بەزەنۋ بۇيىمدارىنا قاتىستى مەملەكەتتىك جاڭا ولشەم بۇگىن جاريالاندى 

ءتىلشىنىڭ بۇگىن ۇعىسۋىنشا، مەملەكەتتىك ءدارى – دارمەكتى باقىلاۋ – باسقارۋ مەڭگەرمەسى ۇيىمداستىرىپ دايىنداعان بەزەنۋ بۇيىمدارىنا ساياتىن ءماجبۇرلى سيپاتتاعى تۇڭعىش مەملەكەتتىك ولشەم «بەزەنۋ بۇيىمدارىنىڭ حاۋىپسىزدىگى جونىندەگى جالپى تالاپ» بۇگىن جاريالاندى، بۇل 2028 - جىلى رەسمي اتقارىلادى، 1987 - جىلى جاريالانعان «بەزەنۋ بۇيىمدارىنىڭ تازالىق ولشەمى» ءبىر ۋاقىتتا كۇشىنەن قالدىرىلادى.

ۇعىسۋعا قاراعاندا، جاڭادان جاريالانعان «بەزەنۋ بۇيىمدارىنىڭ حاۋىپسىزدىگى جونىندەگى جالپى تالاپتا» ەلىمىزدە قازىر اتقارىلىپ وتىرعان «بەزەنۋ بۇيىمدارىن باقىلاۋ – باسقارۋ ەرەجەسى» قاتارلى زاڭ – ەرەجەلەرگە نەگىزدەلىپ، ءماجبۇرلى سيپاتتى مەملەكەتتىك ولشەم فورماسىمەن، بەزەنۋ بۇيىمدارىنىڭ شيكىزاتى مەن ونىمدەرگە قاتىستى تۇتاس بارىس بويىنشا حاۋىپسىزدىك تالاپتارى ورتاعا قويىلعان.

جاڭا ولشەم 2028 - جىلى 1 - ايدىڭ 1 - كۇنىنەن باستاپ رەسمي اتقارىلادى، ولشەم اتقارىلۋدان بۇرىن وندىرىلگەن نەمەسە يمپورت ەتىلگەن بەزەنۋ بۇيىمدارىن پايدالانۋ مەرزىمى اياقتالعانعا دەيىن ساتۋعا بولادى.

كەلۋ قاينارى: حالىق تورابى