لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2019.10.09 15:05 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 8 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 10 - ايدىڭ 8 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى، ماجىلىستە «ساۋدا ورتاسىن ساپالىلاندىرۋ ەرەجەسى (جوبا)» قاراپ ماقۇلدانىپ، ۇكىمەتتىڭ زاڭ شىعارۋى ارقىلى ءتۇرلى بازار تۇلعالارىنىڭ قارجى قوسىپ، شارۋاشىلىعىن گۇلدەندىرۋىن تۇزىمدىك جاقتان قامتاماسىز ەتۋ بەلگىلەندى؛ «جۇڭحۋا حالىق رەسپۋبليكاسىنىڭ ارحيۆ زاڭى (وزگەرىس ەنگىزىلگەن جوبا)» تالقىلانىپ، ماقۇلداندى.
ماجىلىستە مىنالار اتاپ كورسەتىلدى: پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتىلەندىرىپ، ارناۋلى اكىمشىلىك زاڭ - ەرەجەلەردى جاساپ، بازارلاندىرىلعان، زاڭمەن جونگە سالىناتىن، حالىقارالانعان ساۋدا ورتاسى قۇرىلىسىن ىلگەرىلەتۋ − رەفورما جاساپ، قاقپا اشۋدى تەرەڭدەتۋدىڭ، ءادىل باسەكەنى جەبەۋدىڭ، بازاردىڭ ومىرشەڭدىگى مەن ەكونوميكانىڭ ىشكى قوزعاۋشى كۇشىن ارتتىرۋدىڭ، ساپالى دامۋدى ىلگەرىلەتۋدىڭ ماڭىزدى شاراسى. ماجىلىستە «ساۋدا ورتاسىن ساپالىلاندىرۋ ەرەجەسى (جوبا)» قاراپ ماقۇلداندى، وندا مىنالار بەلگىلەندى: بازار تۇلعالارىنىڭ قاجەتىن ارقاۋ ەتىپ، ۇكىمەت فۋنكتسياسىندا بۇرىلىس جاساۋعا نازار اۋدارىپ، سوڭعى جىلداردان بەرگى ۇكىمەت قۇرىلىمىن ىقشامداپ، ۇقىقتى تومەنگە بەرىپ، ىرقىنا جىبەرۋ مەن باسقارۋدى ۇشتاستىرىپ، قىزمەت وتەۋدى ساپالىلاندىرۋ رەفورماسىنداعى ءونىمدى تاجىريبەلەر مەن ادىستەردى زاڭ - ەرەجەگە اينالدىرۋ، سونداي - اق حالىقارالىق وزىق دەڭگەيگە تۋرالاپ، ىشكى كاسىپورىندار مەن شەتەل قارجى قوسقان كاسىپورىندار سياقتى ءتۇرلى بازار تۇلعالارىنىڭ بارىنە تەڭ قارايتىن تيجارات - ساۋدا ورتاسىنىڭ نەگىزگى تۇزىمدىك ولشەمىن تۇراقتاندىرۋ كەرەك. ءبىرىنشى، ۇقىقتى تومەنگە بەرۋدى اناعۇرلىم زور تەبىنمەن جۇرگىزۋ كەرەك. بازارعا كىرۋ رۇقساتىن ۇزدىكسىز جەڭىلدەتىپ، مەملەكەت بويىنشا بازارعا كىرۋدە رۇقسات ەتىلمەيتىندەر ءتىزىمى ءتۇزىمىن اتقارىپ، تيجارات كۋالىگى مەن رۇقسات كۋالىگىن ايىرۋدى ىلگەرىلەتىپ، كاسىپورىنداردىڭ جۇمىس ءبىتىرۋ جانە تىزىمنەن ءوشىرۋ رەسمياتىن جەڭىلدەتۋ كەرەك، جەر - جەر قوعامعا اشىق ۇستالاتىن كاسىپورىندارعا قاتىستى كۋالىك، باجى، بانكە ەسەپ اشۋى، ەلەكترگە جالعاۋ سياقتى ءبىر جاقتى ەتۋ ۋاقىت شەگىن بەلگىلەۋى كەرەك، ۋاقىت شەگىنەن اسىپ كەتسە، ءبىر جاقتى ەتۋشى ورىندار سەبەبىن اشىق ءتۇسىندىرۋى كەرەك. جىلجىمايتىن مۇلىكتى تىزىمدەۋ، ساۋدالاۋ جانە باجى تاپسىرۋ سياقتىلاردى ءبىر تەرەزە ارقىلى قابىلداپ، قاتار ءبىتىرۋ كەرەك. اكىمشىلىك رۇقسات بەرۋ مەن تەكسەرىپ بەكىتۋدى اناعۇرلىم ىقشامداپ، شىنىندا ساقتاپ قالۋعا ءتيىستى رۇقسات، كۋالىك سياقتى ىستەر جونىندە ۋادە بەرۋ ءتۇزىمىن اتقارۋ كەرەك. جاڭادان اكىمشىلىك رۇقسات بەرۋدى قاتاڭ تەجەپ، جاڭادان قۇرىلاتىن بولسا، زاڭ بويىنشا قاتاڭ تەكسەرىپ دالەلدەۋ جانە بەكىتۋ كەرەك. ەكىنشى، باقىلاۋ - باسقارۋدى، زاڭ اتقارۋدى ارناعا ءتۇسىرۋ جانە وندا جاڭالىق جاراتۋ كەرەك. الەۋمەتتىك حاۋىپسىزدىك پەن بۇقارانىڭ ءومىرى، دەنساۋلىعى سياقتى ەرەكشە سالالارعا، ءتۇيىندى سالالارعا تىكەلەي سايۋدان سىرت، «ەكىنى كەزدەيسوق تەكسەرۋ، ءبىردى جاريا ۇستاۋ» سىندى باقىلاۋ – باسقارۋ شاراسىن اتقارۋ كەرەك. «ينتەرنەت + باقىلاۋ - باسقارۋ» شاراسىن جولعا قويۋ كەرەك. جاڭادان گۇلدەنگەن شارۋاشىلىق جونىنەن كەڭدىكپەن، ساقتىقپەن باقىلاپ - باسقارۋ كەرەك. ءۇشىنشى، بازار تۇلعالارىن قورعاۋدى كۇشەيتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
