«ءبىر بەلدەۋ، ءبىر جول» شار – تاراپتى توعىستىردى، جۇڭگو – لاوس تەمىر جولىندا قاربالاس جۇمىس جۇرگىزىلۋدە

2019.04.28 14:53   كەلۋ قاينارى : حالىق تورابى

　　سۋرەتتە: اسقار تاۋلار اراسىنداعى مۋناي وزەنىنە سالىنعان ەرەكشە ۇلكەن كوپىر بيىل 12 – ايدا قيۋلاستىرىلادى دەپ جوسپارلانعان (سۋرەت 4 - ايدىڭ 12 – كۇنى تۇسىرىلگەن)

　　يۇننانىڭ وكپە تۇسىنان، تەڭىز دەڭگەيىنەن 1800 مەتر بيىكتىكتەگى يۇيشي قالاسىنان وڭتۇستىككە قاراي، مىڭ شاقىرىمنان استام ارالىقتا يرەلەڭدەي سوزىلىپ جاتقان تەمىر جولدىڭ نوبايى قالىپتاسىپ كەلەدى. تاۋ اسىپ، تاس باسىپ، ىرگەلەس وتىرعان تاتۋ كورشى لاوسقا جەتەتىن بۇل تەمىر جول قازىر سالىنۋ ۇستىندەگى جۇڭگو – لاوس تەمىر جولىنىڭ ەل ىشىندەگى بولەگى — يۇي (شي) – مو (حان) تەمىر جولى ينجەنەرياسى. جۇڭگو – لاوس تەمىر جولى مەملەكەتتىڭ «ءبىر بەلدەۋ، ءبىر جول» دارىپتەمەسىمەن ۇشتاستىرىلعان، جۇڭگو - شىعىس وڭتۇستىك ازيا ەلدەرى وداعى ەركىن ساۋدا رايونى قۇرىلىسىن ىلگەرىلەتۋدەگى ماڭىزدى نەگىزدىك قۇرىلعى، جۇڭگو جاق نەگىزگى قارجىلاندىرۋشى جانە سالۋشى بولعان، جۇڭگو – لاوس بىرگە باسقاراتىن جانە جۇڭگو تەمىر جول تورابىمەن تىكەلەي تۇتاساتىن تۇڭعىش حالىقارالىق تەمىر جول، جۇڭگو – لاوس ەكى ەلدىڭ ناقتى ىستەردەگى سەلبەستىگىنىڭ كوشباسشى نىسانى.

　　بۇكىل تەمىر جول جەلىسى سالىنىپ بولعاننان كەيىن، كۇنميڭنەن لاوستىڭ ۆەنتيان قالاسىنا تاڭەرتەڭ جولعا شىعىپ، كەشتە جەتىپ بارۋدى ىسكە اسىرۋدان ءۇمىت زور. جۇڭگو – لاوس تەمىر جولىنىڭ قۇرىلىسى 2016 – جىلى 12 – ايدا باستالعان، 2017 – جىلدىڭ ورتاسىندا قۇرىلىس جاپپاي جۇرگىزىلگەن، 2021 – جىلدىڭ سوڭىنان بۇرىن سالىنىپ بولىپ، پويەز قاتىنايدى دەپ جوسپارلانعان. نىسان جۇڭگو تەمىر جولى ولشەمى بويىنشا جوبالانىپ، سالىنادى جانە ىسكە قوسىلادى، جوبالانعان ساعاتتىق جىلدامدىعى 160 كيلومەتر. سالىنىپ بولىپ، پويەز قاتىناعاننان كەيىن، ەلىمىزدىڭ باتىس وڭتۇستىك رايونىنداعى شەكارا اتتايتىن تاعى ءبىر حالىقارالىق تەمىر جول بولادى. شينحۋا اگەنتتىگىنىڭ ءتىلشىسى چين چيڭ فوتوسى

　　كەلۋ قاينارى: حالىق تورابى