سىرتقى ىستەر مينيسترلىگى مەن لوس – انجەلەستە تۇراتىن باس كونسۋلحانا ا ق ش – نا بارعان جۇڭگو ازاماتتارىنا اريزونا شتاتىنا بارعاندا ابايلاۋدى ەسكەرتتى 

ورتالىق تەلەۆيزيا تورابىنىڭ حابارى: لوس – انجەلەستە تۇراتىن باس كونسۋلحانانىڭ ۋيشين الەۋمەتتىك ءنومىرىنىڭ حابارىنا قاراعاندا، اريزونا شتاتىنداعى كورىنىس رايوندارىنىڭ كوبى شەتكەرى، شالعاي وڭىرلەرگە ورنالاسقان، جول بويى ءشول دالا، قۇز قيا سياقتى كۇردەلى جول بولىكتەرىنەن وتۋگە تۋرا كەلەدى، ەگەر شۇعىل جاعداي تۋىلسا، قۇتقارۋ قىزمەتكەرلەرىنىڭ دەر كەزىندە جەتىپ كەلۋى قيىن بولۋى مۇمكىن. جۋىرداعى جىلداردان بەرى، اريزونا شتاتىنداعى جولداردا اۋىر قاتىناس شىرعالاڭدارى تالاي رەت تۋىلىپ، اۋىر ءولىم – ءجىتىم جانە جارالانۋ جاعدايى تۋىلدى. مۇنان سىرت، اتالعان شتاتتا ءار جىلى جارتى جىلدان استام ۋاقىت بويى اۋا رايى قاپىرىق ىستىق بولىپ، دەنەنىڭ سۋسىزدانۋى، كۇن ءوتۋ سياقتى اۋرۋلارعا وڭاي شالدىقتىرادى ءارى كولىكتەردىڭ بۇزىلۋى مەن تاس جولداعى قاتىناس شىرعالاڭى حاۋىپ - قاتەرىن كورنەكتى ارتتىرادى. سىرتقى ىستەر مينيسترلىگى مەن لوس – انجەلەستە تۇراتىن باس كونسۋلحانا ا ق ش – نا باراتىن جۇڭگو ازاماتتارىنا اريزونا شتاتىنا ساياحاتتاي بارعاندا اباي بولۋدى ەسكەرتتى. ەگەر تۇتقيىل جاعداي تۋىلسا، دەر كەزىندە 911 نومىرىنە تەلەفون سوعىپ ساقشىعا مالىمدەڭىز (جۇڭگو تىلىندە قىزمەت وتەۋدى تالاپ ەتۋگە بولادى).

جۋىردا اريزونا شتاتىندا جۇڭگو ۇلى قۇرلىعىنا قاراستى كاسىپورىندارعا ساياتىن ساۋدا – ەكونوميكا، قارجى قوسۋ ورتاسى ناشارلاپ، قاتىستى كاسىپورىندار اۋىر زيان تارتتى، جۇڭگو كاسىپورىندارىنىڭ اتالعان شتاتتىڭ ساۋدا جاساۋ جانە قارجى قوسۋ ورتاسىنا سارالاۋ جۇرگىزۋدى كۇشەيتىپ، وسى شتاتقا بارىپ ساۋدا جاساعاندا، قارجى قوسقاندا ابايلاۋدى ەسكەرتتى.

كەلۋ قاينارى: حالىق تورابى