بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.08.07 15:38 كەلۋ قاينارى : حالىق تورابى
زاڭمەن باسقارۋ گازەتىنىڭ حابارى. تاياۋدا مەملەكەتتىك راديو ـ تەلەۆيزيا باس مەكەمەسى «ميكرو قىسقا فيلمدەردىڭ دامۋىن باسقارۋ ءادىسىن» (تومەندە قىسقارتىلىپ «ءادىس» دەلىنەدى) جاريالادى، بۇل ءادىس 9 – ايدىڭ 1- كۇنىنەن باستاپ اتقارىلادى.
«ادىستە» بىلاي دەپ بەلگىلەندى: ميكرو قىسقا فيلمدەر قارجى قوسۋ مولشەرى، تاقىرىبى سياقتىلارعا قاراي 1 - تۇردەگى ميكرو قىسقا فيلم، 2 - تۇردەگى ميكرو قىسقا فيلم جانە 3 - تۇردەگى ميكرو قىسقا فيلم دەپ بولىنەدى، تۇرگە ءبولىپ ەستەلىككە الىپ اشىق جاريالاۋ جانە تاراتۋعا رۇقسات ەتۋ ءتۇزىمىن اتقارادى. ءبىرىنشى تۇردەگى ميكرو قىسقا فيلم دەگەنىمىز قارجى قوسۋ مولشەرى ءبىرشاما زور نەمەسە نەگىزگى فيلم جاعدايى ساياسي، اسكەري ىستەر، ديپلوماتيا، مەملەكەت حاۋىپسىزدىگى، بىرلىكساپ، ۇلت، ءدىن، قوعام حاۋىپسىزدىگى قاتارلى مازمۇندارعا ساياتىن ەرەكشە تاقىرىپتاعى ميكرو قىسقا فيلمدى مەڭزەيدى. ەكىنشى تۇردەگى ميكرو قىسقا فيلم دەگەنىمىز قارجى قوسۋ مولشەرى سالىستىرمالى تۇردە زور بولماعان ءارى ادەتتەگى تاقىرىپ بولعان ميكرو قىسقا فيلمدى كورسەتەدى. ءۇشىنشى تۇردەگى ميكرو قىسقا فيلم دەگەنىمىز قارجى قوسۋ مولشەرى ءبىرشاما تومەن ءارى ادەتتەگى تاقىرىپتى ارقاۋ ەتكەن ميكرو قىسقا فيلمدى كورسەتەدى. تۇرگە ايىرۋ ولشەمىن مەملەكەتتىك كەڭەستىڭ راديو - تەلەۆيزيا باسقارۋ تاراۋى بەلگىلەيدى ءارى كاسىپ سالاسىنىڭ دامۋ ءىس جۇزىندىك جاعدايىنا ۇشتاستىرا وتىرىپ دەر كەزىندە رەتتەيدى.
«ادىستە» مىنالار العا قويىلدى: تارتىلعان، جاسالىپ بولعان 1 - تۇردەگى ميكرو قىسقا فيلم مەن 2 - تۇردەگى ميكرو قىسقا فيلمدى تاراتۋدان بۇرىن ولكەلىك، اۆتونوميالى رايوندىق، توتە قاراستى قالالىق حالىق ۇكىمەتتەرىنىڭ راديو - تەلەۆيزيا باسقارۋشى تاراۋلارىنان مازمۇندى تەكسەرۋدى جانە تاراتۋعا رۇقسات ەتۋدى ءوتىنىش ەتۋ كەرەك. تەكسەرىپ ماقۇلدانعان 1 - تۇردەگى ميكرو قىسقا فيلمگە ولكەلىك، اۆتونوميالى رايوندىق، توتە قاراستى قالالىق حالىق ۇكىمەتتەرىنىڭ راديو - تەلەۆيزيا باسقارۋشى تاراۋلارى «ميكرو قىسقا فيلمدى تاراتۋ رۇقسات كۋالىگىن» بەرەدى. تەكسەرىپ ماقۇلدانعان 2 - تۇردەگى ميكرو قىسقا فيلمگە ولكەلىك، اۆتونوميالى رايوندىق، توتە قاراستى قالالىق حالىق ۇكىمەتتەرىنىڭ راديو - تەلەۆيزيا باسقارۋشى تاراۋلارى بەكىتۋ قۇجاتىن بەرەدى. 3 – تۇردەگى ميكرو قىسقا فيلمدى شارتقا ۇيلەسەتىن تاراتۋ ورىندارى مازمۇندى باسقارۋ مىندەتىن اتقارىپ، تاراتۋدان بۇرىن تەكسەرەدى ءارى باعدارلامانىڭ رەت ٴنومىرىن بەلگىلەيدى.
بۇدان سىرت، «ادىستە» تاعى ميكرو قىسقا فيلمدە مەملەكەت حاۋىپسىزدىگىنە زالال جەتكىزۋ، ۇلت تاريحىن بۇرمالاۋ، جۇڭحۋانىڭ تاڭداۋلى ءداستۇرلى مادەنيەتىن قارالاۋ، ازامات جاسىنا تولماعانداردىڭ زاڭدى ۇقىق - مۇددەسىنە زيان جەتكىزۋ قاتارلى 11 ءتۇرلى مازمۇننىڭ بولماۋى تالاپ ەتىلدى، سونىمەن بىرگە جاساندى زەردە تەحنيكاسىنان پايدالانىپ جاسالعان ميكرو قىسقا فيلمدەردىڭ ءار سەرياسىنا ەسكەرتۋ بەلگىسى قوسىلۋى بەلگىلەندى.
كەلۋ قاينارى: حالىق تورابى
