سولومون ارالدارىنىڭ زۇڭليى ءبىر جۇڭگو پرينسيپىنە تاباندى بولاتىندىعىن قايتالاي باسا دارىپتەدى

شينحۋا اگەنتتىگىنىڭ 8 - ايدىڭ 6 - كۇنى سيدنەيدەن بەرگەن حابارى (ءتىلشى نيە شينيۇي، ليان يۋچاڭ). حونيارادان الىنعان حابارعا قاراعاندا، سولومون ارالدارىنىڭ زۇڭليى ماتتەۋ ۋيل 8 - ايدىڭ 5 - كۇنى سولومون ارالدارى ۇكىمەتى ءبىر جۇڭگو پرينسيپىنە بۇلجىماستان تاباندى بولىپ، بۇل پرينسيپتىڭ سولومون ارالدارى مەن جۇڭگو اراسىنداعى ەكى جاقتى قاتىناستىڭ نەگىزى ەكەندىگىن قايتا باسا دارىپتەدى.

سولومون ارالدارى زۇڭليىنىڭ كەڭسەسى جاريالاعان مالىمدەمەگە نەگىزدەلگەندە، ۋيل سول كۇنى پارلامەنتتە سويلەگەن سوزىندە: سولومون ارالدارى مەن جۇڭگونىڭ قاتىناسى مەملەكەتتىڭ دامۋى جونىنەن كەلەلى ماڭىزعا يە، سولومون ارالدارى ۇكىمەتى ءبىر جۇڭگو پرينسيپىنە ۇزدىكسىز تاباندى بولادى، - دەدى.

ۋيل بىلاي دەدى: سولومون ارالدارى ۇكىمەتى ساياساتتىڭ ۇلاسىمدىلىعى، ءوزارا قۇرمەت ەتۋ جانە سولومون ارالدارى حالقىن ناقتى پايداعا كەنەلتۋ نەگىزىندەگى ديپلوماتيالىق ساياساتتى اتقارادى، بەلگىلەنگەن پرينسيپتەرگە تاباندى بولۋمەن قاتار، جالعاستى تۇردە ءار جاقپەن ناتيجەلى سەلبەستىك ورىستەتەدى.

ۋيل بيىل 5 - ايدىڭ 15 - كۇنى سولومون ارالدارى پارلامەنتى جاعىنان وسى ەلدىڭ جاڭا زۇڭليى بولىپ سايلاندى ءارى سول كۇنى سەرت بەرىپ مىندەتكە وتىردى. 2019 - جىلى 9 - ايدىڭ 21 - كۇنى جۇڭگو مەن سولومون ارالدارى ءبىر جۇڭگو پرينسيپى نەگىزىندە رەسمي ديپلوماتيالىق قاتىناس ورناتقان.

كەلۋ قاينارى: حالىق تورابى