لي كىچياڭ ورتالىقتىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنە توتەپ بەرۋ قىزمەتىنە باسشىلىق ەتۋ گرۋپپاسىنىڭ ءماجىلىسىن باسقارىپ اشتى
جەرگىلىكتى ورىنداردىڭ ىندەتتەن ساقتانۋ - تىزگىندەۋ قىزمەتىنىڭ قاجەتى ءۇشىن قىزمەتتى يكەمدى ورنالاستىرۋى، ىندەتتەن ساقتانۋ - تىزگىندەۋ جانە بازاردا زاتپەن قامداۋ ىستەرىن جاقسى ىستەۋى، حۋبەيدەگى ءتۇيىندى رايونداردى ەمدەۋ، ساقتانۋ - تىزگىندەۋ زاتتىق ماتەريالدارى جاعىنان قولداۋ تەبىنىن ارتتىرۋى جونىنەن ورنالاستىرۋ جاسادى
ۋاڭ حۋنيڭ ماجىلىسكە قاتىناستى
2020.02.03 17:15 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 2 - كۇنى، بەيجيڭ. 2 - ايدىڭ 2 - كۇنى ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىقتىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنە توتەپ بەرۋ قىزمەتىنە باسشىلىق ەتۋ گرۋپپاسىنىڭ باستىعى لي كىچياڭ باسشىلىق ەتۋ گرۋپپاسىنىڭ ءماجىلىسىن باسقارىپ اشىپ، ءبىر ءبولىم ولكە، اۆتونوميالى رايون، توتە قاراستى قالانىڭ ىندەتتەن ساقتانۋ - تىزگىندەۋ قىزمەتىنىڭ قاجەتى ءۇشىن قىزمەتتى يكەمدى ورنالاستىرۋى، ىندەتتەن ساقتانۋ - تىزگىندەۋ جانە بازاردا زاتپەن قامداۋ ىستەرىن جاقسى ىستەۋى، حۋبەي ولكەسىنە، اسىرەسە، ۋحان قالاسىنا جانە ونىڭ توڭىرەگىندەگى ءتۇيىندى رايوندارعا ەمدەۋ، ساقتانۋ - تىزگىندەۋ زاتتىق ماتەريالدارى جاعىنان قولداۋ تەبىنىن ارتتىرۋى جونىنەن ورنالاستىرۋ جاسادى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىقتىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنە توتەپ بەرۋ قىزمەتىنە باسشىلىق ەتۋ گرۋپپاسى باستىعىنىڭ ورىنباسارى ۋاڭ حۋنيڭ ماجىلىسكە قاتىناستى.
ماجىلىستە مىنالار اتاپ كورسەتىلدى: ورتالىقتىڭ ىندەتكە توتەپ بەرۋ قىزمەتىنە باسشىلىق ەتۋ گرۋپپاسى ءماجىلىسىنىڭ رۋحىنا ساي، مەملەكەتتىك كەڭەس ءبىر ءبولىم ولكە، اۆتونوميالى رايون، توتە قاراستى قالانىڭ ىندەتتەن ساقتانۋ - تىزگىندەۋ قىزمەتىنىڭ قاجەتىنە ساي، كوكتەم مەرەكەسىنەن كەيىن ىندەتتەن ساقتانۋ - تىزگىندەۋدى، الەۋمەتتىك ىستەردىڭ جۇرگىزىلۋىن، بۇقارانىڭ تۇرمىس قاجەتىن جانە باسقا دا ماڭىزدى مەملەكەت جوسپارىن، حالىق تۇرمىسىن قامتاماسىزداندىرۋعا ساياتىن كاسىپورىندارداعى، ماڭىزدى ينجەنەريالارداعى قىزمەتكەرلەردىڭ قىزمەت ورنىنا دەر كەزىندە قايتۋىنا، سونىمەن بىرگە، باسقا سالالاردا يكەمدى ءتاسىل قولدانىپ قىزمەت ورنالاستىرۋعا ماقۇل بولدى. بۇل مەرەكەدەن كەيىن ادامداردىڭ كەڭ كولەمدە اعىلۋىنان ساقتانىپ، ىندەتتىڭ تارالۋ قاتەرىن تومەندەتۋگە پايدالى. شارت - جاعداي ازىرلەگەن كاسىپورىن، ءىسورىنداردىڭ قىزمەتكە بارىپ - كەلۋ ۋاقىتىن ءبولىپ ورنالاستىرۋىنا جانە ۇيدە وتىرىپ توراپتا جۇمىس ىستەتۋىنە جەتەكشىلىك ەتۋ كەرەك. شارۋا جۇمىسكەرلەر سياقتى ءتۇيىندى قاۋىمنىڭ ۋاقىت مەزەتى بويىنشا جول جۇرۋىنە تارتىپپەن جەتەكشىلىك ەتىپ، جۇمىس باستالعاننان كەيىن توپقا ءبولىنىپ، جۇمىس ورىندارىنا تارتىپپەن قايتۋىنا جەتەكشىلىك ەتۋ كەرەك.
ماجىلىستە مىنالار اتاپ كورسەتىلدى: جەر - جەر ىندەتتەن ساقتانۋ - تىزگىندەۋ بۇيىمدارى مەن تۇرمىستىق بۇيىمداردى ورنىقتى قامداۋعا شىنايى كەپىلدىك ەتۋى كەرەك. ءوز رايونىنىڭ ءدارى - دارمەك، قورعانۋ بۇيىمدارى، ديزەنفەكسيالاۋ بۇيىمدارى سياقتى ىندەتتەن ساقتانۋ - تىزگىندەۋ بۇيىمدارى مەن قامداۋ جاعدايىن دەر كەزىندە دۇرىس يگەرىپ، قاتىستى كاسىپورىنداردىڭ جۇمىستى تەز ارادا قالپىنا كەلتىرۋىنە، قۋاتىنىڭ جەتىسىنشە وندىرۋىنە، ءوندىرىس قۋاتىن ارتتىرۋىنا پارمەندى شارالار قولدانا وتىرىپ قولداۋ كورسەتۋ كەرەك. تۇرمىستىق قامداۋدى كۇشەيتىپ، استىق، ماي جانە ازىق - تۇلىك مانەرلەۋ، ەنەرگيا سياقتى ءتۇيىندى كاسىپورىنداردى ءوندىرىستى قالپىنا كەلتىرىپ، ماڭىزدى زاتتىق ماتەريالدارمەن قامداۋ جاسىل ارناسىن قۇرىپ، ەلەكتر، كومىر، استىق، كوكونىس سياقتى ءتۇيىندى زاتتاردى تاسىمالداۋدى الدىمەن ورنالاستىرىپ، تولايىم ساتۋ بازارىنىڭ، قالا رايونىنداعى زات اينالىمىنىڭ، جەتكىزۋدىڭ ىركىلىسسىزدىگىنە جانە ساۋدا بازارلارى مەن ەرەن بازارلاردىڭ، قولايلى دۇكەندەردىڭ، الەۋمەتتىك اۋماق قامداۋ تۇيىندەرىنىڭ دەر كەزىندە زات تولىقتاۋىنا كەپىلدىك ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
