى، مەرزىمى 9 اي، تيىم سالىنعان جانە شەكتەلگەن ەگىس دارىلەرى مەن مال دارىلەرىن بەلگىلەمەگە قايشى تۇردە پايدالانۋ، جاسىرىن قۇرامدى زاڭسىز قوسۋ، ينتەرنەت ارقىلى بەلگىلەمەگە قايشى تۇردە ءدارى ساتۋ قاتارلى كورنەكتى ماسەلەلەردى شەشۋگە كۇش سالادى.

قازىر، اۆتونوميالى رايوندىق اۋىل شارۋاشىلىعى جانە اۋىل - قىستاق مەڭگەرمەسى ارناۋلى قىزمەت گرۋپپاسىن قۇرىپ، بىرلەسىپ جونگە سالۋ جوباسىن جاساپ، تاراۋلاردىڭ جۇمىس ءبولىسىن ەگجەي - تەگجەيلى بەلگىلەپ، ءتۇرلى مىندەتتەردى ءبىر تۇتاس جوسپارلاپ ىلگەرىلەتۋدە. ارەكەت بارىسىندا ەگىس دارىلەرى مەن مال دارىلەرىنىڭ جالپى تىزبەگىنە نازاردى شوعىرلاندىرىپ، اشىق تۇردە تەكسەرۋ، جاسىرىن تۇردە تەكسەرۋ، ينتەرنەت ارقىلى جانە ينتەرنەتتەن تىس تەكسەرۋ، ىشكى جاق پەن سىرتقى جاقتى ۇشتاستىرۋ باعىتىندا تاباندى بولىپ، تور جايۋ فورماسىنداعى تەكسەرۋ ورىستەتىپ، ماسەلەلەردىڭ دەرەگىن ىشكەرىلەي انىقتاپ، جالپى تىزبەك بويىنشا جونگە سالۋدى ورىستەتەدى. سونىمەن بىرگە اكىمشىلىك پەن ءادىليانى ۇشتاستىرۋدى كۇشەيتىپ، دەلو دەرەكتەرى تۋرالى كەڭەسۋ جانە وتكىزىپ بەرۋ مەحانيزمىن ورناتىپ، دەلو ارقىلى جول اشىپ، دالمە - دال سوققى بەرىپ، زاڭ اتقارىپ، دەلو ءبىتىرۋ بارىسىن قاتاڭ دا جەدەل ورىستەتىپ، قۋاتتى سەس قالىپتاستىرادى.

كەلۋ قاينارى: حالىق تورابى