ىندەت جاعدايىندا بەلسەندى وزگەرىس تۋىلدى، دەسە دە، جاعداي ءالى دە اۋىر − ورتالىقتىڭ جەتەكشىلىك ەتۋ گرۋپپاسى مەملەكەتتىك كەڭەس اقپارات كەڭسەسىنىڭ اقپار جاريالاۋ ماجىلىسىنە تۇڭعىش رەت قاتىناسىپ، ماڭىزدى ينفورماتسيا جاريالادى
2020.02.21 17:21 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 20 - كۇنى، ۋحان. تاقىرىبى: ىندەت جاعدايىندا بەلسەندى وزگەرىس تۋىلدى، دەسە دە، جاعداي ءالى دە اۋىر − ورتالىقتىڭ جەتەكشىلىك ەتۋ گرۋپپاسى مەملەكەتتىك كەڭەس اقپارات كەڭسەسىنىڭ اقپار جاريالاۋ ماجىلىسىنە تۇڭعىش رەت قاتىناسىپ، ماڭىزدى ينفورماتسيا جاريالادى
شينحۋا اگەنتتىگىنىڭ تىلشىلەرى حۋ حاۋ، لي سى - يۋان
2 - ايدىڭ 20 - كۇنى تۇستەن كەيىن مەملەكەتتىك كەڭەستىڭ اقپارات كەڭسەسى حۋبەي ولكەسىنىڭ ۋحان قالاسىندا 2 - رەتكى اقپار جاريالاۋ ءماجىلىسىن وتكىزدى. ورتالىقتىڭ حۋبەيدەگى جەتەكشىلىك ەتۋ گرۋپپاسى تۇڭعىش رەت مەملەكەتتىك كەڭەس اقپارات كەڭسەسىنىڭ اقپار جاريالاۋ ماجىلىسىنە قاتىناسىپ، ورتالىقتىڭ جەتەكشىلىك ەتۋ گرۋپپاسىنىڭ ىندەتتەن ساقتانۋ - تىزگىندەۋ قىزمەتىن ۇيىمداستىرۋ جاعدايىن تانىستىردى.
ىندەت جاعدايىندا بەلسەندى وزگەرىس تۋىلدى، جاعداي ءالى دە اۋىر
ورتالىق جەتەكشىلىك ەتۋ گرۋپپاسىنىڭ مۇشەسى، مەملەكەتتىك كەڭەس باس حاتشىسىنىڭ ورىنباسارى ديڭ شياڭياڭ تانىستىرىپ بىلاي دەدى: باس شۋجي شي جينپيڭنىڭ نۇسقاۋى مەن پارتيا ورتالىق كوميتەتىنىڭ ورنالاستىرۋى بويىنشا ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى سۇن چۇنلان گرۋپپا باستىعى بولعان ورتالىقتىڭ جەتەكشىلىك ەتۋ گرۋپپاسى 1 - ايدىڭ 27 - كۇنى ۋحانعا كەلىپ، ىندەتتەن ساقتانۋ - تىزگىندەۋ قىزمەتىنە جەتەكشىلىك ەتىپ، تۋ باستان ساقتانۋدى تۇيىندەپ كۇشەيتتى، تاپشى زاتتاردى مۇمكىندىكتىڭ بارىنشا سايكەستىرىپ جەتكىزىپ، قامتاماسىزداندىرىپ، ناۋقاستى قۇتقارۋ قىزمەتىن بار كۇشپەن ورىستەتىپ، تارالمالى اۋرۋدى ەمدەۋ ءىلىمىن تەكسەرۋدى ۇيىمداستىرىپ، جۇعۋ قاينارى، تارالۋ جولى جانە تارالۋ مەحانيزمى سياقتىلاردى ىزىنە ءتۇسىپ تەكسەرىپ جانە زەرتتەپ، ىندەت جاعدايىنا دەر كەزىندە تۇجىرىم جاساپ، قاراستى رايون، سالا، ورىن، جەكە سىندى «ءتورت جاقتىڭ» جاۋاپكەرلىگىن ايقىندادى جانە تياناقتاندىردى.
«ىندەتتىڭ ءورشۋ جاعدايىن باتىل تەجەپ، ىندەتتەن ساقتانۋ - تىزگىندەۋ توسقاۋىل شايقاسىندا باتىل جەڭىسكە جەتۋ − قول قۋسىرىپ قاراپ تۇرۋعا بولمايتىن جالپى حالىقتىق ارەكەت، جۇمىلا كۇش بىرىكتىرەتىن حالىقتىق شايقاس». ديڭ شياڭياڭ بىلاي دەدى: ىندەت جاعدايىندا قالىڭ ەمدەۋ قىزمەتكەرلەرى «مەملەكەتتە شايقاس بولسا، شاقىرعان ساتتە جەتۋ، جەڭىستى شايقاس جۇرگىزۋ كەرەك» دەيتىن سەنىممەن كەۋدە كەرە العا شىعىپ، الدىڭعى شەپكە ۇمتىلدى. ولار − جاڭا داۋىردەگى ەڭ تاڭداۋلى، ەڭ سۇيىكتى جاندار.
قازىر حۋبەي مەن ۋحاننىڭ ىندەت جاعدايىندا كەيبىر بەلسەندى وزگەرىس جارىققا شىعىپ، ساقتانۋ - تىزگىندەۋ قىزمەتىندە كەزەڭدىك تابىسقا قول جەتتى. ۋحاندا جاڭادان قوسىلعان دياگنوزى تۇراقتانعان ناۋقاستار مەن كۇدىكتى ناۋقاستار ازايىپ، ەمدەۋ، قۇتقارۋ قۋاتى مەن دەڭگەيى دە ۇزدىكسىز جوعارىلاپ، بولنيتسادان شىققان ادام سانى ورنىقتى ارتتى. ۋحاننان سىرت، حۋبەيدىڭ ءارقايسى قالاسى مەن ايماقتارىندا دا دياگنوزى تۇراقتانعان ناۋقاستار مەن كۇدىكتى ناۋقاستار ازايدى.
ديڭ شياڭياڭ مىنالاردى ءبىلدىردى: حۋبەي مەن ۋحانداعى ىندەت جاعدايىنىڭ ءالى دە توتەنشە اۋىر ەكەنىن، ءسوز جوق، سەرگەكتىكپەن تانۋ كەرەك. ەمدەۋ، قۇتقارۋ جاعىنان الىپ ايتقاندا، دياگنوزى تۇراقتاندىرىلعان ناۋقاستاردىڭ نەگىزدىك سانى جوعارى، ۋحاندا قازىر ەمدەلىپ جاتقان ناۋقاستاردىڭ سانى 30 مىڭنان اسادى، تاعى نەشە مىڭ سالماقتى جانە قاتەرلى ناۋقاستى ەمدەۋ مىندەتى ءالى دە اۋىر.
«وتپەيتىن قىس، كەلمەيتىن كوكتەم بولمايدى». ديڭ شياڭياڭ بىلاي دەدى: ىندەت الدىندا، ءبىز شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ۇزدىكسىز بار كۇشپەن كۇرەس جۇرگىزىپ، ەرلىكپەن شايقاس جاساپ، ىنتىماقتاسا كۇرەس جۇرگىزىپ، بارلىق قيىندىقتى الاستاپ، العان بەتتەن قايتپساق بولعانى، وسى حالىقتىق شايقاستا، ءسوز جوق، جەڭىسكە جەتە الامىز، شۋاقتى كوكتەم دە ءسات - ساعاتىندا كەلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
