8 ـ ايدىڭ 29 ـ كۇنىنەن باستاپ شينجياڭنان توتە ۇشاتىن اۋە لەنياسىنان بىرەۋ قوسىلادى

8 - ايدىڭ 29 - كۇنىنەن باستاپ شياڭگاڭ اۆياتسياسى شياڭگاڭنان ۇرىمجىگە توتە ۇشاتىن اۋە لەنياسىن اشادى، ايروبوس A330 كەڭ تۇلعالى جولاۋشىلار ۇشاعى اپتاسىنا 2 كەزەك ۇشادى، بۇل شياڭگاڭ اۆياتسياسىنىڭ تۇڭعىش رەت شينجياڭعا توتە ۇشاتىن اۋە لەنياسىن اشۋى.

باراتىن كەزەكشى ۇشاق HX456 ءار اپتانىڭ سەيسەنبى، سەنبى كۇندەرى ساعات 18:35 تە شياڭگاڭنان ۇشىپ، كەلەسى كۇنى ساعات 01:15 تە ءۇرىمجى تيانشان حالىقارالىق اۋەجايىنا جەتەدى؛ قايتاتىن كەزەكشى ۇشاق HX457 ءار اپتانىڭ سارسەنبى، جەكسەنبى كۇنى ساعات 02:15 تە ۇرىمجىدەن ۇشىپ، 07:30 دا شياڭگاڭعا جەتەدى.

شياڭگاڭ اۆياتسياسى حاينان اۆياتسياسىمەن، ءۇرىمجى اۆياتسياسىمەن، تيانجين اۆياتسياسىمەن بىرلەسپە تاسىمال سەلبەستىگىن جاساستى، جولاۋشىلار ۇرىمجىگە كەلگەننەن كەيىن، قاشقار، حوتان، اقسۋ، قۇلجا، التاي، قۇمىل قاتارلى شينجياڭداعى ون قالاعا بارىپ، ”ءبىر جەرگە قونۋ ارقىلى بۇكىل شينجياڭدى ساياحاتتاۋدى“ ىسكە اسىرادى.

قاتىناۋدى جەبەۋ ٴۇشىن ارزانداتىلعان ەكونوميكالىق كابينا باجى اقىسىن قامتىعاندا 2702 شياڭگاڭ يۋاننان باستالادى، بۇگىننەن باستاپ شياڭگاڭ اۆياتسياسى ۇكىمەت تورابى، ۋيشين شاعىن پروگرامماسى قاتارلى رەسمي ارنالار ارقىلى ۇشاق بەلەتىن ساتىپ الۋعا بولادى.

وسىدان بۇرىن ءۇرىمجى مەن شياڭگاڭ ارالىعىندا گوتاي اۆياتسياسىنىڭ، وڭتۇستىك اۆياتسياسىنىڭ توتە ۇشاتىن كەزەكشى ۇشاعى بار بولاتىن. شياڭگاڭ اۆياتسياسى قوسىلعاننان كەيىن، شينجياڭ مەن گۋاڭدۇڭ - شياڭگاڭ - اۋمىن شىعاناق رايونى اراسىنداعى اۋە ارناسى ونان ارى جيىلەپ، ساۋدا بارىس ـ كەلىسى مەن ”اۆياتسيا + ساياحات“ جولاۋشىلارىنا اناعۇرلىم ويداعىداي قىزمەت وتەيدى.

كەلۋ قاينارى: حالىق تورابى