شينجياڭ قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى ءماجىلىسىن اشتى

شينجياڭ گازەتىنىڭ 8 ـ ايدىڭ 13 ـ كۇنى حوتاننان بەرگەن حابارى. 8 ـ ايدىڭ 11 ـ كۇنى، شينجياڭ ۇيعۇر اۆتونوميالى رايونىنىڭ قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى ءماجىلىسى حوتاندا اشىلدى، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى جونىندەگى مەملەكەتتىك بەينە ـ ەكران ءماجىلىسىنىڭ رۋحىن جەتكىزىپ جانە ۇيرەنىپ، شينجياڭنىڭ سۇرقيا كۇشتەردى الاستاۋ ارناۋلى كۇرەسىن تەرەڭدەتۋ جونىندە جاپپاي ورنالاستىرۋ جاسادى.

شينجياڭ ۇيعۇر اۆتونوميالى رايوندىق پارتكومنىڭ تۇراقتى مۇشەسى، ساياسي ـ زاڭ كوميتەتىنىڭ شۋجيى ۋاڭ گاڭ ءماجىلىستى باسقاردى ءارى ءسوز سويلەدى.

ءماجىلىس مىنالاردى تالاپ ەتتى: پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارى، اۆتونوميالى رايوندىق پارتكوم مەن ۇكىمەتتىڭ قىزمەت تالاپتارى بويىنشا، قارا كۇشتەردى الاستاۋدى، سۇرقيا كۇشتەردى جويۋدى تەرەڭدەتۋدىڭ ءبىر جىلدىق ارناۋلى كۇرەسىن تىڭعىلىقتى ورىستەتىپ، قارا كۇشتەرگە، سۇرقيا كۇشتەرگە سوققى بەرۋدى لاڭكەستىككە قارسى تۇرىپ، ورنىقتىلىقتى قورعاۋمەن، شىرىكتەسۋگە قارسى تۇرۋمەن، نەگىزگى ساتىدا ”شىبىن قاعۋمەن“ ۇشتاستىرىپ، سىلەيتە سوققى بەرىپ، قىلپى بىلىنە سالا سوققىلاپ، قارا كۇشتەردى الاستاۋدىڭ، سۇرقيا كۇشتەردى جويۋدىڭ جاڭا شابۋىلىن جەدەل قوزعاپ، شينجياڭنىڭ قوعامدىق جالپى جاعدايىنىڭ ورنىقتىلىق، جاقسارۋ بەتالىسىن بەكەمدەۋ كەرەك.

ءماجىلىس مىنالاردى باسا دارىپتەدى: جەر ـ جەر، تاراۋلار قارا، سۇرقيا قىلمىستاردىڭ جاڭا بەينەسىن، جاڭا ەرەكشەلىگىن، جاڭا بەتالىسىن، جاڭا زاڭدىلىعىن دۇرىس يگەرىپ، نازاردى جالپى تۇلعالىق تالاپ پەن نىسانا ـ مىندەتتەرگە شوعىرلاندىرىپ، اتقارۋدى جوسپارلى، ساتىلى ىلگەرىلەتىپ، زاڭ بويىنشا قاتاڭ سوققى بەرۋدىڭ تەگەۋرىندى سەس كورسەتۋىن ساقتاۋ كەرەك. دەرەكتەردى تەكسەرۋدى قاداعالاپ، جاپپاي ءبىر ـ بىرلەپ تەكسەرىپ، ىشكەرىلەي تەكسەرىپ، ەگجەي ـ تەگجەيلى تەكسەرىپ، دەرەكتەردى تەكسەرىپ ءبىر جاقتى ەتۋدىڭ ساپاسىن، ونىمدىلىگىن جوعارىلاتۋ كەرەك. سوققى بەرۋ ءتۇيىنىن كورنەكتىلەندىرىپ، ءداستۇرلى قارا، سۇرقيا كۇشتەرگە زاڭ بويىنشا قاتاڭ سوققى بەرۋ نەگىزىندە، ون ءتۇرلى جاڭاشا قارا، سۇرقيا قىلمىسقا ءتۇيىندى تۇردە سوققى بەرۋ كەرەك. قىزمەتتى سايكەستىرۋ مەحانيزمىن كەمەلدەندىرىپ، سوققى بەرۋ، جازالاۋ قىزمەتىنىڭ ساپاسىن، ونىمدىلىگىن جاپپاي جوعارىلاتۋ كەرەك. جان ـ جاقتى ساقتانۋ، جونگە سالۋ جۇيەسىن ورناتىپ، قارا، سۇرقيا كۇشتەردىڭ ءوسىپ - ءوربيتىن توپىراعىن باتىل الاستاۋ كەرەك.

پان شي، ءدىلشات سايىم، گاۋ جيميڭ قاتارلىلار ماجىلىسكە قاتىناستى.

كەلۋ قاينارى: حالىق تورابى