بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>مادەنيەت

شينجياڭ تەلەۆيزياسى كورەرمەندەرمەن كەڭەس وتكىزدى

2012.12.12 08:52     كەلۋ قاينارى : ءتاڭىرتاۋ تورابى


  7-جەلتوقسان شينجياڭ تەلەۆيزياسىنىڭ قازاقشا ارنالارى تەلە باعدارلامالارىن قالاي ساپالاندىرۋ، قايتكەندە حالىق كوڭىلىنەن شىعاتىن باعدارلامالار تاراتۋ جانە حالىقتىڭ تەلە باعدارلامالارىنا دەگەن ىقىلاسىن، قاجەتىن باعامداۋ ماقساتىندا كورەرمەندەرىمەن كەلەلى كەڭەس وتكىزدى.

  تالقى جيىنعا اۆتونوميالى رايوندىق ۇگىت ءبولىمىنىڭ ورىنباسار باستىعى مامىت تويمىل ۇلى، شينجياڭ راديو-كينو-تەلەۆيزيا مەكەمەسىنىڭ ورىنباسار باستىعى ءالعازى بەكقۇرمان ۇلى قاتارلى باسشىلار جانە ىلە، تارباعاتاي، التاي، موري، باركول سىندى ايماق - اۋدانداردان كەلگەن نەگىزگى ساتى ۋاكىلدەرى، سونداي-اق، ۇرىمجىدەگى ءار سالا، ءار كاسىپتىڭ ۋاكىلدەرى قاتىناستى.

  تالقى جيىنىندا شينجياڭ تەلەۆيزياسى پارتكومنىڭ ورىنباسار شۋجيى لي يۇيشين شينجياڭ تەلەۆيزياسى قازاق ءتىلى ارناسىنىڭ جالپى جاعدايى، ەرەكشەلىكتەرى، باعدارلامالارى تۋرالى توقتالىپ، 27 جىلدان بەرى قول جەتكىزگەن تابىستارىن اتاپ ءوتتى.

  اۆتونوميالى رايوندىق ۇگىت ءبولىمىنىڭ ورىنباسار باستىعى مامىت تويمىل ۇلى ماڭىزدى ءسوز سويلەپ، قازاق تىلىندەگى تەلەۆيزيا باعدارلامالارىن ساپالاندىرۋ ءۇشىن مىناداي ءۇش ءتۇرلى تالاپتى ورتاعا قويدى: بىرىنشىدەن، تەلە قىزمەتكەرلەرى ۋنيۆەرسال ساپاسىن جوعارىلاتۋى، جان-جاقتىلى بىلىمدەر ۇيرەنۋى؛ ەكىنشىدەن، تەلە قىزمەتكەرلەرى وسىزامانعى مادەنيەتتى جەتەكشى ەتۋى، وسىزامانعى ويلاۋ ءتاسىلىن، وسىزامانعى تۇرمىس ءتاسىلىن يگەرىپ، وسىزامانعى عىلىم-تەحنيكا تەتىگىن يگەرىپ، جاڭالىق جاراتۋعا شەبەر بولۋى؛ ۇشىنشىدەن، ۇلت مادەنيەتىن قورعاۋ، دامىتۋ، وزگە ۇلتقا تانىتۋ - قازاق تىلىندەگى باعدارلامالاردىڭ ماڭىزدى ءتۇيىنى بولۋى كەرەك.

  مامىت تويمىل ۇلى تەلەۆيزيا باعدارلامارىندا كەزىگىپ وتىرعان كەمشىلىك جانە قاتەلىكتەرگە توقتالىپ، حابار اۋدارماسىندا، ديكتورلاردا ساقتالعان ماسەلەلەردى ناقتى مىسالدارمەن كورسەتىپ بەردى.

  شينجياڭ تەلەۆيزياسىنىڭ ورىنباسار باستىعى قانات ەرەجەپ ۇلى تۇستەن بۇرىنعى جينالىستى باسقاردى ءارى تەلەۆيزيانىڭ قۇرىلىمى، قازاق تىلىندەگى باعدارلامالار، اۋدارما كينو- تەلە فيلىمدەر تۋرالى جينالعان كوپكە تۇسىنىك بەردى.

  كەڭەسكە قاتىناسقان كورەرمەندەر، نەگىزگى ساتى ۋاكىلدەرى رەتىمەن ءسوز الىپ، كوكەيدەگى پىكىرلەرىن ورتاعا قويدى. مۇندا كەيبىر ايدارلاردا، جۇرگىزۋشى-ديكتورلاردا ساقتالعان كەمشىلىك-قاتەلىكتەر، باعدارلاماعا بولعان جاۋاپكەرسىزدىك، ات ءۇستى قاراۋشىلىق اشىق ايتىلىپ، كورىلىمگە ىقپال ەتەتىن فاكتورلاردىڭ ءبىرى بولعان تولاسسىز جارنامالار، جارناماداعى ءتىلدىڭ انايىلىعى، جارنامالانعان ءونىمنىڭ ساپاسىزدىعى سىندالدى. جارنامادا ايدس اۋرۋىنا قارسى تۇرۋ سىندى الەۋمەتتىك يگىلىك سيپاتتى مازمۇندار كوپتەپ بەرىلسە، ۇلتتىق ونىمدەر جارناماسى كوبەيسە دەگەن ۇسىنىستار ايتىلدى.

  سۇحباتتا تەك ونەرپازدار، اقىن-جازۋشىلار عانا ەمەس، ءار سالا، ءار كاسىپتىڭ ماماندارى تۇگەل قامتىلسا، جەرگىلىكتى حابارلاردى تەڭگەرىپ بەرسە، ايدارلارداعى مازمۇن قايتالانباسا، ماسەلەن، «اۋىل اياسى» مەن «شالقار» ايدارى مازمۇن جاقتان ۇقساپ كەتەدى، بۇل ەكەۋىن قوسىپ، ءبىر ايدار ەتىپ جاساسا، «دەنساۋلىق-زور بايلىق»ايدارى اشىلسا، «زاڭ جانە ءمورال» ايدارىندا ءمورالدى زاڭنان جوعارى قويسا، قازاقتىڭ ىرىمدارى مەن تيىمدارى دا وسى ايدار مازمۇنىنا قوسىلسا، بالالار ايدارى ايىرىم ءبىر ارنادا بەرىلىپ، بالالاردىڭ انا ءتىلىن ۇيرەنۋىنە تۇرتكىلىك رول وينايتىن بولسا، بۇل ايداردا بالالارعا اڭىز-ەرتەگى ايتىپ بەرسە دەگەن تالاپتار ورتاعا قويىلدى جانە اقىندار ايتىسىن بەرگەندە ءبىر كەزەكتى ايتىستان ەڭ تاڭدامالى بىرنەشە ايتىس، نەمەسە، 1- ،2 -دارەجەلى سيلىققا يە بولعان ايتىس عانا تاڭداپ بەرىلسە، «جولاۋشى» ايدارىندا بەرسە دە بەرمەسە دە بولاتىن كەيبىر ايتىستار الىنىپ تاستالىپ، ونىڭ ورنىنا تانىستىرىلاتىن جەر اتىنىڭ شىعۋ تەگى، ءمانى جايلى مالىمەتتەر قوسىلسا. «شاراپات» ايدارى ەكى مازمۇندى 30 مينۋتقا تىقپالاماي، ءبىر قيمىل مازمۇنىن تولىق، جان-جاقتىلى جەتكىزسە، تەلە باعدارلامالارىندا مالدى قالاي عىلمي باعۋ، ەگىندى قالاي عىلمي ەگۋ تۋرالى بىلىمدەر مولىنان بەرىلسە، تۇرمىستىق بىلىمدەر مولىنان قامتىلسا دەگەن ۇسىنىس- تىلەكتەر ايتىلدى.

  «كەڭەسپەن پىشكەن تون كەلتە بولماس» دەگەندەي، كورەرمەندەردىڭ ىستىق ىقىلاستى پىكىرىن مۇقيات تىڭداعان تەلەۆيزيا باسشىلارى مەن قىزمەتكەرلەرىنىڭ بۇدان كەيىنگى قىزمەتكە بولعان جاۋاپكەرشىلىكتەرى ارتا ءتۇسىپ، ءتىپتى دە جاقسى باعدارلاما جاراتۋعا ۇمتىلاتىن سەنىمدەرىن نىعايدى.
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.