بيىل 7 – ايدا بۇكىل ەلىمىز بويىنشا ينتەرنەت ارقىلى 17 ميلليون 785 مىڭ اشكەرەلەۋ قابىلدانعان 

ورتالىق ينتەرنەت حاۋىپسىزدىگى جانە ينفورماتسيالاندىرۋ كوميتەتى اشكەرەلەۋ ورتالىعى جاقىندا جاريالاعان ساندى مالىمەتتە كورسەتىلۋىنشە، 2026 – جىلى 7 – ايدا، ورتالىق ينتەرنەت حاۋىپسىزدىگى جانە ينفورماتسيالاندىرۋ كوميتەتى اشكەرەلەۋ ورتالىعى بۇكىل ەلىمىزدەگى ءار دارەجەلى ينتەرنەت ارقىلى اشكەرەلەۋ قىزمەتى تاراۋلارىنا، نەگىزگى توراپتار مەن تەكشەلەرگە جەتەكشىلىك ەتىپ، توراپتاستاردىڭ بادىك مازمۇن، قۇمار ويناۋ، ۇقىققا قول سۇعۋ، وسەك – اياڭ تاراتۋ قاتارلى زاڭعا قايشى ينفورماتسيالار مەن ناشار ينفورماتسيالار جونىندەگى اشكەرەلەۋدەن 17 ميلليون 785 مىڭ داناسىن قابىلداعان، بۇل سايكەستى مەزگىلدەگىدەن %0.5 تومەندەگەن، ءبىر جىل بۇرىنعى وسى مەزگىلدەگىدەن %5.1 تومەندەگەن.

مۇنىڭ ىشىندە، ورتالىق ينتەرنەت حاۋىپسىزدىگى جانە ينفورماتسيالاندىرۋ كوميتەتى اشكەرەلەۋ ورتالىعى قابىلداعان اشكەرەلەۋ سانى 741 مىڭ دانا، جەر - جەردەگى ينتەرنەت ينفورماتسياسى اشكەرەلەۋ قىزمەتى تاراۋلارى قابىلداعان اشكەرەلەۋ سانى 577 مىڭ دانا، بۇكىل ەلىمىزدەگى نەگىزگى ينتەرنەت تەكشەلەرى قابىلداعان اشكەرەلەۋ سانى 16 ميلليون 467 مىڭ دانا بولعان.

ورتالىق ينتەرنەت حاۋىپسىزدىگى جانە ينفورماتسيالاندىرۋ كوميتەتى اشكەرەلەۋ ورتالىعى مىنانى ءبىلدىردى: قازىر بۇكىل ەلىمىزدەگى ءارقايسى نەگىزگى ينتەرنەت تەكشەلەرى اشكەرەلەۋ ارناسىن ۇزدىكسىز كەڭەيتىپ، توراپتاستاردىڭ اشكەرەلەۋىن قابىلداپ ءبىر جاقتى ەتۋدە. بارشا توراپتاستاردىڭ ينتەرنەتتى جالپى بەتتىك وڭاۋعا بەلسەنە ات سالىسىپ، پاك ينتەرنەت كەڭىستىگىن بىرگە قورعاۋىن قارسى الامىز. (ءتىلشى ۋاڭ سىبەي)

كەلۋ قاينارى: حالىق تورابى