شينجياڭ ساقشىلارى ىشىنە 275 گرام التىن جاسىرىلعان جولدامانى دەرەۋ بوگەدى 

8 - ايدىڭ 17 - كۇنى ياركەن اۋدانى قوعام حاۋىپسىزدىگى مەكەمەسىنىڭ حالىق ساقشىلارى اسا حاۋىپتى الدامكوستىككە قارسى ساقتىق دابىلىن تاپسىرىپ العاننان كەيىن، قاراستى اۋماقتاعى جەدەل جەتكىزۋ سەرىكتەستىگىنىڭ بولىمشەسىندە ىشىنە 275 گرام التىن جاسىرىلعان، الدامكوستىككە قاتىستى ءبىر جولدامانى ءساتتى بوگەپ، بۇقارانىڭ 270 مىڭ يۋاننان استام ەكونوميكالىق زيان تارتۋىنىڭ الدىن الدى.

حالىق ساقشىلارى تەكسەرۋ ارقىلى مىنانى انىقتادى: جولداما جىبەرۋشى ۋاڭ حانىم جارىم ايدىڭ الدىندا قىسقا كەسكىن تەكشەسىندە ”قارجى قوسۋ - قارجى باسقارۋ شەبەرىنىڭ“ كەسكىنىن كورىپ، العاش رەت 6000 يۋان قارجى قوسىپ، 500 يۋان پايدا تاپقان، سودان سوڭ وسى تەكشەگە ابدەن سەنگەن. كەيىن الدامكوستەر ”قارجىنى تەكسەرۋ“ سىلتاۋمەن، ونى 275 گرام التىن ساتىپ الىپ، بەلگىلەنگەن ادىرىسكە جولداۋعا شىرعالاعان. كوپ جاقتىڭ سايكەسۋىندە، الدامكوستىككە قاتىستى جولداما تاسىمالدانۋ بارىسىندا دەر كەزىندە بوگەلگەن، بولعان ىسكە كوزى جەتكەن ۋاڭ حانىم حالىق ساقشىلارىنىڭ دەر كەزىندە زياننىڭ ورنىن تولتىرعانىنا قايتا - قايتا العىس ايتقان.

ساقشى جاق مىنانى ەسكەرتتى: ينتەرنەتتەگى بەيرەسمي قارجى قوسۋ ارنالارىنا، استە، سەنبەڭىز، قارجىنى تەكسەرۋ، ۇستاپ قالعان اقشانى بوساتۋ سياقتى سىلتاۋلارمەن اقشا اۋدارۋدى نەمەسە قۇندى بۇيىمداردى جولداۋدى تالاپ ەتەتىندەردىڭ بارلىعى الدامكوستەر. كۇماندى جاعدايعا تاپ بولساڭىز، دەرەۋ ساقشىعا مالىمدەڭىز.

كەلۋ قاينارى: حالىق تورابى