ورتالىق كوميتەتتىڭ ساياسي – زاڭ كوميتەتى ەت ونىمدەرى مەن مەكتەپ اۋلاسىنداعى ازىق – تۇلىككە قاتىستى قۇجات جاريالادى! بۇل ارەكەتتەر قاتاڭ تەكسەرىلىپ ءبىرجاقتى ەتىلەدى 

قازىر ەلىمىزدە ازىق – تۇلىك حاۋىپسىزدىگى جاعدايى ورنىقتىلىق بارىسىندا ۇزدىكسىز جاقسارۋدا، سونىمەن بىرگە كەيبىر جاڭا جاعدايلار، جاڭا ماسەلەلەر دە بايقالۋدا، وتە – موتە جۋىردا تۋىلعان ”شىتىرشىقتى فورمالدەگيدگە شىلاۋ“، ”زياندى جاندىكتەردى جويۋ دارىسىمەن ديزەنفەكسيالاۋ“، ”بۇلدىرگەندى ءدارى سۋىنا شىلاۋ“ سياقتى ازىق – تۇلىك حاۋىپسىزدىگىنىڭ ەڭ تومەنگى شەگىنە اۋىر دارەجەدە قاتەر توندىرگەن وقيعالارعا قوعامداعىلار كەڭ كولەمدى نازار اۋداردى. بارشا حالىق بۇقاراسىنىڭ ازىق - تۇلىك حاۋىپسىزدىگىنە كەپىلدىك ەتۋ ءۇشىن، جۋىردا ورتالىق كوميتەتتىڭ ساياسي - زاڭ كوميتەتى «ازىق – تۇلىك حاۋىپسىزدىگىنە زيان جەتكىزەتىن زاڭعا قايشى قىلمىستىق ارەكەتتەردى زاڭ بويىنشا قاتاڭ تەكسەرىپ ءبىرجاقتى ەتۋ جونىندەگى پىكىردى» باسىپ تاراتىپ، ساياسي - زاڭ ورگاندارىنان ازىق – تۇلىك حاۋىپسىزدىگىنە زيان جەتكىزەتىن زاڭعا قايشى قىلمىستىق ارەكەتتەردى زاڭ بويىنشا قاتاڭ تەكسەرىپ ءبىرجاقتى ەتۋدى تالاپ ەتتى.

«پىكىردە» ساياسي – زاڭ ورگاندارىنىڭ ازىق – تۇلىك حاۋىپسىزدىگىنە زيان جەتكىزەتىن زاڭعا قايشى قىلمىستىق ارەكەتتەردى زاڭ بويىنشا قاتاڭ تەكسەرىپ ءبىرجاقتى ەتۋىن توڭىرەكتەي وتىرىپ، ءۇش جاقتان تالاپ قويىلدى.

• بىرىنشىدەن، سوققى بەرۋدەگى كورنەكتى تۇيىندەر. قوعامداعىلار ايرىقشا كوڭىل ءبولىپ وتىرعان ەت ونىمدەرى، مەكتەپ اۋلاسىنداعى ازىق – تۇلىك، قۋاتتىق ازىق – تۇلىك، كوكونىس جانە جەمىس – جيدەك قاتارلى ءتۇيىندى سالالارعا، ءوندىرۋ مەن مانەرلەۋ، ينتەرنەت ارقىلى ساتۋ، سوڭعى تۇيىندەگى اس – سۋ كاسىبى، ازىق – تۇلىكتى يمپورت ەتۋ قاتارلى ءتۇيىندى بۋىندارعا نازاردى شوعىرلاندىرىپ، دەلولاردىڭ دەرەگىن ىشكەرىلەي تەكسەرىپ، زاڭعا قايشى قىلمىستى ەلەمەنتتەردى قاتاڭ جازالاپ، زاڭ بويىنشا قاتاڭ جازالاۋ سىندى كۇشتى سيگنالدى ايگىلەۋ.

• ەكىنشىدەن، زاڭ بويىنشا قاتاڭ جازالاۋعا تاباندى بولۋ. تەكسەرۋ، قولعا الۋ، ايىپتاما شىعارۋ، سوت جۇرگىزۋ، جازانى اتقارۋ قاتارلى تۇتاس بارىستاعى قىلمىستىق ىستەر ارىز – شاعىمىنىڭ ءارقايسى باسقىشتارى جونىندە زاڭ بويىنشا قاتاڭ تالاپ قويىلادى، جازانى كەشەۋىلدەتىلىپ اتقارۋ، قىلمىستىق ىستەر جازاسىنان كەشىرىم ەتۋ شارالارىن قولدانۋدى زاڭ بويىنشا قاتاڭ مەڭگەرۋ، سيپاتى اۋىر، ىقپالى ناشار بولعان دەلولاردا قىلمىس وتكىزگەندەردى زاڭ بويىنشا اۋىر جازالاۋ تالاپ ەتىلەدى.

• ۇشىنشىدەن، قۋزاۋ – جەتەكشىلىك ەتۋدى كۇشەيتۋ. ازىق – تۇلىك حاۋىپسىزدىگىنە ساياتىن كەلەلى، كۇردەلى دە قيىن دەلولاردى تەكسەرۋگە ءبىر – بىرلەپ قۋزاۋ سالۋ، ۇقساس تۇردەگى دەلولاردى بىتىرۋگە جەتەكشىلىك ەتۋ قاتارلى فورمالار ارقىلى قۋزاۋ – جەتەكشىلىك ەتۋ تەبىنىن ارتتىرىپ، دەلو ءبىتىرۋ ساپاسى مەن ونىمدىلىگىن جوعارىلاتادى.

(باس ستانسيا ورتالىق تەلەۆيزياسىنىڭ ءتىلشىسى جي چىڭحاي)

كەلۋ قاينارى: حالىق تورابى