نەگىزگى زاڭعا سەرت بەرۋ تۇزىمىندەگى قاتىستى بەلگىلەمەلەرگە لايىقتى وزگەرىس ەنگىزىلەدى
نەگىزگى زاڭعا سەرت بەرۋ سالتىندا جۇڭحۋا حالىق رەسپۋبليكاسىنىڭ مەملەكەت ءانى ورىندالۋى كەرەك
2018.02.24 18:28 كەلۋ قاينارى : حالىق تورابى
«حالىق گازەتى»، 23 – اقپان، بەيجيڭ (ءتىلشى ۋاڭ بيشۋە). 23 – اقپاندا اشىلعان مەملەكەتتىك 12 – كەزەكتى حالىق قۇرىلتايى تۇراقتى كوميتەتىنىڭ 33 – ماجىلىسىندە نەگىزگى زاڭعا سەرت بەرۋ تۇزىمىندەگى قاتىستى بەلگىلەمەلەرگە لايىقتى وزگەرىس ەنگىزۋ ويى ورتاعا قويىلدى، وندا باقىلاۋ كوميتەتىنىڭ قۇرامىنداعى مۇشەلەر زاڭ بويىنشا سايلانىپ شىققان سوڭ نەگىزگى زاڭعا سەرت بەرۋ كەرەكتىگى، سەرت بەرۋ سالتىندا جۇڭحۋا حالىق رەسپۋبليكاسىنىڭ مەملەكەت ءانى ورىندالۋى كەرەكتىگى ايقىن العا قويىلدى. نەگىزگى زاڭعا سەرت بەرۋ سوزىندەگى كۇرەس نىساناسىن بەينەلەيتىن ءسوزدى «باي، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان مەملەكەت قۇرۋ جولىندا قۇلشىنا كۇرەس جۇرگىزەيىك!» دەپ وزگەرتۋ كەرەكتىگى دە العا قويىلدى.
2015 – جىلى 1 – شىلدەدە مەملەكەتتىك 12 – كەزەكتى حالىق قۇرىلتايى تۇراقتى كوميتەتىنىڭ 15 – ماجىلىسىندە «مەملەكەتتىك حالىق قۇرىلتايى تۇراقتى كوميتەتىنىڭ نەگىزگى زاڭعا سەرت بەرۋ ءتۇزىمىن اتقارۋ جونىندەگى قاۋلىسىن» ماقۇلداپ، زاڭ شىعارۋ تاسىلىمەن ەلىمىزدىڭ نەگىزگى زاڭىنا سەرت بەرۋ ءتۇزىمىن تۇراقتاندىردى. وسى رەتكى وزگەرىس ەنگىزۋدە پارتيا 19 – قۇرىلتايى مەن پارتيا 19 – كەزەكتى ورتالىق كوميتەتى ەكىنشى جالپى ءماجىلىسىنىڭ رۋحىن دايەكتى تياناقتاندىرىپ، مەملەكەتتىڭ باقىلاۋ ءتۇزىلىس رەفورماسىن ىشكەرىلەي جۇرگىزۋدىڭ قاجەتىنە ۇيلەسىپ، نەگىزگى زاڭعا سەرت بەرۋ ءتۇزىمىن كەمەلدەندىرىپ، نەگىزگى زاڭ رۋحىن اناعۇرلىم اسقاقتاتىپ، نەگىزگى زاڭنىڭ بەدەلىن ايگىلەۋ ءۇشىن بولىپ وتىر.
مەملەكەتتىك حالىق قۇرىلتايى تۇراقتى كوميتەتى زاڭ قىزمەتى كوميتەتىنىڭ ورىنباسار مەڭگەرۋشىسى جاڭ يۇڭ كوميتەت باستىقتارى ءماجىلىسىنىڭ تاپسىرۋىمەن قاتىستى وزگەرىس ەنگىزۋ جوباسىنا تۇسىنىك جاساعاندا بىلاي دەدى: پارتيانىڭ 19 – قۇرىلتايىندا شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ تاريحي ورنى تۇراقتاندىرىلدى، ەلىمىز دامۋىنىڭ جاڭا كۇرەس نىساناسى تۇراقتاندىرىلدى، مەملەكەتتىڭ باقىلاۋ ءتۇزىلىس رەفورماسىن ىشكەرىلەي جۇرگىزۋ، مەملەكەتتىڭ باقىلاۋ زاڭىن جاساۋ جونىنەن جاڭا تالاپتار ورتاعا قويىلدى. پارتيا 19 – كەزەكتى ورتالىق كوميتەتىنىڭ ەكىنشى جالپى ماجىلىسىندە «ج ك پ ورتالىق كوميتەتىنىڭ نەگىزگى زاڭنىڭ ءىشىنارا بولەگىنە وزگەرىس ەنگىزۋ جونىندەگى ۇسىنىسى» ماقۇلدانىپ، پارتيانىڭ 19 – قۇرىلتايىندا تۇراقتاندىرىلعان كەلەلى نازاريالىق كوزقاراس پەن كەلەلى باعىت – ساياساتتى مەملەكەتتىڭ ءتۇبىرلى زاڭىنا ەنگىزىپ، پارتيا مەن مەملەكەت ىستەرى دامۋىنداعى سونى تابىس، تىڭ تاجىريبە، جاڭا تالاپتى بەينەلەۋ ورتاعا قويىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
