جۇڭگونىڭ كولۋمبيادا تۇراتىن ەلشىحاناسى جۇڭگو ازاماتتارىنا اپاتقا ۇشىراعان وڭىرگە بارماۋدى ەسكەرتتى

جۇڭگو اقپارات تورابىنىڭ 8 – ايدىڭ 12 – كۇنى بەيجيڭنەن بەرگەن حابارى. جۇڭگونىڭ كولۋمبيادا تۇراتىن ەلشىحاناسىنىڭ ۋيشين الەۋمەتتىك تەكشەسىنىڭ حابارىنا قاراعاندا، قازىرگە دەيىن كولۋمبيادا 7.4 بال كۇشتى جەر سىلكىنىسى تۋىلىپ، 200 دەن استام ادام قازا بولعان جانە قىرۋار مال – مۇلىك زيانعا ۇشىراعان، كولۋمبيا ۇكىمەتى ”مەملەكەتتىك اپات كۇيىنە“ وتكەندىگىن جاريالادى. چوكو ولكەسى، كاۋكا تاۋ اڭعارى ولكەسى، ليسالاردا ولكەسى جانە كارداس ولكەسىنىڭ ءبىر ءبولىم رايوندارى مەن قالالارىندا اپات ەڭ اۋىر بولعان، كولۋمبيا گەولوگيا مەكەمەسى قالدىق سىلكىنىستىڭ بىرنەشە كۇن، ءتىپتى بىرنەشە اپتا جالعاسۋى مۇمكىن ەكەنىن ەسكەرتتى.

جۇڭگونىڭ كولۋمبيادا تۇراتىن ەلشىحاناسى كولۋمبيادا تۇراتىن جانە كولۋمبياعا كەلمەكشى بولعان جۇڭگولىق باۋىرلاستارعا جوعارىدا ايتىلعان وڭىرلەرگە بارماۋدى ەسكەرتىپ، قاتىستى ينفورماتسيالارعا نازار اۋدارۋدى ءارى ”جۇڭگو كونسۋلى“ APP دە ”شەتەلدەگى ازاماتتاردى تىزىمدەۋدى“ ورىنداپ، ەلشىحانانىڭ ينفورماتسيانى يگەرۋىنە، دەر كەزىندە كونسۋلدىق قورعاۋىنا جانە سەلبەسۋىنە قولايلىلىق جاراتۋدى ۇسىنىس ەتتى.