توكيو وليمپيادا سپورت جارىسىنىڭ قاسيەتتى الاۋى گرەتسيادا تۇتاندىرىلدى

2020.03.13 16:36   كەلۋ قاينارى : حالىق تورابى

　　شينحۋا اگەنتتىگى، 3 - ايدىڭ 12 – كۇنى، گرەتسيانىڭ بايىرعى وليمپيادا جۇرتى (تىلشىلەر يۇي شۋايشۋاي، لي شياۋپىڭ). توكيو وليمپيادا سپورت جارىسىنىڭ قاسيەتتى الاۋى 3 - ايدىڭ 12 - كۇنى وليمپيادا سپورت جارىسىنىڭ باستالعان جەرى − گرەتسيا بەروپوننيسا تۇبەگىندەگى بايىرعى وليمپيادا جۇرتىندا تۇتاندىرىلدى، الاۋ ىلە - شالا گرەتسيا تەريتورياسىندا جەتكىزىلە باستادى.

　　جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا ۇشىراعاندىقتان، وسى رەتكى قاسيەتتى وتتى تۇتاندىرۋ سالتىندا ناق مايدان كورەرمەندەرى بولمادى، حالىقارالىق وليمپيادا كوميتەتى مەن توكيو وليمپيا جارىسىن ۇيىمداستىرۋ كوميتەتىندەگى 100 ادامعا عانا اشىق ۇستالدى ءارى ناق مايدانداعى اقپارات دانەكەلەرى قىزمەتكەرلەرىنىڭ سانى قاتاڭ تەجەلدى.

　　گرەتسيانىڭ پرەزيدەنتى پروكوپيس پاۆلوپروس، حالىقارالىق وليمپيادا كوميتەتىنىڭ ءتوراعاسى توماس باح، توكيو وليمپيادا سپورت جارىسىن ۇيىمداستىرۋ كوميسسياسى ءتوراعاسىنىڭ ەرەكشە ۋاكىلى توشياكي ەندو، گرەتسيا وليمپيادا كوميتەتىنىڭ ءتوراعاسى سپيروس كاپۋلوس، بايىرعى وليمپيادا قالاسىنىڭ باستىعى جورج پروس قاتارلىلار قاسيەتتى الاۋدى تۇتاندىرۋ سالتىنا قاتىناستى.

　　كەلۋ قاينارى: حالىق تورابى