جىڭ چينۋىن جۇڭگو تور دوپ اشىق جارىسىندا ايەلدەر جەكە ءتۇرى بويىنشا تۇڭعىش رەت ەلىمىزدەن شىققان اعا جۇلدەگەر بولدى 

ەندى عانا اياقتاعان 2026 – جىلعى جۇڭگو تور دوپ اشىق جارىسى ايەلدەر جەكەلىك جارىسىنىڭ شەشۋشى جارىسىندا، جۇڭگولىق سپورتشى جىڭ چينۋىن فرانسيا تور دوپ اشىق جارىسىنىڭ جەڭىمپازى، رەسەيلىك ايگىلى سپورتشى اندرەيەۆانى 2:0 ۇپايمەن جەڭىپ شىقتى. ول جۇڭگو تور دوپ اشىق جارىسى وتكىزىلگەننەن بەرگى 20 كەزەكتى جارىس بارىسىندا ايەلدەر جەكەلىك ءتۇرى بويىنشا تۇڭعىش رەت جۇڭگودان شىققان اعا جۇلدەگەر بولدى، سونىمەن بىرگە بۇل ونىڭ كاسىپتىك ومىرىندە ايەل تور دوپ شەبەرلەرى بىرلەستىگىنىڭ (WTA) تىزىمىندەگى 1000 نومىرلىك دارەجەگى جارىستا تۇڭعىش رەت اعا جۇلدەگەر بولۋى.

بيىل جىڭ چينۋىننىڭ جۇڭگو تور دوپ سپورت جارىسىنا قاتىناسقان ءتورتىنشى جىلى. وسىنىڭ الدىندا ونىڭ اتالعان جارىستا قول جەتكىزگەن ەڭ جاقسى ناتيجەسى — 2024 – جىلى ءتورت مىقتىنىڭ قاتارىنا كىرۋى.

سۋرەتتە: جىڭ چينۋىن وسى رەتكى جۇڭگو تور دوپ جارىسىندا. سۋرەتتى شينحۋا اگەنتتىگىنىڭ ءتىلشىسى جاڭ چىنلين تۇسىرگەن

كەلۋ قاينارى: حالىق تورابى