سىرتقى ىستەر مينيسترلىگى سالۆادوردىڭ جۇڭگودا تۇراتىن باس ەلشىلىگىنىڭ اشىلعانى جايىندا جاۋاپ قايتاردى
تاريح جۇڭگو مەن سالۆادوردىڭ ديپلوماتيالىق قارىم – قاتىناس ورناتقانىنىڭ دۇرىس تالعام ەكەنىن دالەلدەيدى
2019.04.30 14:56 كەلۋ قاينارى : حالىق تورابى
شينحۋا اگەنتتىگى، 4 – ايدىڭ 29 – كۇنى، بەيجيڭ (ءتىلشى: حوۋ شياۋچىن) سالۆادوردىڭ جۇڭگودا تۇراتىن باس ەلشىلىگى 4 – ايدىڭ 29 – كۇنى ەلشىلىكتى اشۋ سالتىن وتكىزدى. بۇل جونىندە سىرتقى ىستەر مينيسترلىگىنىڭ مالىمدەمەشىسى گىڭ شۋاڭ بىلاي دەدى: تاريح جۇڭگو مەن سالۆادوردىڭ ديپلوماتيالىق قارىم – قاتىناس ورناتقانىنىڭ دۇرىس تالعام ەكەنىن، تاريحتىڭ دامۋ اۋقىمىنا ۇيلەسەتىنىن، ەكى ەل مەن ەكى ەل حالقىنىڭ ءتۇبىرلى مۇددەسىنە ۇيلەسەتىنىن، ەكى ەل مەن ەكى ەل حالقىنا دا ۇزدىكسىز باقىت جاراتاتىنىن ءسوزسىز دالەلدەيتىن بولادى.
گىڭ شۋاڭ سول كۇنى وتكىزىلگەن كەزەكتى تىلشىلەردى قابىلداۋ جيىنىندا بىلاي دەپ تانىستىردى: بىلتىر 8 – ايدا جۇڭگو مەن سالۆادور ءبىر جۇڭگو پرينسيپى نەگىزىندە ديپلوماتيالىق قارىم – قاتىناس ورناتىپ، ەكى ەل قارىم – قاتىناسىنىڭ جاڭا پاراعىن اشتى. ديپلوماتيالىق قارىم – قاتىناس ورناتقاننان بەرى، ەكى جاق ءوزارا قۇرمەت ەتۋ، تەپە – تەڭ مامىلە جاساۋ، ءوزارا تيىمدىلىك جەتكىزىپ، ورتاق يگىلىكتەنۋ نەگىزىندە، ەكونوميكا جانە ساۋدا، قارجىلاندىرۋ، نەگىزدىك قۇرىلعىلار، اۋىل شارۋاشىلىعى، عىلىم – تەحنيكا، گۋمانيتارلىق سالا، وقۋ – اعارتۋ، ساياحات قاتارلى سالالارداعى ناقتى سەلبەستىكتەردى جاپپاي باستادى، العاشقى مەرزىمدىك جەتىستىكتەر ۇزدىكسىز كورىنە باستاپ، سالۆادوردىڭ ەكونوميكاسى مەن قوعامىنىڭ دامۋىنا ەلەۋلى وراي جانە جارقىن بولاشاق سيلادى. ەكى جاق «ءبىر بەلدەۋ، ءبىر جولدى» بىرگە گۇلدەندىرۋ قاتارلى جاقتاردا 13 ءتۇرلى سەلبەستىك قۇجاتىنا قول قويدى. بىلتىر جۇڭگو سالۆادوردان 210 مىڭ توننا ازىقتىق قانت يمپورت ەتتى، سالۆادوردىڭ جۇڭگوعا ەكسپورت ەتۋ سوماسى زور مولشەردە ارتىپ، ارتۋ مولشەرى %82كە جەتتى. سالۆادوردىڭ جاس تالانتتىلارىنان 34 ادام قازىر جۇڭگودا ءبىلىم الۋدا، بيىل تاعى جۇڭگو ۇكىمەتىنىڭ وقۋ سيلىق قاراجاتىنا يە بولعان 35 وقۋشى جۇڭگوعا كەلىپ ءبىلىمىن اسىرادى، مۇنان سىرت، جۇڭگو ۇكىمەتى سالۆادورعا ءتۇرلى سالالار بويىنشا 100 ادامدى قىسقا مەرزىمدىك كۋرستان وتكىزەتىن سان بەرىپ وتىر.
گىڭ شۋاڭ: سالۆادوردىڭ جۇڭگودا تۇراتىن باس ەلشىلىگىنىڭ رەسمي اشىلۋى ەكى ەلدىڭ ساياسي ورتالىعىنىڭ اراسىن جالعاستىراتىن دوستىق كوپىرىن سالىپ، ەكى ەل حالقىنىڭ ءوزارا تۇسىنىسۋىنە تىڭ تەرەزە اشتى، ەكى ەلدىڭ جان – جاقتى سەلبەستىك ورناتۋىنا تىڭ دانەكەر بولدى، — دەدى. جۇڭگو جاق سالۆادورمەن بىرگە قۇلشىنىپ، ءوزارا قۇرمەت ەتۋ، تەڭ دارەجەدە ءوزارا تيىمدىلىك جەتكىزۋ، ورتاق دامۋ جانە ءبىر – ءبىرىنىڭ ىشكى ىستەرىنە كيلىكپەۋ پرينسيپىندە تاباندى بولىپ، ءتۇرلى سالالارداعى اۋىس – كۇيىس پەن سەلبەستىكتى كۇشەيتۋدى، جۇڭگو مەن سالۆادوردىڭ قارىم – قاتىناسىن ورنىقتى دا اقاۋسىز، ۇزدىكسىز دامىتۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
