سىرتقى ىستەر مينيسترلىگى: افريكا ەلدەرىنىڭ ىندەتكە قارسى كۇرەسىنە قولىمىزدان كەلگەنىنشە ۇزدىكسىز قولداۋ كورسەتۋدى قالايمىز 

شينحۋا اگەنتتىگىنىڭ ءتىلشىسى 8 – ايدىڭ 4 – كۇنى بەيجيڭنەن حابارلايدى. حابارعا قاراعاندا، جۇڭگو ۇكىمەتىنىڭ كونگو (كينشاسا) ەلىنە كومەكتەسۋگە جىبەرگەن ىندەتكە قارسى كۇرەسەتىن 3 - توپتاعى مەديتسينالىق ماماندار گرۋپپاسى 8 – ايدىڭ 1 – كۇنى كونگو (كينشاسا) ەلىنىڭ استاناسى كينشاساعا جەتكەن. سىرتقى ىستەر مينيسترلىگىنىڭ مالىمدەمەشىسى لين جيان 8 - ايدىڭ 4 – كۇنى تىلشىلەردىڭ سۇراۋىنا جاۋاپ بەرگەندە بىلاي دەدى: قازىر ەبولا ىندەتى ءالى دە تارالۋدا، جۇڭگو جاق افريكا ەلدەرىنە قولىنان كەلگەنىنشە ۇزدىكسىز قولداۋ كورسەتۋدى قالايدى.

”افريكادا جاڭا كەزەكتى ەبولا ىندەتى تارالعاننان كەيىن، جۇڭگو جاق بۇعان ايرىقشا ءمان بەرىپ، مەديتسينالىق ماماندار گرۋپپاسىن جىبەرۋ ارقىلى كونگو (كينشاسا) قاتارلى ەلدەردىڭ ىندەتكە قارسى كۇرەسۋىنە ۇزدىكسىز قولداۋ كورسەتتى، بۇل ءارقايسى جاقتاردىڭ جوعارى باعاسىنا يە بولدى“، - دەدى لين جيان. 3 - توپتاعى ماماندار گرۋپپاسى ەپيدەميولوگيا، سانيتارلىق كارانتيندەۋ، كلينيكالىق قۇتقارۋ - ەمدەۋ، اۋرۋ قوزدىرعىشتارعا تاجىريبەحانادا تەكسەرۋ جۇرگىزۋ قاتارلى سالالارداعى مامانداردان قۇرالعان، بۇل گرۋپپا الدىڭعى مەزگىلدەگى ماماندار گرۋپپاسىنىڭ قىزمەتى نەگىزىندە، ىندەتتەن ساقتانۋ – تىزگىندەۋدىڭ ناقتىلى قاجەتىنە ۇشتاستىرا وتىرىپ، كونگو (كينشاسا) جاقپەن جانە حالىقارالىق ۇيىمدارمەن بولعان اۋىس – كۇيىس پەن سەلبەستىكتى ۇزدىكسىز تەرەڭدەتەدى.

لين جيان بىلاي دەدى: قازىر ەبولا ىندەتى ءالى دە تارالۋدا، جۇڭگو جاق افريكاداعى مەديتسينا سالاسىنداعى كاسىپتىك قىزمەتكەرلەردىڭ كۇش - قۋاتىن ۇزدىكسىز ساۋلەلەندىرىپ، افريكا ەلدەرىنە قولىنان كەلگەنىنشە ۇزدىكسىز قولداۋ كورسەتىپ، افريكانىڭ قيىنشىلىق قىسپاعىنان ەرتەرەك وتۋىنە كومەكتەسۋدى قالايدى.

كەلۋ قاينارى: حالىق تورابى