تاريحتاعى ەڭ كۇشتى ەل - نينو قۇبىلىسى جارىققا شىعادى

مەملەكەتتىك كليمات ورتالىعىنىڭ 8 - ايدىڭ 18 - كۇنى تانىستىرۋىنشا، قازىر ەكۆاتوردىڭ ورتا – شىعىس بولىگىندەگى تىنىق مۇحيتتىڭ تەڭىز ايدىنىنىڭ تەمپەراتۋراسى ۇزدىكسىز جوعارىلاۋدا، مەجەمەن 11 - ايدان 12 - ايعا دەيىن ەڭ جوعارى شەگىنە جەتىپ، اسا كۇشتى ەل - نينو قۇبىلىسى قالىپتاسادى، ونىڭ تاريحتاعى ەڭ كۇشتى ەل – نينو قۇبىلىسى بولۋ ىقتيمالدىعى جوعارى.

بيىل جازدان بەرى، ەلىمىزدىڭ كليمات ەرەكشەلىگى ەل - نينونىڭ ۇلعايۋ كەزەڭىندەگى تيپتىك ىقپالىن ايگىلەدى: شىعىس بولىكتە سولتۇستىك - وڭتۇستىك ەكى جاڭبىرلى بەلدەۋ قالىپتاستى، نوسەر جاۋۋ كولەمى كەڭ، نوسەردىڭ دارەجەسى جوعارى، نوسەردىڭ ءبىر ورىنعا قايتالاي جاۋۋى ءجيى تۋىلدى؛ تايفىڭ داۋىلى ءجيى بايقالىپ، قۋاتى كۇشتى بولدى، جەل مەن جاڭبىردىڭ ىقپالى ۇزاققا سوزىلدى.

مەملەكەتتىك كليمات ورتالىعى مىنانى ءبىلدىردى: ەكۆاتوردىڭ ورتا -شىعىس بولىگىندەگى تىنىق مۇحيت 2026 - جىلى 5 - ايدا ەل - نينو كۇيىنە وتكەن. جۋىردان بەرى تەڭىز تەمپەراتۋراسى ۇزدىكسىز تەز جوعارىلاۋدا. 7 - ايدا باقىلانعان رايوننىڭ تەڭىز تەمپەراتۋراسىنىڭ كورسەتكىشى 2.09 سەلتسي گرادۋسقا جەتىپ، 6 - ايعا قاراعاندا 0.49 سەلتسي گرادۋس جوعارىلاعان؛ 8 - ايدىڭ العاشقى جارتىسىندا تاعى دا 2.64 سەلتسي گرادۋسقا جوعارىلاپ، جىلىنۋ جىلدامدىعى وتە تەز بولعان.

كەلۋ قاينارى: حالىق تورابى