جۇڭگو اۋرۋدان ساقتانۋ – تىزگىندەۋ ورتالىعى: جۋىردا ەلىمىزدە جۇقپالى تۇماۋدىڭ تارالۋ مولشەرىندە تومەندەۋ بەتالىسى بايقالدى، مۇرىن ۆيرۋسىن تەكسەرۋدىڭ بولىمدىلىق مولشەرى باستى ورىنعا شىقتى 

جۇڭگو اۋرۋدان ساقتانۋ جانە ونى تىزگىندەۋ ورتالىعى جاريالاعان مەملەكەت بويىنشا تىنىس جولى شۇعىل جۇقپالى اۋرۋلارىن باقىلاۋ – تەكسەرۋ كۇزەت تۇيىندەرىنىڭ ەڭ جاڭا ساندى مالىمەتىنە قاراعاندا، جۋىردا ەلىمىز بويىنشا جۇقپالى تۇماۋ اۋرۋىنىڭ تارالۋ مولشەرىندە تومەندەۋ بەتالىسى بايقالعان، الايدا، مۇرىن ۆيرۋسىن تەكسەرۋ ناتيجەسىنىڭ بولىمدىلىق مولشەرى جوعارى دەڭگەيدە تولقۋلى كۇيدە بولىپ، امبۋلاتوريادا ەمدەلگەن ناۋقاستار مەن ەمحاناعا جاتقان ناۋقاستار اراسىندا تۇگەلدەي ءبىرىنشى ورىنعا كوتەرىلگەن.

وسى جونىندە بەيجيڭ يوۋ - ان ەمحاناسى جۇقپالى اۋرۋلار جالپىلىق ءبولىمنىڭ مەڭگەرۋشى شيپاگەرى لي تۇڭزىڭ بىلاي دەدى: مۇرىن ۆيرۋسى — جاي تۇماۋدى تۋدىراتىن باستى اۋرۋ قوزدىرعىش، %50 تەن استام جاي تۇماۋدى مۇرىن ۆيرۋسى تۋدىرادى. سالاماتتى ادامدار مۇرىن ۆيرۋسىمەن جۇعىمدالعان جاعدايدا، ادەتتە اۋرۋ بەلگىلەرى ءبىرشاما جەڭىل بولادى، جۇرتشىلىقتىڭ الاڭداۋىنىڭ قاجەتى جوق، الايدا، ويداعىداي ساقتانۋ كەرەك.

جۇڭگو اۋرۋدان ساقتانۋ – تىزگىندەۋ ورتالىعىنىڭ باقىلاۋ – تەكسەرۋ ساندى مالىمەتىنە قاراعاندا، جۋىردا بۇكىل ەلىمىزدەگى كۇزەت نۇكتەسى بولعان ەمحانالاردىڭ امبۋلاتوريالىق ەمدەۋ جانە شۇعىل ەمدەۋ بولىمدەرىندە جۇقپالى تۇماۋ تەكتەس اۋرۋعا شالدىققان ناۋقاستار اراسىندا، تىنىس جولى اۋرۋلارىنا ساياتىن ۇلگىلەردى تەكسەرۋ ناتيجەسىنىڭ بولىمدىلىق مولشەرى بويىنشا الدىڭعى ءۇش ورىندا تۇرعان اۋرۋ قوزدىرعىشتار مۇرىن ۆيرۋسى، جۇقپالى تۇماۋ ۆيرۋسى، جاڭا تيپتى ايدارشا ۆيرۋس بولعان؛ بالنيتساعا جاتقان اۋىر دارەجەدەگى شۇعىل تىنىس جولى قابىنۋىنا شالدىققان ناۋقاستار اراسىندا دا مۇرىن ۆيرۋسى ەڭ باستى ورىندا بولعان، ونان كەيىنگى ورىندا ادامدا بولاتىن وكپەگە بايلانىستى ۆيرۋس جانە جۇقپالى تۇماۋ ۆيرۋسى بولعان.

كەلۋ قاينارى: حالىق تورابى