2026.10.12 15:37 كەلۋ قاينارى : حالىق تورابى
جۇڭگو جۇمىسشىلار گازەتىنىڭ ءتىلشىسى جوۋ ي حابارلايدى. قازىر جوعارى مەكتەپ بىتىرگەن وقۋشىلار قىزمەتكە شىعا باستادى، سونىمەن بىرگە دەربەس شارۋاشىلىق قۇرۋ جولىن تاڭداعاندار دا از ەمەس. ءتىلشىنىڭ جۋىردا باجى ىستەرى تاراۋلارىنان ۇعىسۋىنشا، جۋىردا جوعارى مەكتەپ بىتىرگەن وقۋشىلاردىڭ شارۋاشىلىق قۇرۋىنا باعىتتالعان باجى تاپسىرۋ جاعىنداعى ءتيىمدى ساياساتتار تۋرالى كەڭەس سۇراۋ مولشەرى كورنەكتى ارتقان.
ۇعىسۋعا قاراعاندا، قازىر اتقارىلىپ وتىرعان ساياسات بويىنشا، جوعارى مەكتەپتەن وقۋ بىتىرگەندەر دەربەس شارۋاشىلىق قۇرسا، جەكە ونەركاسىپشىلەر مەن ساۋداگەرلەردى تىزىمگە الۋدى ورىنداعان سوڭ ءارى بەلگىلەمە بويىنشا «جۇمىستانۋ – شارۋاشىلىق قۇرۋ كۋالىگىن» بىتىرگەن سوڭ، باجى تاپسىرۋدى ءوتىنىش ەتكەن كەزدە سايكەستى باجى جاعىنداعى تيىمدىلىكتەردەن يگىلىكتەنە الادى. قازىنا مينيسترلىگى، باجى ىستەرى باس مەڭگەرمەسى قاتارلى تاراۋلار بىرگە ورتاعا قويعان «ءتۇيىندى توپتاردىڭ شارۋاشىلىق قۇرۋىنا، جۇمىستانۋىنا اناعۇرلىم قولداۋ كورسەتۋگە قاتىستى باجى ىستەرى ساياساتى تۋرالى ۇقتىرۋعا» (تومەندە قىسقارتىلىپ «ۇقتىرۋ» دەلىنەدى) نەگىزدەلگەندە، 2023 – جىلى 1 – ايدىڭ 1 – كۇنىنەن 2027 – جىلى 12 – ايدىڭ 31 – كۇنىنە دەيىن، «جۇمىستانۋ، شارۋاشىلىق قۇرۋ كۋالىگىن» العان وقۋ ءبىتىرۋ جىلى كولەمىندە جوعارى مەكتەپتەن وقۋ تاۋىسقاندار جەكە تيجاراتپەن شۇعىلدانعان جاعدايدا، جەكە ونەركاسىپشىلەر مەن ساۋداگەرلەردى تىزىمگە الۋ ءتارتىبىن ورىنداعان ايدان باستاپ، 3 جىل (36 اي) ىشىندە ءاربىر تيجاراتشىعا جىلىنا 20 مىڭ يۋان شەكتى سوما ولشەمى بويىنشا، سول جىلى ءىس جۇزىندە تاپسىرۋعا ءتيىستى ارتقان قۇن باجىسى، قالا قۇرىلىسىن كۇتىمدەۋ باجىسى، وقۋ – اعارتۋ قوسىمشا قاراجاتى، جەرگىلىكتى وقۋ – اعارتۋ قوسىمشا قاراجاتى جانە جەكەلەردىڭ تابىس باجىسى رەت - رەتىمەن كۇشىنەن قالدىرىلادى. شەكتى سوماداعى ولشەمدى ەڭ جوعارى بولعاندا %20 كە دەيىن جوعارىلاتۋعا بولادى.
كەلۋ قاينارى: حالىق تورابى