”بولاشاقتاعى كاسىپ سالاسىنىڭ جاڭادان گۇلدەنگەن كاسىپ سالاسىمەن، ءداستۇرلى كاسىپ سالاسىمەن ءوزارا ساي كەلۋىن ىلگەرىلەتۋ كەرەك“ (باس شۋجيدىڭ حالىقشىلدىق سۇيىسپەنشىلىگى)

بولاشاقتاعى كاسىپ سالاسى ۇزاق بولاشاقتىق دامۋدىڭ جالپى جاعدايىنا سايادى.

7 - ايدىڭ 30 - كۇنى باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسىن باسقاردى. ءماجىلىس بىلاي دەپ باسا دارىپتەدى: ”وزىق تەحنيكادان قامال الۋدى جانە بولاشاقتاعى كاسىپ سالاسىنىڭ دامۋىن بەلسەنە ىلگەرىلەتىپ، جاڭادان گۇلدەنگەن تىرەكتى كاسىپ سالاسىن كۇش سالا قالىپتاستىرىپ، ءداستۇرلى كاسىپ سالاسىن جاڭالاۋدى، دارەجەسىن جوعارىلاتۋدى ۇزدىكسىز ىلگەرىلەتۋ كەرەك“.

جاڭا داۋىردەن بەرى باس شۋجي شي جينپيڭ مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ىلگەرىلەتۋ ستراتەگيالىق تۇرعىسىنان جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسىنىڭ جالپى اۋقىمىن تەرەڭ يگەرىپ، ”عىلىم - تەحنيكادا جاڭالىق اشۋدى جەتەكشى، ناقتى ەكونوميكانى نەگىز ەتىپ، ءداستۇرلى كاسىپ سالالارىنىڭ تيپىن وزگەرتىپ، دارەجەسىن جوعارىلاتۋدى جاپپاي ىلگەرىلەتۋگە، جاڭادان گۇلدەنگەن كاسىپ سالالارىن بەلسەنە دامىتۋعا، بولاشاق كاسىپ سالالارىن الدىن الا ورنالاستىرۋعا، وسىزاماندانعان كاسىپ سالاسى جۇيەسىن جەدەل قۇرۋعا تاباندى بولۋدى“ باسا دارىپتەپ، ەلىمىز كاسىپ سالاسىنىڭ جوعارى ساپالى دامۋعا جەدەل قادام تاستاۋىنا جەتەكشىلىك ەتتى.

جۇيەلى ورنالاستىرۋدى كۇشەيتىپ، ”دامۋدىڭ ىرىقتىلىق ۇقىعىن مىقتاپ يگەرۋ كەرەك“.

بۇگىنگى دۇنيە جۇزىندە عىلىم - تەحنيكادا جاڭالىق جاراتۋ قارىشتاپ دامىپ، عىلىم - تەحنيكا باسەكەسى كۇن سايىن شيەلەنىسە ءتۇستى، جۇڭگو قايتكەندە ورايدى مىقتى يگەرىپ، ستراتەگيالىق ىرىقتىلىققا قول جەتكىزە الادى؟

باس شۋجي شي جينپيڭ بىلاي دەپ اتاپ كورسەتتى: ”بولاشاقتاعى كاسىپ سالالارىن جەتىلدىرۋ، دامىتۋ ءبىزدىڭ عىلىم - تەحنيكا مەن كاسىپ سالاسىنىڭ بيىك تۇرعىسىن يەلەۋىمىزدە، دامۋدىڭ ىرىقتىلىق ۇقىعىن مىقتى يگەرۋىمىزدە، جاڭاشا وندىرگىش كۇشتەردى دامىتۋىمىزدا، وسىزاماندانعان كاسىپ سالاسى جۇيەسىن قۇرۋىمىزدا، حالىقتىڭ تۇرمىس ساپاسىن جوعارىلاتۋىمىزدا، ادامنىڭ جان - جاقتى دامۋى مەن قوعامنىڭ جان - جاقتى العا باسۋىن جەبەۋىمىزدە ماڭىزدى مانگە يە“.

بەيجيڭ ي - جۋاڭ جاڭا رايونى _ جاڭادان گۇلدەنگەن كاسىپ سالالارىنىڭ، بولاشاق كاسىپ سالالارىنىڭ ”قۇتتى مەكەنى“. بيىل 2 - ايدا باس شۋجي شي جينپيڭ وسى اراعا كەلىپ قىزمەت تەكسەرىپ، ”مەملەكەتىمىزدىڭ كۇشىن شوعىرلاندىرا وتىرىپ ءىرى ىستەر تىندىرۋ ارتىقشىلىعىن تولىق ساۋلەلەندىرىپ، ءتۇرلى ساپالى فاكتورلاردى توپتاپ قامال الۋدى“ قاداعالاپ تاپسىردى.

بيىل 3 - ايدا باس شۋجي شي جينپيڭ مەملەكەتتىك ەكى ماجىلىستە ”ۇيىرمە - گرۋپپالارعا بارعاندا“ بىلاي دەپ باسا دارىپتەدى: ”ءداستۇرلى كاسىپ سالالارىن ساپالىلاندىرۋ، جوعارىلاتۋ، جاڭادان گۇلدەنگەن كاسىپ سالالارىن جەتىلدىرۋ، زورايتۋ، بولاشاق كاسىپ سالالارىن الدىن الا ورنالاستىرۋ جاعىندا جاڭا جاعداي اشۋ كەرەك“.

”15 – بەسجىلدىق“ جوبانىڭ باستاما جىلىندا جەرگىلىكتى ورىندا قىزمەت تەكسەرىپ، دالمە - ءدال تەكسەرۋ - زەرتتەۋ جۇرگىزۋدەن ەكى ماجىلىستەگى ”ۇيىرمە - گرۋپپالاردىڭ“ عىلمي ورنالاستىرىلۋىنا دەيىن، كوپتەگەن ماڭىزدى ورىنداردا ”عىلىم - تەحنيكا مەن كاسىپ سالاسىنىڭ بيىك تۇرعىسىن يەلەۋدىڭ“ ايقىن سيگنالى تاراتىلىپ، ”جۇيەلى ورنالاستىرۋ، جوسپار جاساۋ ارقىلى قيمىلداۋ“ سىندى ستراتەگيالىق ىرىقتىلىق كورنەكتىلەندىرىلدى.

”العاشقى قادامدى“ جاقسى باسىپ، ”ىرىقتىلىق شايقاسىن“ ويداعىداي جۇرگىزىپ، كوپ جىلدىڭ الدىنداعى ”بولاشاققا تۇقىم سەبۋدە“ سۇبەلى تابىستارعا قول جەتتى _

ەنەرگيا ”ىدىسىن“ مىقتى ۇستاپ، فوتوۆولتتىق ەلەكتر گەنەراتور سيىمدىلىعى تاريحي سيپاتتى كومىر ەلەكتردەن اسىپ ءتۇستى؛ جۇڭگونىڭ جاڭا ەنەرگيالى اۆتوكولىكتەرىنىڭ ءوندىرىلۋ، ساتىلۋ مولشەرى ءۇرتىس 11 جىل دۇنيە ءجۇزى بويىنشا ءبىرىنشى ورىندى يەلەدى؛ جاساندى زەردە ۇلكەن مودەلى، ادام ءپىشىندى روبوت سياقتى الدىڭعى لەكتەگى جەتىستىكتەر ۇزدىكسىز جارىققا شىعىپ، كوپتەگەن سالالاردا ”قاتارلاسۋ“، ءتىپتى، ”باستاماشى بولۋ“ جۇزەگە استى...

نەگىزدى بەكەمدەۋدى تەرەڭدەتىپ، ”وسىزاماندانعان كاسىپ سالاسى جۇيەسىن جەدەل قۇرۋ كەرەك“.

وسىزاماندانعان كاسىپ سالاسى جۇيەسى _ وسىزاماندانعان مەملەكەتتىڭ زاتتىق، تەحنيكالىق نەگىزى، مەملەكەتتىڭ جالپىلىق قۋاتىنا، مەملەكەت جوسپارى مەن حالىق تۇرمىسىنا سايادى. جاڭا دامۋ كەزەڭىنە قادام تاستاعاندا، دەربەس، مەڭگەرۋگە بولاتىن، حاۋىپسىز، سەنىمدى، باسەكەلىك قۋاتى كۇشتى وسىزاماندانعان كاسىپ سالاسى جۇيەسىن قالاي قۇرۋ كەرەك؟

2024 - جىلى 11 - ايدا باس شۋجي شي جينپيڭ حۋبەيدە قىزمەت تەكسەرگەندە: ”ءداستۇرلى كاسىپ سالاسىنىڭ تيپىن جاڭالاپ، دارەجەسىن جوعارىلاتۋعا جانە جاڭادان گۇلدەنگەن كاسىپ سالاسىن جەتىلدىرۋگە، زورايتۋعا، بولاشاق كاسىپ سالاسىن قاتار ىلگەرىلەتۋگە تاباندى بولۋ“ دەپ شىنايى ءۇمىت ارتتى.

بيىل 1 - ايدا باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 24 - رەتكى توپتىق ۇيرەنۋىن باسقارعاندا ىشكەرىلەي بىلاي دەپ اتاپ كورسەتتى: ”ءداستۇرلى كاسىپ سالاسىنىڭ نەگىزى مىعىم بولسا، كەلەشەكتەگى كاسىپ سالاسىن، جاڭادان گۇلدەنگەن كاسىپ سالاسىن دامىتۋعا تەبىن قوسادى“.

كورنەكتى ستراتەگيالىق كورەگەندىك جەر - جەردى باياندى ورنالاستىرۋعا كۇش سالۋعا جەتەكتەپ، ”مەملەكەت قۇرۋدىڭ نەگىزىن، مەملەكەتتى قۇدىرەتتەندىرۋدىڭ نەگىزىن“ قادام سايىن بەكەمدەدى:

”كاسىپ سالاسىنىڭ جوعارى دەڭگەيلەنۋىن، زەردەلىلەنۋىن، جاسىلدانۋىن ىلگەرىلەتۋ“، بولات - تەمىر، كەمە جاساۋ سياقتى ءداستۇرلى كاسىپ سالالارى كۇن سايىن تىڭ ومىرشەڭدىك كۇشكە يە بولدى؛ ”بولاشاقتاعى عىلىم - تەحنيكا مەن كاسىپ سالاسىنىڭ دامۋ بيىگى كوزدەلدى“، ”جاڭا 3 ۇلگى“ دۇنيە جۇزىنە ۇزدىكسىز باستاماشى بولىپ، جاساندى زەردە، قۇلتەمىر، بيولوگيالىق ءدارى - دارمەك قارىشتاپ دامىدى.

ءبىر تۇلعادا ورنالاستىرۋ جاساپ، سايكەسە قاتار جۇرگىزىپ، جاڭا، كونە قوزعاۋشى كۇشتەر ءوزارا دەمەپ، جەدەل كۇشەيدى: بيىل الدىڭعى جارتى جىلدا جوعارى دەڭگەيلى جاساۋ، سيفرلى ەكونوميكا، وسى زامانعى قىزمەت وتەۋ سياقتىلارعا ۋاكىلدىك ەتكەن جاڭا قوزعاۋشى كۇشتىڭ ەكونوميانىڭ ارتۋىنا قوسقان ۇلەسى %40 تەن استى، جۇڭگو ”جاڭالىق اشۋ قۋاتى ەڭ تەز جوعارىلاعان ەلدەردىڭ بىرىنە اينالدى“.

ورنىقتىلىق بارىسىندا ىلگەرىلەۋگە تاباندى بولىپ، ”قاجەتتىلىك پەن مۇمكىندىكتى بىرلىككە كەلتىرۋ كەرەك“.

جاڭا باستامادا باس شۋجي شي جينپيڭ بيىكتە تۇرىپ الىستى بولجاپ: ”كاسىپ سالاسىنىڭ سايكەسۋىن كۇشەيتىپ، بولاشاقتاعى كاسىپ سالاسىنىڭ جاڭادان گۇلدەنگەن كاسىپ سالاسىمەن، ءداستۇرلى كاسىپ سالاسىمەن ساي كەلۋىن ىلگەرىلەتۋ كەرەك“ دەدى.

كاسىپ سالاسىن دامىتۋ _ كوپ ساتىلى ايبىندى تۇتاس تۇلعا، ”ءوزارا سايكەستىرۋ“، جەرگىلىكتى جاعدايعا قاراي ىستەۋگە تاباندى بولۋ كەرەك.

بەيجيڭدە ”دۇنيە جۇزىلىك دەڭگەيدەگى عىلىم - تەحنيكادا جاڭالىق اشۋدىڭ قاينار كوزىن اشۋعا“ شابىت بەردى؛ شاڭحايدا ”جاساندى زەردەنى دامىتۋ مەن جونگە سالۋدىڭ ءار جاعىندا الدىڭعى لەكتە جۇرۋگە كۇش سالۋعا“ تىلەك ءبىلدىردى؛ گۋاڭدۇڭدا ”حالىقارالىق باسەكەلىك قۋاتقا يە وسىزاماندانعان كاسىپ سالاسى جۇيەسىن قۇرۋدى“ تالاپ ەتتى... ىقىلاستى تاپسىرما ناقتى ىستەۋدىڭ قوزعاۋشى كۇشىنە اينالدى، جەر - جەر ءوز قابىلەتىن تولىق ساۋلەلەندىرىپ، ءوز ارتىقشىلىقتارىن ايگىلەپ، ابزالدىقتار ارقىلى ءبىرىن - ءبىرى تولىقتاپ، ءبىر - بىرىنە ساي كەلىپ، وڭىرلىك دامۋدىڭ قوزعاۋشى كۇشى نىعايدى.

كاسىپ سالاسى وزگەرىسى ۇزاق ۋاقىت ۇلەس قوسۋ بارىسى، ”ءبىر - بىرىنە ساي كەلۋ“، تاباندىلىق ارقىلى باياندى ىلگەرىلەۋگە ۇمتىلۋ كەرەك.

جاساندى زەردە سىندى وسى ”جاڭا ءىستى“ باس شۋجي شي جينپيڭ ەسىنەن شىعارماي، ەگجەي - تەگجەيلى ورنالاستىردى _

نازاردى كاسىپ سالاسىنا شوعىرلاندىرىپ ىزدەنىس جاساپ، ”شارت - جاعدايى بار جەرلەردىڭ جاساندى زەردەنى زەرتتەۋىنە بولادى، ءبىراق ءالى دە بىرتىندەپ ىلگەرىلەۋ كەرەك“ دەپ ايقىندادى؛ باقىلاۋ - باسقارۋدى، جونگە سالۋدى كوزدەپ، ”جاساندى زەردە سىندى تۇلپاردىڭ ءارى تەز، ءارى ورنىقتى شاپقىلاۋىنا مۇمكىندىك جاساۋدى“ باسا دارىپتەدى؛ تەحنيكادا جاڭالىق اشۋعا باعىتتاي وتىرىپ، ”نەگىزدىك نازاريا، ءادىس، قۇرال سياقتى جاقتاردا تىڭ تابىستارعا قول جەتكىزۋ كەرەك“ دەگەندى العا قويدى...

ناقتى ىستەپ، ىلگەرىلەۋگە تالپىنۋدىڭ ارقاسىندا كاسىپ سالاسى تولىسا ءتۇستى: 2025 - جىلى جاساندى زەردەنىڭ وزەكتى كاسىپ سالاسى كولەمى ءبىر تريلليون 200 ميلليارد يۋاننان استى، ”’جۇڭگونىڭ جاساندى زەردەسى‘ جۇڭگو ۇلگىسىندەگى وسىزامانداندىرۋدىڭ تاعى ءبىر تاماشا تانىسقىسىنا اينالدى“.

عىلمي جوبالاپ، جۇيەلى ورنالاستىرىپ، شىنايى يگەرىپ، ناقتى ىستەدى، ”بولاشاقتاعى كاسىپ سالاسى مەن ءداستۇرلى كاسىپ سالاسى، جاڭادان گۇلدەنگەن كاسىپ سالاسى ءبىرىن - ءبىرى تولىقتاپ، ءبىرىن - ءبىرى جەبەدى“، جۇڭگو اتتى الىپ كەمە ”ەكونوميكالىق دامۋدىڭ جاڭا قوزعاۋشى كۇشىن، جاڭا ابزالدىعىن ۇزدىكسىز سومدادى“.