شي جينپيڭ جيبۋتيدىڭ پرەزيدەنتى جليەمەن كەڭەس وتكىزدى
ەكى ەل باسشىلارى جۇڭگو مەن جيبۋتيدىڭ ستراتەگيالىق ارىپتەستىك قاتىناس ورناتىپ، ەكى ەلدىڭ ءار سالاداعى سەلبەستىگىن جاپپاي تەرەڭدەتۋگە ءبىر اۋىزدان قوسىلدى
2017.11.24 16:46 كەلۋ قاينارى : حالىق تورابى
«حالىق گازەتى»، 23 – قاراشا، بەيجيڭ (ءتىلشى دۋ ي - فەي). مەملەكەت ءتوراعاسى شي جينپيڭ 23 - قاراشادا حالىق سارايىندا جۇڭگوعا مەملەكەتتىك ساپارمەن كەلگەن جيبۋتيدىڭ پرەزيدەنتى يسمايل ومار جليەمەن كەڭەس وتكىزدى. ەكى ەل باسشىلارى جۇڭگو مەن جيبۋتيدىڭ ستراتەگيالىق ارىپتەستىك قاتىناس ورناتىپ، ەكى ەلدىڭ ءار سالاداعى سەلبەستىگىن جاپپاي تەرەڭدەتۋگە ءبىر اۋىزدان قوسىلدى.
شي جينپيڭ مىنالاردى اتاپ كورسەتتى: پرەزيدەنت جليە ــ ج ك پ 19 - قۇرىلتايىنان كەيىن افريكا ەلدەرىنەن جۇڭگوعا ساپارلاي كەلگەن تۇڭعىش ەلباسى، بۇل ەكى ەل قاتىناسىنىڭ ەتەنە دوستىعىن تولىق ايگىلەدى. جۇڭگو جۇڭگو - جيبۋتي قاتىناسىنا ايرىقشا ءمان بەرەدى. ەكى ەل ديپلوماتيالىق قاتىناس ورناتقان 38 جىلدان بەرى باستان - اياق ءبىر - بىرىنە تەڭ تۇرعىدا مامىلە جاسادى، ءبىرىن - ءبىرىن قۇرمەتتەدى، ءبىرىن - ءبىرى قولدادى. جۇڭگو جيبۋتيمەن بىرگە جۇڭگو - افريكا ەلدەرى سەلبەستىك تالقى مىنبەسىنىڭ يوحاننەسبۋرگ باس قوسۋىنداعى تابىسىن جەدەل تياناقتاندىرىپ، «ءبىر بەلدەۋ، ءبىر جول» قۇرىلىسىن بىرگە ىلگەرىلەتىپ، ەكى ەلدىڭ ءار سالاداعى سەلبەستىگىن جاپپاي تەرەڭدەتىپ، ەكى ەل حالقىنا اناعۇرلىم زور باقىت جاراتۋدى قالايدى.
شي جينپيڭ مىنالاردى دارىپتەدى: تاياۋ جىلداردان بەرى جۇڭگو مەن جيبۋتي ەلدەرىنىڭ ساياسي سەنىمدىلىگى ۇزدىكسىز كۇشەيىپ، ءار سالاداعى سەلبەستىگىنىڭ قوماقتى تابىسقا قول جەتكىزۋى ەكى ەل قاتىناسىنىڭ ستراتەگيالىق سيپاتىن جانە جوعارى دەڭگەيىن تولىق ايگىلەدى. ەكى جاق جوعارى جىكتەگىلەردىڭ بارىس - كەلىسىن ۇزدىكسىز جالعاستىرىپ، ەكى ەلدىڭ ۇكىمەت، زاڭ شىعارۋ قۇرىلىمدارى، پارتيالار، جەرگىلىكتى ورىندار سياقتى سالالارداعى بارىس - كەلىس پەن ىنتىماقتاستىقتى كەڭەيتىپ، ەل باسقارۋ جانە دامۋ تاجىريبەلەرى جاقتارىنداعى اۋىس - كۇيىستى، ءبىر - بىرىنەن ۇلگى الۋدى كۇشەيتىپ، ءبىر - ءبىرىنىڭ وزەكتى مۇددەسى مەن نازار اۋدارىپ وتىرعان كەلەلى ىستەرگە ساياتىن ماسەلەلەردە ءوزارا قولداۋ كورسەتۋ كەرەك. ءبىز جيبۋتيدىڭ «ءبىر بەلدەۋ، ءبىر جول» قۇرىلىسىنا ات سالىسۋىن قارسى الامىز، جيبۋتيمەن بىرگە ەكى ەلدىڭ ناقتى ىستەر بويىنشا سەلبەستىكتى ورنىقتى ىلگەرىلەتىپ، تەمىر جول، كەمەجاي، سۋمەن قامداۋ، سۇيىلتىلعان تابيعي گاز قۇبىرى سياقتى نەگىزدىك قۇرىلعى نىساندارى مەن ەركىن ساۋدا رايونىن قۇرۋ، اۋىل شارۋاشىلىق سەلبەستىگى سياقتىلاردا تاماشا ەكونوميكالىق، قوعامدىق ونىمدىلىككە قول جەتكىزۋدى قالايدى. جۇڭگو جيبۋتيدىڭ ءوز جەرىنىڭ ەمدەۋ شارت - جاعدايىن جاقسارتۋ، ادام كۇشى بايلىعىن اشۋ سەلبەستىگىن كەڭەيتۋ، ەكى جاقتىڭ جاستار، ايەلدەر، اقىل - پاراسات قويماسى، اقپارات قۇرالدارى سياقتى سالالارداعى اۋىس - كۇيىس سەلبەستىگىن تەرەڭدەتۋىنە ۇزدىكسىز كومەكتەسىپ، ەكى ەل دوستىعىنىڭ حالىق رايى نەگىزىن جانە قوعامدىق نەگىزىن بەكەمدەۋدى قالايدى. جۇڭگو جيبۋتيدىڭ حالىقارالىق جانە وڭىرلىك ىستەردە اناعۇرلىم زور رول اتقارۋىن قولدايدى، جيبۋتيمەن بىرگە 2030 - جىلعى باياندى دامۋ كەڭەستىك ءتارتىبى، افريكانىڭ بەيبىتشىلىگى جانە حاۋىپسىزدىگى سياقتى كەلەلى حالىقارالىق جانە وڭىرلىك ماسەلەلەردە پىكىرلەسۋدى جانە سايكەسۋدى كۇشەيتىپ، ەكى ەلدىڭ جانە دامۋ ۇستىندەگى ەلدەردىڭ ورتاق مۇددەسىن بىرگە قورعاپ، افريكا ءمۇيىسىنىڭ بەيبىتشىلىگىن، ورنىقتىلىعىن قورعاۋ جولىندا سىندارلى رول اتقارۋدى قالايدى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
