بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.08.21 16:10 كەلۋ قاينارى : حالىق تورابى
انگليا، فرانسيا، گەرمانيا، يتاليا، گوللانديا، نورۆەگيا جانە كانادا 8 - ايدىڭ 20 - كۇنى بىرلەسكەن مالىمدەمە جاريالاپ، يزرايلدىڭ ”E1 رايونىندا“ ءۇي سالۋ جوسپارىن ايىپتادى ءارى يزرايل ۇكىمەتىنەن وسى جوسپاردى دەرەۋ كۇشىنەن قالدىرۋدى تالاپ ەتتى.
جەتى ەل مالىمدەمەدە مىنانى ءبىلدىردى: يزرايل ۇكىمەتى جاريالاعان ”E1 رايونىندا“ ءۇي سالۋ ينجەنەرياسىنا مەردىگەر شاقىرۋ قارارىن ”قابىلداۋعا بولمايدى“، بۇل ينجەنەريا يوردانيا وزەنىنىڭ باتىس جاعالاۋىن بولەكتەپ، پالەستينا تەرريتورياسىنىڭ ۇلاسىمدىلىعىنا زيان جەتكىزىپ، ”ەكى مەملەكەت قۇرۋ جوباسىنىڭ“ بولاشاعىن بۇلىڭعىرلاتادى.
مالىمدەمەدە مىنالار باسا دارىپتەلدى: حالىقارالىق زاڭدا يزرايلدىڭ يوردانيا وزەنىنىڭ باتىس جاعالاۋىنداعى قونىستانۋ تۇيىندەرى زاڭسىز دەپ ايقىن تۇراقتاندىرىلعان، بۇل حالىقارالىق قوعامنىڭ مايدانى ءارى بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ قولداۋىنا يە بولعان.
مالىمدەمەدە مىنالار اتاپ كورسەتىلدى: قازىر يوردانيا وزەنىنىڭ باتىس جاعالاۋىنداعى جاعداي ورنىقسىز، قونىستانۋشىلاردىڭ بەيبىت تۇرعىندارعا قاراتقان زورلىق - زومبىلىعى بۇرىن بولماعان دەڭگەيگە جەتتى، پالەستينا ەكونوميكاسى دا اۋىر شەكتەمەگە ۇشىرادى، سوندىقتان يزرايل جاقتىڭ ءۇي سالۋ قۇرۋ جوسپارىن ىلگەرىلەتۋى جۇرتتى اناعۇرلىم الاڭداتادى.
جەتى ەل يزرايل ۇكىمەتىنەن ”E1 رايونىندا“ ءۇي سالۋ جوسپارىن دەرەۋ كۇشىنەن قالدىرۋدى ءارى يوردانيا وزەنىنىڭ باتىس جاعالاۋىندا قونىستانۋ تۇيىندەرىن كەڭەيتۋدى توقتاتۋدى تالاپ ەتكەن، سونىمەن بىرگە كاسىپورىنداردى قاتىستى قۇرىلىس ينجەنەريالارىنا مەردىگەر شاقىرۋعا قاتىناسپاۋعا ۇندەگەن، كاسىپورىندارعا وسىدان تۋىندايتىن زاڭدىق جاۋاپكەرشىلىككە تارتىلۋى جانە بەت – بەدەلىنە كىر كەلتىرۋى ىقتيمال ەكەنىن ەسكەرتكەن.
يزرايل ۇكىمەتى 8 - ايدىڭ 18 – كۇنى ”E1 رايونىندا“ ءۇي سالۋ ينجەنەرياسى بويىنشا 1234 ءۇي سالۋعا مەردىگەر شاقىرۋ جونىندە حابارلاندىرۋ شىعارعان. 2025 - جىلى 8 - ايدا يزرايلدىڭ قازىنا مينيسترى سىموتريح مالىمدەمە جاريالاپ، ”E1 رايونىندا“ 3401 ءۇي سالۋدى بەكىتۋدى جوسپارلاعانىن، مۇنداعى ماقسات ”پالەستينا مەملەكەتى دەگەن قيالدى جويۋ“ ەكەنىن ايتقان. ىلە - شالا يزرايل قورعانىس مينيسترلىگىنە قاراستى حالىق ىستەرىن باسقارۋ مەكەمەسىنىڭ جوعارى دارەجەلى جوسپارلاۋ كوميتەتى اتالعان ءۇي سالۋ جوسپارىن بەكىتكەن.
يزرايل 1967 - جىلىعى 3 - رەتكى ورتا شىعىس سوعىسىندا شىعىس يەرۋساليم مەن يوردانيا وزەنىنىڭ باتىس جاعالاۋىنداعى ءىشىنارا رايونداردى يەلەپ العان ءارى ەۆرەيلەردى قونىستاندىرعان. ۇزاق ۋاقىتتان بەرى يزرايل اسكەرى پالەستينا حالقىنىڭ ارەكەتى مەن قاتىناسىنا شەكتەمە قويىپ، پالەستينا جاقتىڭ كۇشتى قارسىلىعىنا ۇشىرادى.
كەلۋ قاينارى: حالىق تورابى
