شينجياڭدا 3 – رەتكى جالپىلىق عىلىمي تەكسەرۋ جۇرگىزۋ ناتيجەسى جاريالاندى

ورتالىق تەلەۆيزيا تورابىنىڭ حابارى (مەملەكەتتىك، حالىقارالىق حابارلار). شينجياڭدا جۇرگىزىلگەن 3 - رەتكى جالپىلىق عىلىمي تەكسەرۋ ناتيجەسى 10 – ايدىڭ 10 – كۇنى ۇرىمجىدە جاريالاندى. وسى رەتكى عىلىمي تەكسەرۋ بارىسىندا شينجياڭدا سۋ بايلىعى، ەكولوگيالىق ورتا، توپىراق جانە اۋىل شارۋاشىلىعى، ورگانيزمدەردىڭ الۋان تۇرلىلىگى جانە ورگانيزم بايلىعى قاتارلى سالالاردا جالپىلىق تەكسەرۋ – زەرتتەۋ جۇرگىزىلگەن. ەڭ جاڭا ناتيجەلەرگە قاراعاندا، شينجياڭدا سۋ بايلىعى مولشەرى ۇزدىكسىز ارتقان، جۋىرداعى 30 جىلدان بەرى وزەندەردىڭ جىلدىق ورتاشا اعىن مولشەرى وسىدان بۇرىنعى 40 جىلداعىمەن سالىستىرعاندا شامامەن 10 ميلليارد تەكشە مەتر ارتقان، كولدەر مەن سازداردىڭ كولەمى بۇرىنعىسىنىڭ ۇشتەن بىرىنە جۋىق كەڭەيگەن. وسى رەت عىلىمي تەكسەرۋ بارىسىندا تارىم ويپاتىندا 22 ميلليون مۋدان استام جەردە سەلەنگە باي توپىراقتى بەلدەۋ انىقتالعان، 33 جاڭا ورگانيزم بايقالعان، جۇڭگودا نەمەسە شينجياڭدا جاڭادان تىزىمگە الىنعان ورگانيزمدەردەن 243 ورگانيزم قوسىلعان، تۇرپان – قۇمىل ويپاتىندا 77 ميلليارد 500 ميلليون توننا مول مۇناي – كومىر زاپاسى بار ەكەنى انىقتالىپ، ءوڭىردىڭ باياندى دامۋىنا عىلىمي باعدار كورسەتكەن.

شينجياڭدا 3 – رەتكى جالپىلىق عىلىمي تەكسەرۋ جۇرگىزۋ قىزمەتى 2021 – جىلى باستالعان، بۇكىل ەلىمىزدەگى 46 عىلىمي زەرتتەۋ ورنى شوعىرلاندىرىلعان، عىلىمي تەكسەرۋ اترەتىنە جيىنى 6000 نان استام ادام (رەت) قاتىناسقان.

كەلۋ قاينارى: حالىق تورابى