جۇڭگو مەن فيليپپين سەلبەسىپ فيليپپيندەگى بارىمتالاۋ توبىنىڭ اتامانىن ەلىمىزگە قايتاردى 

شينحۋا اگەنتتىگى 8 - ايدىڭ 27 - كۇنى مانيلادان حابارلايدى (ءتىلشى لي مىڭ، جاۋ چىنجيە). جۇڭگونىڭ فيليپپيندە تۇراتىن ەلشىحاناسىنىڭ 8 - ايدىڭ 27 - كۇنى حابارلاۋىنشا، 8 - ايدىڭ 26 - كۇنى تۇندە، جۇڭگو مەن فيليپپين ەكى ەلدىڭ زاڭ اتقارۋ تاراۋلارىنىڭ تىعىز سەلبەسۋىندە، فيليپپيندە ۇزاق ۋاقىت بويى جاسىرىنىپ قاشىپ جۇرگەن بارىمتالاۋ توبىنىڭ اتامانى چيۋ xx ءساتتى ۇستالىپ، ەلىمىزگە قايتارىلعان.

ۇعىسۋعا قاراعاندا، چيۋ xx قىلمىسى باسىنان اسقان شى xx قىلمىستىق توبىنىڭ نەگىزگى مۇشەسى ەكەن، بۇل توپ ۇزاق ۋاقىت بارىمتالاۋ، كىسى ءولتىرۋ قاتارلى زورلىقتى كۇش قىلمىستارىمەن اينالىسقان، قىلمىسى اۋىر، كوپ رەت جۇڭگو ازاماتتارىنا باعىتتالعان اۋىر زورلىقتى كۇش دەلولارىن جوسپارلاعان جانە اتقارعان، قانىپەزەرلىك ىستەگەن، دەلونىڭ سيپاتى ناشار، باۋىرلاستاردىڭ باس اماندىعى مەن مال - مۇلىك حاۋىپسىزدىگىنە اۋىر دارەجەدە زيان جەتكىزىپ، قوعامعا اۋىر حاۋىپ توندىرگەن. چيۋ xx ۇستالعاننان كەيىن، زاڭدىق جازادان قۇتىلۋعا ارەكەت جاساعان. جۇڭگونىڭ فيليپپيندەگى ەلشىحاناسى كوپ جاقپەن سايكەسۋ ارقىلى، قات - قابات كەدەرگىلەردى جەڭىپ، اقىرى چيۋ xx تى ءساتتى تۇردە ەلىمىزگە قايتارىپ اكەلگەن، ول زاڭ بويىنشا قاتاڭ جازالانادى.

كەلۋ قاينارى: حالىق تورابى