جول قاتىناس زاڭىنا وزگەرىس ەنگىزۋ جوباسىندا ”كوزسىزدىكپەن كولىك جۇرگىزۋ“، ”توپتاسىپ كولىك جولدارىندا ءجۇرۋ“ سەكىلدىلەردى جونگە سالۋ شارالارى ايقىندالدى

شينحۋا اگەنتتىگىنىڭ 8 – ايدىڭ 25 – كۇنى بەيجيڭنەن بەرگەن حابارى. 8 – ايدىڭ 25 - كۇنى 14 ـ كەزەكتى مەملەكەتتىك حالىق قۇرىلتايى تۇراقتى كوميتەتى ءماجىلىسىنىڭ تۇڭعىش رەت قاراۋىنا ۇسىنىلعان جول قاتىناس حاۋىپسىزدىگى زاڭىنا وزگەرىس ەنگىزۋ جوباسىندا بىلاي دەپ ايقىن بەلگىلەندى: قولىنا تەلەفون ۇستاپ تەلەفون الۋ نەمەسە تەلەفون سوعۋ، كەسكىن كورۋ قاتارلى حاۋىپسىز كولىك جۇرگىزۋگە كەدەرگىلىك جاساۋ ارەكەتتەرى بولسا، سونداي ـ اق قاتىناس شىرعالاڭىن نەمەسە باسقا دا اۋىر زارداپتار تۋدىرسا، 200 يۋاننان جوعارى، 500 يۋاننان تومەن اقشالاي ايىپ سالىنادى، ماتورلى كولىك جۇرگىزۋ كۋالىگى ءۇش اي ۇستاپ تۇرىلادى. جولدى يەمدەنىپ الاتىن، قاتىناۋعا ىقپال جاسايتىن ”توپتاسىپ كولىك جولدارىندا ءجۇرۋ“ قاتارلىلار جونىندە، جوبادا ءارقايسى ورىننىڭ نەمەسە جەكەنىڭ رۇقساتسىز جولدى يەمدەنىپ الىپ، قاتىناسقا جاتپايتىن قيمىلدارمەن شۇعىلدانۋىنا بولمايدى دەپ بەلگىلەندى.

كەلۋ قاينارى: حالىق تورابى