ءجۇز كۇندە ون ميلليون ادامدى قىزمەتكە قابىلداۋ ارناۋلى ارەكەتى بارىسىندا ينتەرنەت ارقىلى 4 رەتكى قىزمەتكەر قابىلداۋ ارناۋلى قيمىلى ۇيىمداستىرىلادى 

حالىق گازەتىنىڭ ءتىلشىسى چيۋ چاۋ – ي 8 – ايدىڭ 3 – كۇنى بەيجيڭنەن حابارلايدى. ءتىلشىنىڭ ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا، 8 – ايدىڭ 3 – كۇنىنەن 9 – كۇنىنە دەيىن، ءجۇز كۇندە ون ميلليون ادامدى قىزمەتكە قابىلداۋ ارناۋلى ارەكەتى بارىسىندا جاساندى زەردە، جاڭا ەنەرگيا، ەمدەۋ – دەنساۋلىق ساقتاۋ، زات اينالىمى سالاسى بويىنشا 4 رەت ينتەرنەت ارقىلى قىزمەتكەر قابىلداۋ ارناۋلى قيمىلى وتكىزىلەدى، بۇل قيمىلدى قاتىستى ادام كۇشى بايلىعى جاعىنداعى قىزمەت وتەۋ قۇرىلىمدارى ۇيىمداستىرعان، جيىنى 1700 دەن استام ادام ىستەتۋشى ورىن قاتىناسىپ، قىزمەتكەر قابىلداۋ سۇرانىمى 215 مىڭ ادامنان (رەت) اسادى.

8 - ايدىڭ 6 – كۇنى كەشكى ساعات 7 دە، ”ينتەرنەت ارقىلى جۇمىستاندىرۋ“ تەكشەسى ”ادام كۇشى بايلىعى جانە قوعامدىق قامتاماسىزداندىرۋ (جۇمىستاندىرۋ) مەكەمەسىنىڭ باستىعى تىكە تاراتىلىم بولمەسىنە كەلەدى“ اتتى تىكە تاراتىلىم ارقىلى قىزمەتكەر قابىلداۋ قيمىلىن وتكىزەدى، چيڭحاي ولكەسى، شينجياڭ ۇيعۇر اۆتونوميالى رايونى، شينجياڭ ءوندىرىس – قۇرىلىس بيڭتۋانىنىڭ ادام كۇشى بايلىعى جانە قوعامدىق قامتاماسىزداندىرۋ مەڭگەرمەلەرىنىڭ (مەكەمەلەرىنىڭ) جۇمىستاندىرۋ قىزمەتىنە جاۋاپتى قىزمەتكەرلەرى تىكە تاراتىلىم بولمەسىندە قوناق بولادى. قيمىل بارىسىندا اۋىل شارۋاشىلىعى، ورمان شارۋاشىلىعى، مال شارۋاشىلىعى، بالىق شارۋاشىلىعى، جاساۋ كاسىبى، قۇرىلىس سالاسى، مايعا بەرۋ جانە ساۋدالىق قىزمەت وتەۋ سالاسى قاتارلى سالالارداعى ادام ىستەتۋشى ورىندار قاتىناسۋعا ۇيىمداستىرىلىپ، جۇمساق بولشەكتى زەرتتەۋ – جاساۋ ينجەنەرى، ساقتاۋ – تاسىمالداۋ ينجەنەرى، وڭىرلىك باسقارۋشى، زاڭگەر، باعىمشىلىق قىزمەتكەرى، مەحانيكانى مەڭگەرۋشى قاتارلى قىزمەت ورىندارى ازىرلەنەدى.

ادام ىستەتۋشى ورىندار مەن قىزمەت ىزدەۋشىلەر جۇڭگو الەۋمەتتىك قىزمەتكەر قابىلداۋ تورابى، جۇڭگو مەملەكەتتىك دارىندىلار تورابى، ”ينتەرنەت ارقىلى جۇمىستاندىرۋ“ ارناۋلى ارەكەتىنىڭ نەگىزگى ءماجىلىس الاڭىنىڭ پاراقشاسى ارقىلى تىكەلەي سالالىق قىزمەتكەر قابىلداۋ ارناۋلى قيمىلىنا كىرە الادى نەمەسە باستى ءماجىلىس الاڭى پاراقشاسىنىڭ تومەنگى جاعىنداعى قاتىناسۋشى قۇرىلىمنىڭ بەلگىسىن باسىپ، تارماق ءماجىلىس الاڭىنا كىرىپ قاتىناسا الادى.

كەلۋ قاينارى: حالىق تورابى