2026.10.10 15:54 كەلۋ قاينارى : حالىق تورابى
گازەتىمىزدىڭ 10 - ايدىڭ 9 - كۇنى بەيجيڭنەن بەرگەن حابارى (ءتىلشى ديڭ ياسۇڭ) وقۋ - اعارتۋ مينيسترلىگى كەڭسە مەڭگەرمەسى، قازىنا مينيسترلىگى كەڭسە مەڭگەرمەسى جۋىردا «2026 - جىلعى ”ءۇش رايوندى“ دارىندىلار ارقىلى قولداۋ جوسپارىنىڭ وقىتۋشىلارعا باعىتتالعان ارناۋلى جوسپارىن اتقارۋعا قاتىستى قىزمەتتى ويداعىداي ىستەۋ جونىندەگى ۇقتىرۋدى» بىرگە باسىپ تاراتىپ، 2026 — 2027 وقۋ جىلىنداعى ”ءۇش رايوندى“ دارىندىلار ارقىلى قولداۋ جوسپارىنىڭ وقىتۋشىلارعا باعىتتالعان ارناۋلى جوسپارى نەگىزىنەن كەدەيلىكتەن ارىلعان وڭىرلەرگە باعىتتالىپ اتقارىلاتىنىن، اۋىل - قىستاقتى گۇلدەندىرۋدەگى مەملەكەتتىك ءتۇيىندى سۇيەمەلدەنەتىن اۋداندارعا، ۇلتتىق اۋداندارعا، بايىرعى توڭكەرىستىك رايوندارعا، شەكاراداعى اۋداندارعا جانە باسقا دا وڭىرلەرگە بەيىمدەلىپ، 11356 وقىتۋشى جىبەرۋ جوسپارلانعانىن ايقىن تۇراقتاندىرعان. جەر - جەردەن سول وڭىردەگى وقۋ جاسىنداعى حالىق سانىنىڭ وزگەرۋ اۋقىمىنا جان - جاقتى تالداۋ جاساپ، ولكە كولەمىندەگى سان ءبولىسىن ساپالىلاندىرىپ، اۋدان اتتاپ، ايماق - قالا اتتاپ تاڭداپ جىبەرۋ تەبىنىن ارتتىرىپ، ساپالى بايلىق قاينارىن تولىق جۇمىلدىرىپ، ءتۇيىندى وڭىرلەرگە قولداۋ كورسەتۋ تەبىنىن كۇشەيتۋ تالاپ ەتىلدى.
تاڭداپ جىبەرۋگە قويىلاتىن تالاپتار جاعىندا، پرينسيپتىك جاقتان ورتا جانە ودان جوعارى كاسىپتىك - تەحنيكالىق قىزمەت دارەجەسى بار تىرەكتىك وقىتۋشىلاردى جىبەرۋ قاجەت، بالالار باقشالارىنا جىبەرىلەتىن وقىتۋشىلارعا قويىلاتىن شارتتاردى لايىقتى تۇردە كەڭەيتۋگە بولادى، مەكتەپ باسقارۋشى قىزمەتكەرلەردىڭ ۇيىمداستىرۋ - باسشىلىق ەتۋ قابىلەتى ءبىرشاما كۇشتى بولۋى ءارى مەكتەپ باسقارۋ تاجىريبەسى مول بولۋى كەرەك. كومەككە يە بولعان جەرلەرگە تولىق كۇندىك جۇمىس فورماسىندا قىزمەت وتەلەدى، مەرزىمى ءبىر جىل بولادى، وقىتۋشىلاردى كومەككە بارۋ ۋاقىتىن ۇزارتۋعا نەمەسە سول جەردە قالىپ جۇمىس ىستەۋگە شابىتتاندىرادى.
ۇقتىرۋدا ساياسات پەن قاراجات جاعىنان قامتاماسىزداندىرۋدى كەمەلدەندىرىپ، كومەككە بارعان وقىتۋشىلاردىڭ ۇقىق - مۇددەسىن شىنايى قورعاۋ كەرەكتىگى باسا دارىپتەلدى. كومەككە يە بولعان اۋدانداردىڭ مىندەتتى وقۋ - اعارتۋ كەزەڭىندەگى وقىتۋشىلاردى تاڭداپ جىبەرۋ قىزمەتىنە ارنالعان قاراجاتىن ورتالىق قازىنا مەن جەرگىلىكتى قازىنا كىسى باسىنا جىلىنا 20 مىڭ يۋاندىق ولشەم بويىنشا بىرلەسىپ كوتەرەدى.
كەلۋ قاينارى: حالىق تورابى