ەگىستىك جەردى قورعاۋ جانە ساپاسىن جوعارىلاتۋ زاڭى جوباسىنىڭ 3 – رەت قارالعان نۇسقاسىنا كوپ جاقتى بەلگىلەمە قوسىلدى

شينحۋا اگەنتتىگىنىڭ 8 – ايدىڭ 25 - كۇنى بەرگەن حابارى. ەگىستىك جەردى قورعاۋ جانە ساپاسىن جوعارىلاتۋ زاڭىنىڭ جوباسى 8 – ايدىڭ 25 - كۇنى 14 ـ كەزەكتى مەملەكەتتىك حالىق قۇرىلتايى تۇراقتى كوميتەتى 24 - ءماجىلىسىنىڭ 3 ـ رەتكى قاراۋىنا ۇسىنىلدى. جوبانىڭ 3 - رەت قارالعان نۇسقاسىنا دارىندىلار، قارجى، تولەم بەرۋ قاتارلى جاقتارعا قاتىستى بەلگىلەمەلەر ىشكەرىلەي قوسىلدى.

وسىدان بۇرىن ەگىستىك جەردى قورعاۋ جانە ساپانى جوعارىلاتۋ زاڭى جوباسى 2 - رەت قارالعاننان كەيىن، قوعامداعى قاۋىمنان اناعۇرلىم كەڭ كولەمدە پىكىر الىندى، كەيبىر تۇراقتى كوميتەت قۇرامىنداعىلار، مەملەكەتتىك حالىق قۇرىلتايىنىڭ ۋاكىلدەرى جانە قوعامداعى قاۋىم جوعارى دەڭگەيدەگى عىلىم - تەحنيكا دارىندىلار قوسىنى ەگىستىك جەردى قورعاۋ جانە ساپانى جوعارىلاتۋ قىزمەتىنىڭ دەڭگەيىن جوعارىلاتۋدا توتەنشە ماڭىزدى دەپ قاراپ، جوعارى مەكتەپتەر، عىلىمي زەرتتەۋ ورىندارى قاتارلىلاردىڭ ەگىستىك جەردى قورعاۋ جانە ساپانى جوعارىلاتۋ جاعىنداعى دارىندىلاردى تاربيەلەۋدى كۇشەيتۋىنە دەم بەرۋ جونىندەگى بەلگىلەمەنى قوسۋدى ۇسىنىس ەتتى، جوبانىڭ 3 - رەت قارالعان نۇسقاسىنا سايكەستى بەلگىلەمەلەر قوسىلدى.

كەيبىر پىكىردە مىنالار العا قويىلدى: سوڭعى جىلداردان بەرى، جوعارى ولشەمدى ەگىس اتىزى قۇرىلىسى قارجىسىن زاڭعا قايشى پايدالانۋ، يەمدەنۋ ماسەلەسى ءبىرشاما كورنەكتى بولىپ، جوعارى ولشەمدى ەگىس اتىزى قۇرىلىسىنىڭ ساپاسىنا اۋىر ىقپال جاسادى، جوعارى ولشەمدى اتىز قۇرىلىسى قارجىسىن باقىلاۋ ـ باسقارۋدى ونان ارى كۇشەيتۋ كەرەك. جوبانىڭ 3 - رەت قارالعان نۇسقاسىنا ءارقانداي ورىن مەن جەكەنىڭ جوعارى ولشەمدى ەگىس اتىزى قۇرىلىسى قارجىسىن ۇستاپ قالۋىنا، يەمدەنىپ الۋىنا نەمەسە باسقاعا جۇمساۋىنا تيىم سالىنادى دەگەن بەلگىلەمە قوسىلدى.

مەملەكەتتىڭ استىق وندىرەتىن نەگىزگى رايوندارى ەگىستىك جەردى قورعاۋ جانە استىق حاۋىپسىزدىگى جاعىندا ماڭىزدى رول اتقارادى، استىق وندىرەتىن نەگىزگى رايونداردىڭ مۇددەسىنە تولەم بەرۋدى ونان ارى ايگىلەۋ ءۇشىن، جوبانىڭ 3 - رەت قارالعان نۇسقاسىندا مەملەكەت استىق وندىرەتىن نەگىزگى رايونداردىڭ مۇددەسىنە تولەم بەرۋ مەحانيزمىن اقاۋسىزداندىرىپ، استىق ەگەتىن نەگىزگى رايوندار مەن استىق وندىرەتىن ءىرى اۋداندارعا قازىنادان اۋدارىپ تولەۋ ءتۇزىمىن كەمەلدەندىرىپ، استىق وندىرەتىن، ساتاتىن رايونداردىڭ ولكە ارالىق ەندىك مۇددە تولەمى مەحانيزمىن اقاۋسىزداندىردى.

قارا توپىراقتى جەر ‐ ەڭ باعالى ەگىستىك جەر، قارا توپىراقتى جەردى قورعاۋ تەبىنىن ونان ارى ارتتىرۋ ءۇشىن، جوبانىڭ 3 - رەت قارالعان نۇسقاسىندا قارا توپىراقتى جەردىڭ تاماشا ءوندىرىس قۋاتىن قورعاپ، قارا توپىراقتى جەردىڭ جالپى مولشەرىنىڭ ازايماۋىنا، فۋنكتسياسىنىڭ ازعىنداماۋىنا، ساپاسىنىڭ جوعارىلاۋىنا، ءوندىرىس قۋاتىنىڭ باياندى بولۋىنا كەپىلدىك ەتۋ بەلگىلەندى.

تاسقىننان ساقتانۋ حاۋىپسىزدىگى ءۇشىن، جوبانىڭ 3 - رەت قارالعان نۇسقاسىنا وزەن - كولدەردى باسقارۋ كولەمىندەگى جەرلەر پرينسيپتىك جاقتان ەگىستىك جەردىڭ كەلۋ قاينارى ەتىلمەيدى دەپ قوسىلدى. جوبانىڭ 3 - رەت قارالعان نۇسقاسىندا قۇمايتتانعان، جەلدىڭ جەمىرۋى، سۋدىڭ جەمىرۋى سىندى ەگىستىك جەرلەردى جان - جاقتى جونگە سالۋ، توپىراقتىڭ شايىلۋىنان ساقتانۋ جانە ونى جونگە سالۋ جونىندەگى بەلگىلەمەلەر قوسىلدى.

كەلۋ قاينارى: حالىق تورابى