- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەت ءتوراعاسى شي جينپيڭ 2016 – جاڭا جىلدى قۇتتىقتاۋ ءسوزىن جاريالادى
2016.01.04 16:25 كەلۋ قاينارى : حالىق تورابى
شينحۋا اگەنتتىگى، 31 – جەلتوقسان، بەيجيڭ. جاڭا جىلعا قاراعان كۇنى مەملەكەت ءتوراعاسى شي جينپيڭ جۇڭگو حالىقارالىق راديو ستانسياسى، ورتالىق حالىق راديو ستانسياسى، ورتالىق تەلەۆيزياسى ارقىلى 2016 – جاڭا جىلدى قۇتتىقتاۋ ءسوزىن جاريالادى. تولىق مازمۇنى تومەندەگىدەي:
ەندى بىرنەشە ساعات وتكەن سوڭ جاڭا جىلدىڭ قوڭىراۋى سوعىلعالى تۇر. ءبىز 2015 – جىلدى اتتاندىرىپ، 2016 – جىلدىڭ العاشقى ارايلى تاڭىن قارسى الىپ وتىرمىز. وسى ءبىر ەسكى جىلعا قوش ايتىپ، جاڭا جىلدى قارسى الىپ وتىرعان ساتتە مەن بۇكىل ەلىمىزدەگى ءار ۇلت حالقىنىڭ، شياڭگاڭ ەرەكشە اكىمشىلىك رايونىنداعى، اۋمىن ەرەكشە اكىمشىلىك رايونىنداعى باۋىرلاستاردىڭ، تايۋانداعى باۋىرلاستاردىڭ جانە شەتەلدەگى جۇڭگولىق مۇھاجىرلاردىڭ، دۇنيە جۇزىندەگى ءارقايسى ەلدەر مەن رايوندارداعى دوستاردىڭ جاڭا جىلىنا قۇتتى بولسىن ايتامىن!
ەڭبەكتەنگەندە عانا تابىسقا جەتۋگە بولادى. 2015 – جىلى جۇڭگو حالقىنىڭ توككەن تەرى دە، قول جەتكىزگەن تابىسى دا مول بولدى. ەلىمىز ەكونوميكاسىنىڭ ارتۋى ۇزدىكسىز دۇنيە ءجۇزىنىڭ الدىڭعى لەگىنەن كورىندى. رەفورما جاپپاي كۇشەيدى، زاڭ ءتۇزىلىسى رەفورماسى ۇزدىكسىز تەرەڭدەدى، «ۇشتە قاتاڭ، ۇشتە شىنايى بولۋ» ارناۋلى تاربيەسى ساياسي ەكولوگيانىڭ جاقسارۋىن جەبەپ، جەمقورلىققا قارسى كۇرەس ىشكەرىلەي ورىستەتىلدى. بۇكىل ەلىمىزدەگى ءار ۇلت حالقىنىڭ ورتاق قۇلشىنىسى ارقىلى «12 – بەس جىلدىق» جوبا ءساتتى اياقتالىپ، حالىق بۇقاراسى مول تابىسقا كەنەلۋ سەزىمىنە بولەندى.
بيىل بەيجيڭ 24 – كەزەكتى قىسقى سپورت جارىسىن وتكىزۋ ۇقىعىن الدى، حالىق اقشاسى حالىقارالىق اقشا قورى ۇيىمىنىڭ ارناۋلى الىس – بەرىس ۇقىعىنداعى اقشالار قاتارىنا ەندى، ەلىمىز ءوزى زەرتتەپ جاساعان C919 ءىرى تيپتى جولاۋشى ۇشاعىن قۇراستىرۋ ءىسى ورىندالدى، جۇڭگونىڭ اسقىن كومپيۋتەرى دۇنيە رەكوردىنىڭ «ءۇرتىس التىنشى رەتكى جۇلدەگەرلىگىن» جەڭىپ الدى، ەلىمىز عالىمدارى زەرتتەپ جاساعان قاراڭعىدا زاتتاردى بارلاپ – تەكسەرەتىن جاساندى سەرىك كەڭىستىككە قويا بەرىلدى، تۋ يوۋيوۋ نوبەل سيلىعىن العان ەلىمىزدىڭ تۇڭعىش عالىمىنا اينالدى... مىنە، بۇلار تاباندىلىق ىستەگەندە عانا ارماندى ورىنداۋعا بولاتىندىعىن تۇسىندىرەدى.
بۇل جىلدا قۋانىشتى ىستەر دە، جۇبانىشتى ىستەر دە بولدى. «شىعىس جۇلدىزى» اتتى جولاۋشىلار كەمەسى سۋعا باتۋ، تيانجين كەمەجايىندا ەرەكشە اۋىر ءورت اپاتى، قوپارىلىس تۋىلۋ، شىنجىنداعى لاي كوشكىنى سياقتى شىرعالاڭدار كوپتەگەن باۋىرلاستارىمىزدى ومىرىنەن ايىردى، تاعى باۋىرلاستارىمىز لاڭكەستەر جاعىنان زيانكەستىككە ۇشىرادى، بۇلار ءبىزدى اۋىر قايعىعا باتىردى. ءبىز ولاردى ساعىنا ەسكە الامىز، و دۇنيەلىك بولعانداردىڭ توپىراعى تورقا بولۋىن، ءتىرى قالعاندارىنىڭ امان – ەسەن بولۋىن تىلەيمىز! بۇقارانىڭ تۇرمىسىندا تاعى قيىنشىلىقتار مەن الاڭداۋشىلىقتار دا بار. پارتيا مەن ۇكىمەت، ءسوزسىز، ۇزدىكسىز قۇلشىنىپ، حالىقتىڭ باس اماندىعى مەن مال – مۇلكىنىڭ حاۋىپسىزدىگىن شىنايى قامتاماسىزداندىرىپ، حالىق تۇرمىسىن جاقسارتۋعا، اقاۋسىزدىققا كەپىلدىك ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
