قامسىزداندىرۋعا قاتىناسپاعان جۇمىسشى – قىزمەتكەر جۇمىس ۇستىندە جارالانعانىن تۇراقتاندىرۋدى ءوتىنىش ەتۋىنە بولا ما؟ ادام كۇشى بايلىعى جانە قوعامدىق قامتاماسىزداندىرۋ مينيسترلىگى بىلاي دەپ جاۋاپ قايتاردى 

جۇڭگو اقپارات تورابىنىڭ 9 - ايدىڭ 2 – كۇنى بەرگەن حابارى. قامسىزداندىرۋعا قاتىناسپاعان جۇمىسشى – قىزمەتكەر جۇمىس ۇستىندە جارالانعانىن تۇراقتاندىرۋدى ءوتىنىش ەتۋىنە بولا ما؟ ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ ۋيشين تەكشەسىنىڭ حابارىنا قاراعاندا، 9 - ايدىڭ 2 - كۇنى ادام كۇشى بايلىعى جانە قوعامدىق قامتاماسىزداندىرۋ مينيسترلىگى رەسمي ۋيشين تەكشەسى ارقىلى بىلاي دەدى: جۇمىسشى - قىزمەتكەرلەردى قوعامدىق قامسىزداندىرۋعا قاتىناستىرۋ — ادام ىستەتۋشى ورىننىڭ زاڭدىق مىندەتى. جۇمىس ۇستىندە جارالانۋدان قامسىزداندىرۋ اقىسىن ادام ىستەتۋشى ورىن تاپسىرادى، جۇمىسشى – قىزمەتكەردىڭ ءوزى اقى تولەۋىنىڭ قاجەتى جوق.

قاتىستى بەلگىلەمەلەرگە نەگىزدەلگەندە، قامسىزداندىرۋعا قاتىناسپاعان جۇمىسشى – قىزمەتكەر شىرعالاڭ سەبەبىنەن جارالانعاننان كەيىن دە جۇمىس ۇستىندە جارالانعانىن تۇراقتاندىرۋدى ءوتىنىش ەتە الادى. ەگەر ادام ىستەتۋشى ورىن بەلگىلەمە بويىنشا جۇمىسشى – قىزمەتكەر ءۇشىن جۇمىس ۇستىندە جارالانعانىن تۇراقتاندىرۋعا ءوتىنىش بەرمەسە، جۇمىسشى – قىزمەتكەر نەمەسە ونىڭ جاقىن تۋىستارى، جۇمىسشى ۇيىمى جۇمىس ۇستىندە جارالانعانىن تۇراقتاندىرۋدى وزدىكتەرىنەن ءوتىنىش ەتۋىنە بولادى، جۇمىس ورنى قوسىلا ما، قوسىلماي ما، (قول قويۋ، تاڭبا باسۋ) بۇل ءسوزسىز ورىندايتىن ءتارتىپ ەمەس.

«جۇمىس ۇستىندە جارالانۋدان قامسىزداندىرۋ ەرەجەسىنىڭ» 62 - تارماعىنىڭ 2 - تارماقشاسىندا جۇمىس ۇستىندە جارالانۋدان قامسىزداندىرۋعا قاتىناسۋعا ءتيىستى بولا تۇرا قاتىناسپاعان ادام ىستەتۋشى ورىننىڭ جۇمىسشى – قىزمەتكەرى جۇمىس ۇستىندە جارالانسا، سول ادام ىستەتۋشى ورىن ەرەجەدە بەلگىلەنگەن جۇمىس ۇستىندە جارالانۋدان قامسىزداندىرۋدىڭ نىسان ءتۇرى مەن ولشەمى بويىنشا قاراجات تولەيدى دەپ انىق بەلگىلەنگەن.

كەلۋ قاينارى: حالىق تورابى