بيىل شينجياڭدا تۇتىنۋ بۇيىمدارىنىڭ كونەسىن جاڭاسىنا اۋىستىرۋ ءۇشىن ءوتىنىش ەتىلگەن قوسىمشا قاراجات سوماسى ءبىر ميلليارد 730 ميلليون يۋاننان استى 

شينجياڭ گازەتىنىڭ ءتىلشىسى يۇي جياڭيان 8 – ايدىڭ 12 – كۇنى ۇرىمجىدەن حابارلايدى. اۆتونوميالى رايوندىق ساۋدا مەڭگەرمەسىنەن ۇعىسۋعا قاراعاندا، 7 – ايدىڭ 31 – كۇنىنە دەيىن، بيىل اۆتونوميالى رايوندا تۇتىنۋ بۇيىمدارىنىڭ كونەسىن جاڭاسىنا اۋىستىرۋ بويىنشا قوسىمشا قاراجات الۋعا ءوتىنىش بەرۋ جالپى مولشەرى 2 ميلليون 158 مىڭ داناعا جەتىپ، قوسىمشا قاراجات سوماسى ءبىر ميلليارد 730 ميلليون يۋاننان اسىپ، جيىنى 17 ميلليارد 706 ميلليون يۋاندىق قوعامدىق تۇتىنۋدى جەبەگەن. ساياساتتىڭ تيىمدىلىگى ۇزدىكسىز ساۋلەلەنىپ، قالاداعىلار مەن اۋىلداعىلاردىڭ تۇتىنۋىنىڭ جاڭا قوزعاۋشى كۇشىن ءونىمدى تۇردە تاسقىنداتتى.

شينجياڭ كليمات ورتالىعىنىڭ باقىلاۋ – ولشەۋ ساندى مالىمەتىنە قاراعاندا، بيىل 7 – ايدا بۇكىل شينجياڭ بويىنشا ورتاشا تەمپەراتۋرا 26.1 سەلتسي گرادۋسقا جەتىپ، ودان بۇرىنعى ۇقساس مەزگىلدەگىدەن 2.4 سەلتسي گرادۋس جوعارى بولىپ، تاريحتاعى ۇقساس مەزگىلدەگى ەڭ جوعارى تەمپەراتۋرا رەكوردىن جاراتقان. اۋا رايى ۇزدىكسىز اشىق، ىستىق بولعاندىقتان، اۋا رەتتەگىش، سالقىنداتقىش، ەلەكترلى جەلپۋىش قاتارلى سالقىنداتاتىن ەلەكتر جابدىقتارىنىڭ ساتىلىمى كۇسەت بولىپ، ءارقايسى ءىرى ەلەكتر جابدىقتارى دۇكەندەرىندە ساتىلىم مولشەرى ۇزدىكسىز ارتقان.

كەلۋ قاينارى: حالىق تورابى