شي جينپيڭ: دۇنيە ءجۇزى عىلىم – تەحنيكاسىنىڭ الدىڭعى لەگىن كوزدەپ، عىلىم – تەحنيكانىڭ دامۋ باعدارىنا جەتەكشىلىك ەتىپ، ۇتىمدى ورايدى الدىمەن يگەرىپ، قيىندىقتى جەڭە ورگە ۇمتىلىپ، دۇنيە ءجۇزى بويىنشا عىلىم – تەحنيكادا قۇدىرەتتى ەل قۇرۋ كەرەك
2018.05.29 16:49 كەلۋ قاينارى : حالىق تورابى
«حالىق گازەتى»، 28 – مامىر، بەيجيڭ (ءتىلشى ۋ چيۋيۇي). جۇڭگو عىلىم اكادەمياسىنىڭ 19 – رەتكى اكادەميكتەر جينالىسى، جۇڭگو ينجەنەريالىق عىلىمدار اكادەمياسىنىڭ 14 – رەتكى اكادەميكتەر جينالىسى 28 – مامىر تۇستەن بۇرىن حالىق سارايىندا سالتاناتپەن اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى ءارى ماڭىزدى ءسوز سويلەدى. ول مىنالاردى دارىپتەدى: جۇڭگونى قۇدىرەتتەندىرۋ، گۇلدەندىرۋ ءۇشىن عىلىم – تەحنيكانى بار كۇشپەن دامىتىپ، دۇنيە جۇزىندەگى نەگىزگى عىلىم ورتالىعى جانە جاڭالىق تۇعىرى بولۋعا قۇلشىنۋ كەرەك. جاعداي، سايىس، بورىش ءبىزدى سوعان ماجبۇرلەپ وتىر. ەلىمىزدەگى عىلىم – تەحنيكا قىزمەتكەرلەرى جالپى بەتالىستى مەڭگەرىپ، ۇتىمدى ورايدى الدىمەن يگەرىپ، ماسەلەدەن تايسالماي، قيىندىقتى جەڭە ورگە ۇمتىلىپ، دۇنيە ءجۇزى بويىنشا عىلىم – تەحنيكانىڭ الدىڭعى لەگىن كوزدەپ، عىلىم – تەحنيكانىڭ دامۋ باعدارىنا جەتەكشىلىك ەتىپ، تاريح جۇكتەگەن اۋىر تاپسىرىقتى ارقالاپ، جاڭا داۋىردەگى عىلىم – تەحنيكادا جاڭالىق جاراتۋدىڭ سەركەسى بولۋعا باتىلدىق ەتىپ، دۇنيە ءجۇزى بويىنشا عىلىم – تەحنيكادا قۇدىرەتتى ەل بولۋعا قۇلشىنۋى كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شۋجيچۋىنىڭ شۋجيى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ جينالىسقا قاتىناستى.شي جينپيڭ سوزىندە الدىمەن جۇڭگو عىلىم اكادەمياسىنىڭ 19 – رەتكى اكادەميكتەر جينالىسى مەن جۇڭگو ينجەنەريالىق عىلىمدار اكادەمياسىنىڭ 14 – رەتكى اكادەميكتەر جينالىسىنىڭ پارتيانىڭ 19 – قۇرىلتايىنان كەيىن ەلىمىزدىڭ عىلىم – تەحنيكا سالاسىندا اشىلعان سالتاناتتى جينالىس بولعانىن ءبىلدىردى. شي جينپيڭ پارتيا ورتالىق كوميتەتى اتىنان جينالىستىڭ اشىلعانىن قىزۋ قۇتتىقتاپ، بۇكىل ەلدەگى عىلىم – تەحنيكا قىزمەتكەرلەرىنە شىن جۇرەكتەن سالەم جولدادى.
شي جينپيڭ مىنالاردى دارىپتەدى: پارتيانىڭ 18 – قۇرىلتايىنان بەرى ءبىز ەلىمىزدىڭ عىلىم – تەحنيكا ىستەرىنىڭ دامۋ امالياتىن قورىتىندىلاپ، جالپى بەتالىستى بارلاپ، جالپى جاعدايدى جوبالاپ، رەفورمانى ىشكەرىلەي جۇرگىزىپ، جان – جاقتى كۇش سالىپ، پارتيانىڭ عىلىم – تەحنيكا ىستەرىنە باسشىلىعىندا تاباندى بولىپ، دۇنيە ءجۇزى بويىنشا عىلىم – تەحنيكادا قۋاتتى ەل قۇرۋ كۇرەس نىساناسىندا تاباندى بولىپ، جۇڭگوشا دەربەس جاڭالىق جاراتۋ جولىمەن جۇرۋدە تاباندى بولىپ، رەفورمانى ىشكەرىلەي جۇرگىزۋ ارقىلى جاڭالىق جاراتۋ ومىرشەڭدىگىنە دەم بەرۋدە تاباندى بولىپ، جاڭالىق جاراتۋدى قوزعاۋشى كۇش ەتۋدىڭ ءتۇپ ءمانى دارىندىلاردى قوزعاۋشى ەتۋ دەگەندە تاباندى بولىپ، عىلىم – تەحنيكادا جاڭالىق جاراتۋدىڭ دۇنيە جۇزىلىك جەلىسىنە قوسىلۋدا تاباندى بولدىق، تىعىز كۇش الىپ، جەدەل سەكىرىس جاساپ، تاريحي، جالپىلىق، جۇيەلى زور وزگەرىس ىسكە اسىرىلدى، ەلەۋلى جاڭالىق جاراتۋ تابىستارى ىركەس – تىركەس جارىققا شىعىپ، كەيبىر الدىڭعى باعىتتار قاتارلاسۋ، كوش باستاۋ كەزەڭىنە ءوتتى، عىلىم – تەحينكالىق قۋاتىمىز ساننىڭ جيناقتالۋىنان ساپالىق وزگەرىسكە سەكىرىس جاساعان، تۇيىندە شەپ بۇزۋدان جۇيەلى قۋاتتىڭ كوتەرىلۋىنە قادام تاستاعان ماڭىزدى ساتتە تۇر.
شي جينپيڭ مىنالاردى اتاپ كورسەتتى: 21 – عاسىرعا اياق باسقاننان بەرى دۇنيە ءجۇزى عىلىم – تەحينكاسىندا جاڭالىق جاراتۋدىڭ تەڭدەسسىز جيىلەگەن، جاندانعان كەزەڭى باستالدى، جاڭا كەزەكتى عىلىم – تەحينكا توڭكەرىسى مەن ونەركاسىپ وزگەرىسى جاڭالىق جاراتۋ ىستەرىنىڭ دۇنيە جۇزىلىك كارتاسىن قايتا قالىپتاستىرىپ دۇنيە ءجۇزى ەكونوميكالىق قۇرىلىمىن قايتادان قۇرۋدا. عىلىم – تەحينكا مەملەكەتتىڭ بولاشاعى مەن تاعدىرىنا، حالىقتىڭ تۇرمىسى مەن يگىلىگىنە ەشقاشان ءدال قازىرگىدەي تەرەڭ اسەر ەتكەن ەمەس.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
